კონსერვატიზმი
კონსერვატიზმი (ფრანგ. conservatisme, ლათ. conservo — ბჩუანქ) — ტრადიციულ ღირებეფიჸურე, სოციალური დო რელიგიური დოქტრინეფიშ ართგურობაშ მაქადაქაფალი დოქტრინა. პოლიტიკას სოფინი, ნამუთ თხილანს სახენმწჷფოს დო კათაშ წეს დო რიგის, ქადაქანს რადიკალური რეფორმეფიშ უმკუნჭაფუობას დო ექსტრემიზმის. გალეიანი პოლიტიკას ქაქენს ქიანაშ სირთხილაშ ნძალაშ მოკათინს, ოურდუმე ნძალაშ გჷმორინაფას კანკალე ამბეფს, ტრადიციულ მაჸალეეფიშ ალარინას დო პროტექციონიზმის.
კონსერვატიზმიშ თარი ღირება რე კათაშ ტრადიციეფიშ, თიში ინსტიტუტეფიშ დო ოწანაფეშ ჩუალა, მორო ათეთ ვარია ვერაგადუ კათაშ ევოლუციურ ძინაშენ. კონსერვატიზმიშ უთარაში გინორთი ღანკი რე რევოლუციური თირუეფიშ უმკუნჭაფუობა.
მუჭოთ იდეოლოგია, კონსერვატიზმიქ დირსხჷ, რეაქციათ საფრანგეთიშ რევოლუციაშ სარკო ამბეფით (ედმუნდ ბიორკი პამფლეტეფი). მოვარიე რე ლიბერალიზმიშ, ნამუთ ითხინს ეკონომიკურ რეფორმეფს, დო სოციალიზმის, ნამუთ ითხინს სოციალურ გამანგებას. კონსერვატიზმიშ დჷმარსხუაფალეფს შქას რე ხოლო იეზუიტი ჟოზეფ დე მესტრი დო ავსტრიაშ კანცლერი კლემანს მეტერნიხი.
კონსერვატიზმის ოკო გინურთუათ რეტროგრადიზმიშე დო ტრადიციონალიზმიშე, თიშენ ნამდა ასეიანი კონსერვატიზმი მინშა უმოსო მოხუჯური რე დო მაჭიშექ იჸუ, ვინდარო შხვა პოლიტიკური სოფაფიქ. ათეშ სამანგო რე რონალდ რეიგანიშ რეფორმეფი ააშ-ს დო მარგარეტ ტეტჩერიშ რეფორმეფი გოართიანაფილ ომეფეს.
წყუეფი
[რედაქტირაფა | წყუშ რედაქტირაფა]- სოციალურ დო პოლიტიკურ ტერმინეფიშ ლექსიკონი–ოჩინებაფალი / [სარედ.: ბუნა: ედუარდ კოდუა დო შხვ. ; გიშმაშ.: ლაშა ბერაია] - ქართი. : ლოგოს პრესი, 2004 - 351ხას. ; 20სმ. - (სოციალურ მენც. სერია/რედ.: მარინე ჩიტაშვილი). - ISBN 99928-926-9-2 : [ფ.ა.]
- საყვარელიძე ფრიდონ, კონსერვატიზმი სოფინი უკუნამი რჩქინაშ მეჯინათ/სოლიდარობა #5’06/ საქორთუოშ კათაშ მათხილეშ ირთუთური ჟურნალი/2006 წ.
| ||||||||||||||||||||||||||