კილაუეა

ვიკიპედია-შე
Jump to navigation Jump to search

კილუეა
Kilauea

კილუეაKilauea
კილაუეა

კოორდინატეფი: 19°25′16″ ოორ. გ. 155°17′12″ ბჟად. გ. / 

ორენი ააშ
სიმაღალა 1247
ტიპი ფარიშობური ვულკანი
ხანი 300,000 — 600,000 წანერი
ბოლო ეშაგორგოთი 3 ღურთუთა, 1983 — ასეშა

კილაუეა ორენი ჰავაი

Mountain sign.svg

კილაუეა (Kilauea) — მოქიმინჯე ვულკანი კოკი ჰავაიშ ობჟათე-ბჟაეიოლ ნორთის, რჩქალ ოკიანეს. სიმაღალა 1247 მ. იდვალუაფუ ვულკან მაუნა-ლოაშ გოხოლუას. კილაუეაშ გერთელი ფარიშობური კონუსი ითებუ 4 კმ სიგჷრძაშ, 3,2 კმ სიგანაშ დო 120 მ სიტომბაშ კალდერით, ნამუსჷთ იდვალუაფუ ლავური ტობა ჰალემაუმაუ. კილაუეა — დიხაუჩაშ ართ-ართი არძაშე აქტიური ვულკანი რე. ინტენსიური აქტივობაშ ფაზაშა მიშართჷ 2011 წანაშ 6 მელახის. ტერიტორიაშ ნორთი, სოდე იდვალუაფუ ვულკანი კილაუეა, ჰავაიშ ვულკანეფიშ ერუანული პარკიშ აკოდგინალუაშა მიშმურს. ეიოშინალი რე ვულკანური კრატერეფი: ჰალემაუმაუ დო კილაუეა-იკი. 1965 წანას ლავურ ტობაწჷკმა ართო აკიქიმინჷ კრატერ მაკაპაჰიქ. კალდერიშ მუკი-მუკი კონცენტრულო რე დვალირი რგოლიშობური ჰორსტეფი დო გრაბენეფი. კილაუეაშ ცენტრალური ნორთი ეზორთილი რე. ნანთხორუ ქირქეეფიშ სიმაღალა 400 მეტრი რე. კალდერაშე ვულკანიშ კართეეფშა გჷნოზინდილი რე ჟირი რიფტული ზონა; ობჟათე-ბჟაეიოლური 55 კმ სიგჷრძაშ ზონა კუმუკაჰიშ კოდმეს ანჭუ, სოდე ვითობათ კონუსი დო კრატერი რე. იგჷნძარებუ ოკიანეშ ქვინჯიშა ეზინდილი პუნაშ რზვენიშ სახეთ. მაჟირა როფტული ზონა იფაჩუ ობჟათე-ბჟადალჸურე კალდერაშე წყარპიჯშახ.

კილაუეა უმეჭყვიდირო ეშმაგორგოთანს. ეკონიაშ შანულამ ეშაგორგოთურეფქ მოხვადჷ 1952, 1954 დო 1955 წანეფს. ლავური ნახვაცაშ ზიეფშე მიშმეჭკირუ თარი აკოდგინალუაშ თხიერი ლავაშ შადრევანეფი. კილაუეას ვულკანოლოგიური დგჷმილი დო გეოფიზიკური ობსერვატორია იდვალუაფუ.

რესურსეფი ინტერნეტის[რედაქტირაფა | წყუშ რედაქტირაფა]