ნახიჩევანი (აზერ. Naxçıvan) — ნახიჩევანიშ ავტონომიური რესპუბლიკაშ ნანანოღა. იდვალუაფუ ბაქოშ ბჟადალშე 450 კმ-შ გოძვენას. ნახიჩევანიშ მუნიციპალიტეტი აკმოდირთუ ნოღა ნახიჩევანშე დო ოფუტეეფშე: ალიაბადი, ბაშბაში, ბულქანი, ჰაჯინიიათი, ყარაჩუხი, ყარახანბაილი, თუმბული, ყარაღალიხი დო დაშდუზი.[1] ნოღა იდვალუაფუ ზანგეზურიშ ქჷნდჷრიშ კართეს, წყარმალუ ნახიჩევანჩაიშ მარძგვან წყარპიჯის, დოხოლ. 1 000 მ სიმაღალეს.
აზერბაიჯანიშ პრეზიდენტიშ 2009 წანაშ 9 მანგიშ ზოჯუათ, ბაბექიშ რაიონიშ ოფუტეეფქ ბულქანი, ყარაჩუხი, ყარახანბაილი, თუმბული დო ჰაჯინიიათი გემშართეს ნახიჩევანიშ ადმინისტრაციულ-ტერიტორიული ართულიშ აკოდგინალუაშა.[2]
