იაკობ ბეკენშტეინი

ვიკიპედიაშე
იაკობ ბეკენშტეინი
ინგლ. Jacob Bekenstein

იაკობ ბეკენშტეინი 2009 წანას
დაბადებაშ თარიღი:

1 მესი, 1947

დაბადებაშ აბანი:

მეხიკო, მექსიკა

ღურაშ თარიღი:

მარაშინათუთა 16, 2015 (68 წანერი)

ღურაშ აბანი:

ჰელსინკი, ფინეთი

მენოღალობა:

მექსიკაშ შილა მექსიკა
ისრაელიშ შილა ისრაელი
ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკა

სამუშაშ აბანი :

იერუსალიმიშ ურიული უნივერსიტეტი
ბენ-გურიონიშ უნივერსიტეტი

ალმა-მატერი:

პრინსტონიშ უნივერსიტეტი
ბრუკლინიშ პოლიტექნიკური ინსტიტუტი

ომენცარე ხემანჯღვერი:

ჯონ არჩიბალდ ვილერი

ჯილდოეფი დო პრემიეფი:

ბერგმანიშ პრემია (1977)
ლანდაუშ პრემია (1981)
როტჩილდიშ პრემია (1988)
ისრაელიშ პრემია (2005)
ვოლფიშ პრემიაშ ფიზიკას (2012)
აინშტაინიშ პრემია (2015)

იაკობ ბეკენშტეინი (ურიულ.: יעקב בקנשטיין‎; ინგლ. Jacob David Bekenstein; დ. 1 მესი, 1947, მეხიკო, მექსიკა — ღ. 16 მარაშინათუთა, 2015, ჰელსინკი, ფინეთი) — მექსიკას დუნაბადჷ ამერიკალი ფიზიკოსი-თეორიტიკოსი. ბეკენშტეინიქ მიშეღჷ დიდი კონტრიბუცია უჩა რხვილიშ თერმოდინამიკაშ გოვითარაფაშა. 1972 წანას ბეკენშტეინიქ წჷმარინუ თეორია უჩა რხვილეფიშ ენტროპიაშ გეშა. ბეკენშტეინიშ აზრით უჩა რხვილიშ ენტროპია რდჷ უჩა რხვილიშ ჸოფირებეფიშ ჰორიზონტიშ ფართობიშ პროპორციული. ჸათეშ გარდა, ბეკენშტეინიშ აკეთჷ თერმოდინამიკაშ გენერალიზებული მაჟირა კანონიშ ფორმულაცია. ბეკენშტეინიშ ჟირხოლო კონტრიბუციაქ დენტკიცჷნ ჟირ წანაშ უკულ, 1974 წანას, მუჟამს სტივენ ჰოკინგიქ წჷმარინუ ჰოკინგიშ რადიაციაშ გეშა არგუმენტეფი. მარა დუდშე ჰოკინგის ბეკენშტეინიშ იდეეფიშ ვაჯერდჷ დო ფიქრენდჷ ნამდა უჩა რხვილეფიშე ენერგიას ვეგშართინედჷ დო ყათეშ გეშათ, უჩა რხვილეფს ვეშილებედჷ ქუღუდესკო ენტროპია.

ბიოგრაფია[რედაქტირაფა | წყუშ რედაქტირაფა]

იაკობ ბეკენშტეინიქ დებადჷ 1947 წანაშ 1 მესი, მეხიკოს, პოლონარი ურიეფიშ ფანიას. ბეკენშტეინი გურაფულენდჷ ბრუკლინიშ პოლიტექნიკურ ინსტიტუტის, სოდეთ მიპალუ დიო ბაკალავრიშ დო უკულ მაგისტრიშ ხარისხი. ოდოქტორე დისერტაცია თხილუ პრინსტონიშ უნივერსიტეტის 1972 წანას, ჯონ ვილერიშ ხემანჯღვერობათ. 1972-1974 წანეფს ბეკენშტეინი გურაფულენდჷ ტეხასიშ უნივერსიტეტის (ოსტინი). უკულ მალას გეგნორთჷ ისრაელიშ ბენ-გურიონიშ უნივერსიტეტიშა, სოდეთ ფიზიკას ოგურუანდჷ. 1978 წანაშე რდჷ ბენ-გურიონიშ უნივერსიტეტიშ პროფესორი დო 1983 წანაშე ასტროფიზიკაშ დეპარტამენტიშ დირექტორი. 1990 წანაშე ბეკენშტეინი რდჷ იერუსალიმიშ ურიული უნივერსიტეტიშ პროფესორი. სუმ წანას იმუშუ ყათე უნივერსიტეტიშ თეორიული ფიზიკაშ დეპარტამენტიშ დირექტორო. ბეკენშტეინი რდჷ შხვადოშხვა პრემიეფიშ დო ჯილდოეფიშ ლაურეატი. 1977 წანას მიპალუ ბერგმანიშ პრემია, 2005 წანას ისრაელიშ ართ-ართი პრესტიჟული ჯილდო ისრაელიშ პრემია დო 2012 წანას ვოლფიშ პრემია ფიზიკას. 2015 წანას ბეკენშტეინის ამერიკაშ ფიზიკაშ ჯარალუაქ გინოჩჷ ალბერტ აინშტაინიშ პრემია. იაკობ ბეკენშტეინიქ ღურუ 2015 წანაშ 16 მარაშინათუთას, ფინეთიშ ნოღა ჰელსინკის.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: