ზუგდიდიშ ბოტანიკური ბაღი
ზუგდიდიშ ბოტანიკური ბაღი — საქორთუოშ მენცარობეფიშ აკადემიაშ ცენტრალური ბოტანიკური ბაღიშ ზუგდიდიშ ფილიალი, აკოგაფილი რე ულირი ოშწანურას, დადიანეფიშ დოხორეწკჷმა, მუჭოთ თარიშ რეზიდენციაშ დეკორატიული ბაღი. პარკის ოთხონეჩშახ გვარიშ მიარე გვარობაშ ჯა, ბართვონა დო ჩანარი ირდუ, თინეფიშ შქას მაგნოლიაშ ამშვი გვარობა, შხვადოშხვა გვარობაშ ჭყონი, ატლასიშ დო ჰიმალაიშ კედარი, კანარიშ ფრიალე, აზიაშ, თინეფს შქას ინდოეთიშ, იაპონიაშ, სქირონაშქაზუღაპიჯიშ, ამერიკაშ დო შხვა აბანეფშე მიშნაღელი რელიქტური დო ენდემური ჩანარეფი.[1] ზუგდიდიშ ბაღიქ დეკორატიული სახე მიპალუ თიშ უკული, მუთ თიშ მოჸონაფაშ საქვარს ენერგიულო მოკიდჷ ხე სამარგალოშ ეკონია თარქ დავით დადიანქ. [2]
მუჭოთ ორენით, თეშ კლიმატური პიჯალეფით, ზუგდიდიშ ბოტანიკური ბაღი ართ-ართ საუჯგუშო ბაზას წჷმარინუანს ანდაღებული სუბტროპიკული ჩანარეფიშ ინტროდუქციაშ, რკუალაშ დო აკლიმატიზაციაშო.