კაზუარი (ლათ. Casuarius) — მაფურინჯეეფიშ გვარი კაზუარიშობურეფიშ ფანიაშე. იკათუანს სუმ თეხანურ დო ართ ეშალაფირ გვარობას. ხენა ოორუე-ბჟაეიოლ ავსტრალიას დო ახალ გვინეას. ვამაფურინე, კაბეტი ანაგიშ მაფურინჯეეფი რე. რსხულიშ სიმაღალა 1,5–1,8 მეტრი, წონა – 60 კგ.-შახ. ავსტრალიას არძაშე კაბეტეფი რენა მაფურინჯეეფს შქას, მოსოფელს ხვალე სირაქლემეფს აკმოსწიდჷნა. ჭკომჷნა სოკოეფს, ქორაკუჩხამეფს, ჭანდეფს, გორდეფს, გვერეფს დო შხვა მორჩილ ჩხოლარეფს. დადული კაზუარი ოგვაჯეს დვანს 3–8 მარქვალს, ნამუთ მოწვანე-ცაშფერიშ რე, სიგჷნძათ – 9–14 სმ., წონათ – 650 გ. მუნმოჸუნს 49–56 დღას. ტყარ ორთას გუთმარზჷნა 12–19, ჭკორალას 40 წანაშახ. თინეფიშ ორთაშობური ნტერი რე დინგო.
