სქესობური რზათ გინმადვალუ ინფექციეფი

სქესობურ რზათ გინმადვალუ ინფექციეფი (სრგი), კჷნე ვენერიულ ლახარეფი — ინფექცია, ნამუთ გინმიდვალუაფუ ართ ადამიერშე მაჟირაშა სქესობურ კონტაქტიშ/წორორინაშ ბორჯის. ასეშო ჩინებულ რე 30-შე უმოი სრგი, თინეფშე არძაშე უმოსო მოდვალირ რე სიფილისი, გონორეა (ტრიპერი), ტრიქომონიაზი, ქლამიდიოზი, გენიტალურ ჰერპესი, გენიტალურ მეჭეჭი, მიკოპლაზმოზი, სოკოამ ინფექცია, აივ/შიდსი დო შხვა.

სიმპტომეფი

სრგი-ეფიშ უმენტაშობა დოინფიცირაფაშე 3-10 დღაშა მუკმირჩქინანს სიმპტომეფს დო თინეფ შხვადოშხვანერო მუკმურჩქინდჷ ოსურეფს დო ქომოლკოჩეფს. არძაშე შხირ სიმპტომეფს შქას რე:

• ჭუაშ გინაფა დოფსუმაშის;
• სიჭითარე სასქესე ორგანოეფიშ მუკ-მუკი;
• გიმორღვაფა სასქესე ორგანოეფს, კანს დო ცქირცქამ დაცხეფს — სამანგათ, პიჯიშ გვამს, თარაგუდას;
• გუმნაველი;
• ჩამინი;
• ჭუა ქვარაშ გიმენ არანს.

ეშანილ სიმპტომეფიშ ჸოფა დასაბაღ სამანჯელ რე, ექიმს უწაიათ მუკართათინ.

გინოდვალაშ რზეფი

გინმიდვალუაფუ არძა სახეშ სქესობურ კონტაქტით – ჰეტეროსექსუალურ, ჰომოსექსუალურ (ანალურ, ვაგინალურ, ორალური). შილებე ადამიერქ დეინფიცირას ოჸოფარინე რზათ (სამანგ. დოინფიცირაფილიშ ნორჩალობაშ, სარწყეშ ხვარებათ), სამანგათ, გინოდვალაშ თე რზა ოშა-გოშა რე. შილებე სრგი-შ გინოდვალა ვაგინალურ ანუ ქომოლკოჩიშ სასქესე ორგანოშ თარაგუდაშა მიშანჭაფათ; ანალურ ანუ ქომოლკოჩიშ სასქესე ორგანოშ დახვენჯიშ დუდიშ გვამშა მიშანჭაფათ; ორალური; დალახებულ ნანაშე ერჩქიშა უხენობაშ, ბადებაშ ვარ-და კიდირით ჩამაშ ბორჯის.

დო ომანგე კურნალუა ვა რე მანჯაფილი-და, სრგი-შ მალობა განწეხანიშ დო რეღმაშობურ რე, შხირას გალენურ შანეფიშ უმუშო. დო ადამიერქ დეინფიცირჷ ნამდგა სახეშ სრგი-თ-და, მუშითკურნალუა უშულებუ რე, ანუ სპეციალურ კურნალუაშ უმუშო ადამიერ მუშით ვამკმოსქიდჷ.

მუთ უმოს ორდოშე მიკართუ დოინფიცირაფილ ადამიერ ექიმსჷნ, თით უმოს ლექინ რე სქილადა დო მუთ შანულამ რე, დუდშე იჸუაფუ ეღებულ შხვადოშხვა გაბანძღებეფი, ნამუქჷთ შილებე მაჸუნას სრგი-ს.

გაბანძღებეფი

სქესობურ რზათ გინმადვალუ ინფექციეფ მინშა ფულირო მეურს ანუ ადამიერ ვაგინაფულენს, ნამჷ-და თინა დოინფიცირაფილ რე ნამდგაინ კონკრეტულ ლახარათინ. შანეფ მუკმორჩქინდუ უკვე გაბანძღებეფიშ პერიოდის. ლახარაქ შილებე გეგნორთას ქრონიკულ სტადიაშა, ნამუთ აბანძღენს კურნალუას, ლახარაქ შილებე გეგნორთას ბჟღერ–სასქესე სისტემაშა დო გეგმიჭანუას ანთებურ ლახარეფი, იმპოტენცია მუჭოთ ოსურეფს, თეშ ქომოლკოჩეფს, შილებე გჷნირთას უსქეობაშ თარ სამანჯელო, ნამუთ გინეკოლოგიურ პრობლემეფიშ 40%-ის აკმადგინანს, ნამუეფჷთ ოხვილჷნა სტაციონარულ კურნალუას (გინეკოლოგიურ ლახარა, უხენობაშ მეჭყორიდუა, სასქუოგალე უხენობა დო თ.უ.) წჷმარინუანს აივ-იშ დო B ჰეპატიტიშ გინოდვალაშ ართ-ართ რისკ-ფაქტორს.

მუშით კურნალუა ხვალე გაბანძღენს დგომარობას.

დუდთხილუაშ მორსხეფი

• ირო ართ სქესობურ პარტნიორიშ ჸვენა;
• პრეზერვატივიშ გიმორინაფა არძა სახეშ ნამდგა სქესობურ კონტაქტიშის;
• პარტნიორეფიშ ართო კურნალუა, შხვა შვანს კურნალუას მუთუნნერ შედეგ ვაღვენუ;
• კურნალუაშ თებაშახ სქესობუი კონტაქტიშე დუდიშ აღება ვარ-და კონდომიშ გიმორინაფა ირ სქესობურ კონტაქტიშის.

რესურსეფ ინტერნეტის

• CDC Sexually Transmitted Diseases Treatment Guidelines, 2010
• Sexually Transmitted Diseases Treatment Guidelines - 2006
• STD photo library Archived 2010-07-21 ვებ-ხასჷლას Wayback Machine.
• UNFPA: Breaking the Cycle of Sexually Transmitted Infections
• Sexually Transmitted Infections
• STDs In Color: Sexually Transmitted Disease Facts and Photos