იბნ ალ-ნაფისი
| იბნ ალ-ნაფისი | |
| არაბ. ابن النفيس | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | |
| ღურაშ აბანი: | |
| ომენცარე სფერო: |
მედიცინა |
| სამუშაშ აბანი : |
ალ-ნასერიშ ჰოსპიტალი |
| ჯოხოშინელი მოგურაფეეფი: | |
ალა ალ-დინ აბუ ალ-ჰასან ალი იბნ აბი ჰაზმ ალ-ქარაში ალ-დიმაშქი, უმოსო შინელი რე მუჭოთ იბნ ალ-ნაფისი (არაბ. ابن النفيس; დ. 1213, დამასკო, სირია, აიუბიდეფიშ სულთანატი — ღ. 17 გერგობათუთა, 1288, კაირო, მამლუქეფიშ სულთანატი) — არაბი მენცარი, ნამუთ მოღალენდჷ მედიცინას, ფიზიოლოგიას, ანატომიას, ბიოლოგიას, იურისპრუდენციას, ფილოსოფიას დო ისლამოლოგიას. ალ-ნაფისი რდჷ მაართა მენცარი ნამუქჷთ ეჭარუ ზისხირიშ პულმონარული ცირკულაცია. გიმირკვიუ კორონარული ცირკულაცია დო კაპილარული ცირკულაცია. რდჷ დისექციაშ ექსპერტი.
იბნ ალ-ნაფისი გურაფულენდჷ თეოლოგიას, ფილოსოფიას დო ლიტერატურას. 16 წანერი რდუნ თეშ დეინტერესჷ მედიცინათ. სამედიცინო გონათაფა თის ნურიშ ჰოსპიტალს, დამასკოს მეუღებუ. ალ-ნაფისიშ მაგურაფალი რდჷ დამასკოშ მედიცინაშ სკოლაშ დუმარსხუაფალი ალ-დაქჰვარი. ალ-ნაფასიწკჷმა ართო გურაფულენდჷ გიშარჩქინელი დამასკოარი ექიმი იბნ აბუ უსაიბია, ნამუთ მუში შინელი ბიოგრაფიულ ლექსიკონს "ექიმეფიშ ცხოვრება", ალ-ნაფასის ვაშინანს. ართ-ართი ვერსიათ თინეფს ართიანწკჷმა კონფლიქტური ურთიართობა ოკო უღუდესკო.
1236 წანას იბნ ალ-ნაფისიქ ეგვიპტეშა მიდართჷ. ჸათაქ თიშ მუშობა ქუდუჭყაფჷ ალ-ნასერიშ ჰოსპიტალს, ნამუშ დუმარსხუაფალი რდჷ სალადინი. ეგვიპტეს რინაშ ბორჯის ალ-ნაფისი რდჷ სულთანი ბეიბარს I-შ დო შხვა პოლიტიკური ლიდერეფიშ პერსონალური ექიმი. 74 წანერი რდუნ თეშ ალ-ნაფისის ომუშებუშა გეგნურთუმუ ახალდუნარსხუეფ ალ-მანსურიშ ჰოსპიტალშა, სოდეთ ღურაშახ ნომუშებუე. ღურაშახ ალ-ნაფისის მუში ჸუდე დო ბიბლიოთეკა გეგნუჩამჷ ქალავუნიშ ჰოსპიტალშა.
რესურსეფი ინტერნეტის[რედაქტირაფა | წყუშ რედაქტირაფა]
- იბნ ალ-ნაფისი ენციკლოპედია ბრიტანიკას
- იბნ ალ-ნაფისი encyclopedia.com-ის