ალბერ კლოდი
| ალბერ კლოდი | |
| ფრანგ. Albert Claude | |
 ალბერ კლოდი 1974 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 22, 1983 (83 წანერი) |
| ღურაშ აბანი: |
ბრიუსელი, ბელგია |
| მენოღალობა: | |
| ომენცარე სფერო: | |
| სამუშაშ აბანი : |
როკფელერიშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
ლუიზა გროს-ჰორვიციშ პრემია (1970) |
.svg){kind=small}
ალბერ კლოდი (ფრანგ. Albert Claude; დ. 24 მარაშინათუთა, 1899, ლონგლე, ბელგია — ღ. 22 მესი, 1983, ბრიუსელი, ბელგია) — ბელგიარი-ამერიკალი ციტოლოგი დო ექიმი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1974 წანას (ჯორჯ პალადე დო კრისტიან დე დიუვიწკჷმა ართო). გურაფულენდჷ ლონგლეშ სკოლას, უკულ მონაწილენდჷ მაართა მოსოფელიშ ლჷმას. ლჷმაშ თებაშ უკულ გურაფა გაგინძორჷ ლიეჟიშ უნივერსიტეტის, სოდეთ თხილუ ოდოქტორე დისერტაცია მედიცინას 1928 წანას. გურაფაშ თებაშ უკულ მუშენდჷ ბერლინიშ გერმანულ ინსტიტუტის. 1929 წანაშე მუშენდჷ როკფელერიშ უნივერსიტეტის. როკფელერიშ უნივერსიტეტის მუშობაშ ბორჯის, 1930 წანას, ალბერ კლოდიქ აკიმუშუ თოლიშ გორთუალაშ ტექნიკა დო ჸათე მეთოდიშ გიმორინაფათ ძირუ დო გიმირკვიუ ორგანელეფიშ კომპონენტეფი: მიტოქონდრია, ქლოროპლასტი, ენდოპლაზმური ბადე, გოლჯიშ კომპლექსი, რიბოსომა დო ლიზოსომეფი. ალბერ კლოდი რდჷ მაართა მენცარი, ნამუქჷთ გიმირინუ ელექტრონული მიკროსკოპი ბიოლოგიას. 1945 წანას კლოდიქ გჷმაბჟინუ თოლიშ დეტალური სტრუქტურა. კლოდიქ დიდი თია მიშეღჷ ციტოლოგიაშ გოვითარაფაშა. ალბერტ კლოდი მუშენდჷ შხვადოშხვა ომენცარე ინსტიტუტეფს. რდჷ ჟიულ ბორდეშ ჯოხონობაშ კიბოშ რკვიებაშ დო კურნალობაშ ცენტრიშ დირექტორი, ბრიუსელიშ დუდიშული უნივერსიტეტიშ, ლიუვენიშ კათოლიკური უნივერსიტეტიშ დო როკფელერიშ უნივერსიტეტიშ პროფესორი. კლოდი რდჷ ბელგიაშ მედიცინაშ აკადემიაშ, ბელგიაშ მენცარობაშ დო ხელუანობაშ ომაფე აკადემიაშ, საფრანგეთიშ მენცარობეფიშ აკადემიაშ მაკათური დო მოდენაშ, ბრნოშ, ლიეჟიშ, გენტიშ, ლიუვენიშ დო როკფელერიშ უნივერსიტეტეფიშ საპატიო დოქტორი.
რესურსეფი ინტერნეტის
[რედაქტირაფა | წყუშ რედაქტირაფა]
- ალბერ კლოდი Nobelprize.org-ის
- პუბლიკაციეფიშ ერკებული on the Institutional Repository of Université libre de Bruxelles
- Biography at biography.com Archived 2019-04-01 ვებ-ხასჷლას Wayback Machine.
- Science Quotes by Albert Claude
- Profile at Rockefeller University