ინი (წყარმალუ)

ვიკიპედიაშე
ინი

წყარმალუ ინი წყარმალუ ინი რუკას

დოხასიათაფა
სიგჷრძა 518,5 კმ
ღანჩოშ ფართობი 26,053 კმ²
წყარიშ ნადუ
ოდუდე შვეიცარიაშ ალპეფი
ინაკათუ დუნაი
ქიანეფი დო ნოღეფი
ქიანეფი შვეიცარია
ავსტრია
გერმანია
ნოღეფი ინსბრუკი, როზენჰაიმი

ინი (გერმ. Inn, ლათ. Aenus, Oenus) — წყარმალუ შვეიცარიას, ავსტრიას დო გერმანიას, დუნაიშ მარძგვან ნადუ. წყარმალუ ინი იჭყაფჷ შვეიცარიაშ ალპეფს, ენგადინიშ რეგიონს, გიშმურს ზილსიშ დო სილვაპლანაშ ტობეფს, უკულ მიშმურს ავსტრიაშ ტერიტორიაშა, სოდეთ გიშმურს ტიროლიშ ტერიტორიას დო ტიროლიშ ნანანოღა ინსბრუკის, უკულ მიშმურს ბავარიაშა, ნოღა კუფშტაინიშ ხოლოს. ბავარიაშ ტერიტორიას ინი გიშმურს შხვადოშხვა ნოღეფს, იკათუანს შხვადოშხვა ნადუეფს დო ინაკათუ წყარმალუ დუნაის, პასაუშ ტერიტორიას. ინიშ უდიდაშ ნადუეფ რე: ფლაცი, შპიოლი, პიცბახი, მელახი, სილი, ზილერი, მურნი, ჰარტბახი, სანა, გურგლბახი, კიფერბახი, მანგფოლი, ისენი, როტი დო შხვეფი. წყარმალუ ინის იდვალუაფჷ 24 კაშხალი, უდიდაშეფ რე: პრადელა, იმსტი, ნუსდორფი, ტოგინგი, მარტინა. წყარმალუ ინიშ სიგჷნძა რე 518,5 კმ. ღანჩოშ ფართობი 26,053 კვ.კმ.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]