ვისკი

ვიკიპედია-შე
Jump to navigation Jump to search
Best drink.jpg

ვისკი — მანგარი ალკოჰოლიანი, არომატული შოტლანდიურ-ირლანდიური ტრადიციული ოშუმალი, ნამუთ ბწკარეფიშ (ქერი, ალაო, ლაიტი, ჭვე), წყარიშ დო საფუარშე იზადუ. ბწკარეფშე მეღებული სპირტი, დოჯვეშაფაშ დო არომატიშ მეღებაშ ღანკით, იჩუალუაფუ ამერიკულ დო ევროპულ ჭყონიშ ბურწემეფს, ნამუეფსჷთ კინოხ იჯვეშებუდჷ ამერიკული ბურბონი ვარდა ევროპული ჰერესი. არსებენს ვისკიშ მუსხირენ გვარობა: ართ-ალაოიანი ანუ single malt , ესვარილი ალაოიანი ანუ vatted-blended malt, ბწკარეულიშ ანუ grain (არძაშე უხარისხე), ესვარილი ანუ blended (ნამუეფსჷთ 90% წილი რე ბწკარეულიშ ვისკიშ სპირტეფი, მორჩილი დოზათ — ალაოიანი), ართი ბურწემშე გჷმობუნილი ანუ single cask, დო ბურწემიშ ალკოჰოლიშ სისანწალეშ ანუ cask strength (ნამუსჷთ ალკოჰოლიშ კონცენტრაცია 70%-შახ ხოლო ვათმურს). თინეფს შქას არძაშე ხარისხიანი რე ალაოიანი ანუ malt კატეგორიაშ ვისკეფი სამანგათ: Macallan ,Glendfidich დო თ.უ. არძაშე გოფაჩილი — ესვარილი ანუ blended ვისკეფი რე (დაბალი ფასიშ გეშა), მუჭომეფით რე grants, Ballantine's, Johnnie Walker Red J&b დო თ.უ, მარა არსებენს თაშნეშე მაღალი ხარისხიშ, დოჯვეშაფილი ესვარილი (BLENDED) ვისკეფი ხოლო, ნამუსჷთ რე ალაოიანი ვისკიშ სპირტის მაღალი კონცენტრაცია. სამანგათ: Chivas Regal 18-25 Year Old, Johnnie Walker GOLD-GREEN-BLU, ISLAY MIST დო თ.უ.


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.