კრისტიან დე დიუვი
| კრისტიან დე დიუვი | |
| ფრანგ. Christian de Duve | |
 კრისტიან დე დიუვი 2012 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 4, 2013 (95 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ლიუვენიშ კათოლიკური უნივერსიტეტი |
| ალმა-მატერი: | |
| ჯილდოეფი დო პრემიეფი: |
ფრანკიშ პრემია (1960) |
.svg){kind=small}
კრისტიან რენე დე დიუვი (ფრანგ. Christian René de Duve; დ. 2 გჷმათუთა, 1917, ტემზ-დიტონი, სარიშ ოგრაფე, ინგლისი — ღ. 4 მესი, 2013, გრე-დუასო, ბელგია) — ბელგიარი ციტოლოგი დო ბიოქიმიკოსი. ძირუ დო გიმირკვიუ ორგანელეფი: პეროქსისომეფი დო ლიზოსომეფი. ჸათე რკვიებეფიშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1974 წანას (ჯორჯ პალადე დო ალბერ კლოდიწკჷმა ართო). კრისტიან დე დიუვიქ გიმიგონჷ აუტოფაგიაშ, ენდოციტოზიშ დო ექზოციტოზიშ ჯოხოდვალეფი.
ბიოგრაფია[რედაქტირაფა | წყუშ რედაქტირაფა]
კრისტიან დე დიუვიქ დებადჷ 1917 წანაშ 2 გჷმათუთას, სარიშ ოგრაფეს, ინგლისის, ბელგიარეფიშ ფანიას. 1920 წანას დე დიუვეფქ ბელგიაშა დირთეს. კრისტიან დე დიუვი გურაფულენდჷ ანტვერპენიშ სკოლას. უკულ გურაფა გაგინძორჷ ლიუვენიშ კათოლიკურ უნივერსიტეტის, სოდეთ მედიცინას გურაფულენდჷ. 1941 წანას კრისტიან დე დიუვიქ ლიუვენიშ კათოლიკურ უნივერსიტეტის მიპალუ მედიცინაშ დოქტორიშ ხარისხი. გურაფაშ თებაშ უკულ დიჭყჷ ინსულინიშ დო პენიცილინიშ რკვიება. დე დიუვი მუშენდჷ შვედეთიშ ომაფე ინსტიტუტის შინელი მენცარიშ ჰუგო ტეორელიშ ხემანჯღვერობათ, უკულ ართ პერიოდის იმუშუ ვაშინგტონიშ უნივერსიტეტის (სენტ-ლუისი) ხოლო, სოდეთ მუშენდჷ კარლ ფერდინანდ კორი დო გერტი კორიწკჷმა. დე დიუვი 1947 წანაშე რდჷ ლიუვენიშ კათოლიკური უნივერსიტეტიშ პროფესორი. 1960 წანაშე ლექციეფს როკფელერიშ უნივერსიტეტის ხოლო კითხულენდჷ. დე დიუვი 1985 წანაშე რდჷ ლიუვენიშ უნივერსიტეტიშ დო 1988 წანაშე როკფელერიშ უნივერსიტეტიშ პროფესორი ემერიტუსი. 1989 წანას დე დიუვის ბელგიაშ მაფა ბოდუენიქ გინოჩჷ ვიკონტიშ ტიტული. კრისტიან დე დიუვიქ ღურუ 2013 წანაშ 4 მესის, 95 წანერქ, ევთანაზიათ.
ჯილდოეფი დო პრემიეფი[რედაქტირაფა | წყუშ რედაქტირაფა]
კრისტიან დე დიუვი რდჷ შხვადოშხვა პრემიეფიშ დო ჯილდოეფიშ ლაურეატი. 1960 წანას დე დიუვის გინოჩეს ფრანკიშ ჯოხონობაშ პრემია, 1974 წანას ნობელიშ პრემია ფიზიოლოგიაშ დო მედიცინაშ დარგის. 1967 წანას დე დიუვიქ მიპალუ გაირდნერიშ პრემია, 1973 წანას ჰეინეკენიშ პრემია, 1978 წანას ჰარდენიშ მენდალი, 1981 წანას თეობოლდ სმიტიშ პრემია, 1985 წანას ხიმენეს დიასიშ პრემია დო 1989 წანას უილსონიშ მენდალი. კრიშტიან დე დიუვი რდჷ ბელგიაშ მენცარობაშ აკადემიაშ, ამერიკაშ მენცარობაშ აკადემიაშ, საფრანგეთიშ მენცარობეფიშ აკადემიაშ, პარიზიშ მენცარობაშ აკადემიაშ, პაპიშ მენცარობეფიშ აკადემიაშ, ლეოპოლდინაშ, ამერიკაშ ფილოსოფიურ საზოგადოებაშ დო ლონდონიშ ომაფე საზოგადოებაშ მაკათური. კრისტიან დე დიუვი რდჷ 18 უნივერსიტეტიშ საპატიო დოქტორი.
გიშნაგორა პუბლიკაციეფი[რედაქტირაფა | წყუშ რედაქტირაფა]
- A Guided Tour of the Living Cell (1984)
- La cellule vivante, une visite guidée, Pour la Science (1987)
- Construire une cellule, Dunod (1990)
- Blueprint for a Cell: the Nature and Origin of Life (1991)
- Poussière de vie, Fayard (1995)
- Vital Dust: Life as a Cosmic Imperative (1996)
- Life Evolving: Molecules, Mind, and Meaning (2002)
- À l’écoute du vivant, éditions Odile Jacob, Paris (2002)
- Singularities: Landmarks on the Pathways of Life (2005)
- Singularités: Jalons sur les chemins de la vie, éditions Odile Jacob (2005)
- Science et quête de sens, Presses de la Renaissance, (2005)
- Génétique du péché originel. Le poids du passé sur l’avenir de la vie, éditions Odile Jacob (2009)
- Genetics of Original Sin: The Impact of Natural Selection on the Future of Humanity (2010)
- De Jesus a Jesus... en passant par Darwin, éditions Odile Jacob (2011)
რესურსეფი ინტერნეტის[რედაქტირაფა | წყუშ რედაქტირაფა]
- ხასჷლეფი, ნამუეფჷთ გჷმირინუანა დუბლიკატ არგუმენტეფს თანგეფიშ გიშაძახებაშო
- დუნაბადი 1917
- დუნაბადი 2 გჷმათუთა
- ნაღურა 2013
- ნაღურა 4 მესი
- ღურელი კათა
- ბელგიარეფი
- ბელგიარი ბიოქიმიკოსეფი
- ბელგიარი ციტოლოგეფი
- ნობელიშ პრემიაშ ლაურეატეფი
- ბელგიარი ნობელიშ პრემიაშ ლაურეატეფი
- ნობელიშ პრემიაშ ლაურეატეფი ფიზიოლოგიაშ დო მედიცინაშ დარგის