კახიშ რაიონი

**კახიშ რაიონი**
**აზერ. Qax rayonu**
ქიანა	აზერბაიჯანი
სტატუსი	რაიონი
მიშმურს	შაქი-ზაქათალაშ რეგიონშა
ფორჷნს	58 ოფუტეს
ადმინ. ცენტრი	კახი
დორსხუაფაშ თარიღი	1930
მახორობა	56 900
ფართობი	603 კმ²
სიმაღალა ზუღაშ დონეშე; - უმაღალაშ ჭურჭული	; 206 მ
ბორჯიშ ორტყაფუ	UTC+3
კოდი ISO 3166-2	AZ-QAX
ოტელეფონე კოდი	+994 24
ოფოსტე ინდექსეფი	AZ 3400
ავტომ. ონომერე შანეფი	34
	[www.qax-ih.gov.az/ ოფიციალური ვებ-ხასჷლა]
	Qakh District

კახიშ რაიონი (აზერ. Qax rayonu) — აზერბაიჯანიშ რესპუბლიკაშ ადმინისტრაციული ართური ქიანაშ ოორუე განშე, საქორთუოშ ისტორიულ პროვინცია ჰერეთიშ ნორთი. რაიონქ დირსხუ 1930 წანას. ადმინისტრაციული ცენტრი რე ნოღა კახი. 1918-1921 წანეფს კახი მიშმეშ საქორთუოშ დემოკრატიული რესპუბლიკაშ ზაქათალაშ ავტონომიური ოლქიშ აკოდგინალუაშა. 1921 წანას სხუნუეფიშ რუსეთიშ მეწურაფათ კავკაციარ კომუნისტეფქ რაიონი საქორთუოს გეგლანწყეს დო აზერბაიჯანს ქიმკურსხუეს.

ისტორია

კახი, მუჭოთ შანულამი ოვაჭარე დაბა, წყუეფს მაართათ იშინუაფუ XI ოშწანურაშ დაჭყაფუს კაკიშ ჯოხოთ. პოლიტიკურ ართურო იფორმირჷ თიშ უკული, მუთ 1604 წანას ირანიშ შაჰიქ აბას I-ქ კახეთიშ მაფა ალექსანდრე II-ს ჰერეთიშ ბჟაეიოლი ოძგალე თემი კაკი გაგწუღჷ დო წახურალ ლეკეფს გეგნოჩჷ. კაკი ირთუდჷ სუმ ნორთო: კახ-ბაში, კახ-ინგილო დო კახ-მუალი. XVIII ოშწანურაშ I ნაოთხარს კაკის საბოლათ იფორმირჷ წახურალი ლეკეფიშ თ.გ. უპატჷნო თემეფქ (ელისუშ, ყარადულაკიშ, სუვაგილიშ დო წახურიშ), ნამუეფქჷთ კახეთიშ ომაფეშ ძალამი დიდი ნორთი მუნეფიშ გოლინაშ თუდო გემშეჸონეს დო დემორჩილეს. თეთ ოსხირქ ქიმიაჩჷ უკულიანი ბორჯიშ ელისუშ სასულთანოს, ნამუქჷთ XIX ოშწანურაშ შქა ხანეფს რუსეთიშ იმპერიაშ აკოდგინალუაშა მიშელჷ ზაქათალაშ ოლქიშ სახეთ.