კაპიტალიზმი

ვიკიპედიაშე

კაპიტალიზმი — ეკონომიკური სისტემა, ნამუშ ბორჯისჷთ წარმებაშ მეშქაშალეფი კერზო დორხველუას რე დო ფართოთ გჷმირინუაფჷ დაქირაფილი მუშახე. კაპიტალიზმიშ თარი მახასათაფალეფი: კერზო დორხველუა, კაპიტალიშ აკუმულაცია, დაქირაფილი მუშახე, ობაზარე კონკურეციაშ პრინციპი.

კაპიტალისტური ეკონომიკიაშ პიჯალეფს კუნთხუეფი ადგინენა ფასის, ნამუშ მეჯინათ ხვადჷ აქტივეფიშ, მეკონ-მოკონიშ, ნინალაშ გინოთირუა.

პრაქტიკას აფხვადჷნა კაპიტალიზმიშ გეჸვენჯი ფორმეფი:

  • laissez-faire - დერეგულირაფილი ბაზარი, დუდიშული ვაჭრუა;
  • welfare capitalism - ნწყუალა, ნამუთ სოციალურ ჯგირობუას გერსხჷ (სკანდინავიაშ ქიანეფი);
  • კრონი კაპიტალიზმი - ეკონომიკური მოდელი, სოდე მერკეთ ხვადჷ სახენწჷფოშ ინტერვენცია ეკონომიკაშა დო თე ეკონიაქ გჷმიხანტჷ გარკვიული რეგულაციეფიშ მოლექინაფას, თიშო, ნამჷ-და ბიზნესიშ ალახათრუაქ მოხვადასჷნ;
  • კორპორატივიზმი - პოლიტიკური თეორია, სოდე მართუა რე სოციალური ბუნეფიშ დო ვართ ზოხოიანი სუბიექტეფიშ ხეს, თ.ჯ. „ქირსიანული დემოკრატია“.

კაპიტალისტური ნწყუალაშ პიჯალეფს ჯარალუა ირთჷ სოციალურ კლასეფო. ჯარალუაშ თი ნორთის, ნამუეფსჷთ ოწარმე მეშქაშალეფი უღჷნა კერზო დორხველობასჷნ ჯოხო ბურჟუაზია. თინეფი მახორობაშ მორჩილი ნორთის აკმადგინანა. კაპიტალისტურ ჯარალუას მაჟირა კლასის წჷმარინუანს პროლეტარიატი, კინ დაქირაფილი მოხანდე, ნამუსჷთ ვა უღუ დორხველობას წარმებაშ მეშქაშალეფი დო თეშ გეშა ბაზარს მუშ ომუშებე ჭყანა დო ბორჯიშ გიმოჩამა უწიენს. ინდუსტრიული რევოლუციაშ უკული პროლეტარიატიშ მუდანობა დიდი მასშტაბეფით იძინანდჷ დო ასე მახორობაშ უმენტაშობას აკმადგინანს. კაპიტალისტი შილებე დახე არძანერ სამუშას ვარსულენდასჷნ, მარა მოგებაშ დიდი ნორთი ზუსტას თიშ ხეს სქიდჷ, ნამ ბორჯისჷთ პროლეტარიატი რე წარმებაშ თარი მაყარაფალი ჭყანა დო ზუსტას თინა აკმოქიმინჷნს სორგუას.

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]