მელიქ-შაჰი

	მელიქ-შაჰი
	;
სელჩუკეფიშ იმპერიაშ მა-3 სულთანი
პოსტის გერინაშ ბორჯი
	15 ქირსეთუთა, 1072 წანა – 19 გერგობათუთა, 1092 წანა
წიმოხონი	ალფ-არსლანი
მონძე	მაჰმუდ I
ნაღურა	გერგობათუთა 19, 1092 (37 წანერი); ბაღდადი, სელჩუკეფიშ იმპერია
ნთხორუ აბანი	ისპაანი
მუმა	ალფ-არსლანი
ალმასქუ	თურქან ხათუნი,; ზუბეიდა ხათუნი
სქუალეფი	ბერქიაროქი, მაჰმედ I, აჰმედ სანჯარი, მაჰმუდ I, აჰმედი, დავუდი, თუღრილი, ამირ ხუმარინი, მა-ი-მულქ ხათუნი, სითარა ხათუნი, თურქან ხათუნი, გავარ ხათუნი, ისმა ხათუნი
რელიგია	სუნიზმი

მელიქ-შაჰ I (დ. 16 მარაშინათუთა, 1055 — ღ. 19 გერგობათუთა, 1092) — სელჩუკეფიშ იმპერიაშ სულთანი 1072-1092 წანეფს. თიში სულთანობაშ პერიოდის, სელჩუკეფიშ იმპერიაქ მიოჭირინუ უდიდაში ტერიტორიული ექსპანსიას.

ახალნორდობაშე მელიქ-შაჰი მონაწილენდჷ მუამუშიშ ალფ-არსლანიშ ოურდუმე კამპანიეფს. 1072 წანას ალფ-არსლანი დოჸვილეს. ღურაშახ თიქ მონძეთ წჷმარინუ მუში 18 წანერი სქუა მელიქ-შაჰი, ნამუთ სულთანო ვეჩინუ ბიძიაქ, ალფ-არსლანიშ ჯიმაქ ყავურდ-ბეგიქ დო მალას არჸება მანწყუ. გინმაჭყვადალი ლჷმაქ მოხვადჷ 1073 წანაშ 16 მესის, ნოღა ჰამადანიშ გოხოლუას (ასეიანი ირანიშ ტერიტორია), სოდეთ მელიქ-შაჰიქ ორჯგინუ ყავურდ-ბეგიშ ჯარეფს. ყავურდ-ბეგიქ ინტუ, მარა მალას ოჭოფეს დო ღურა ქიმუსაჯეს.

მელიქ-შაჰიქ მართუალაშ ბორჯის, რეალური დო აბსოლუტური ხეშულობა უკინებუდჷ იმპერიაშ ვეზირს ნიზამ ალ-მულქის, ნამუქჷთ შანულამი გოლინა მიპალუ სულთანიშ კარს.

მელიქ-შაჰი ოურდუმე კამპანიეფს აწარმენდჷ ყარახანიდეფიშ სახენწჷფოშ მეხჷ, თაშნეშე კავკაციას. თიქ ჟირშა მანწყუ ლესქერობა საქორთუოს. მელიქ-შაჰიქ ღურუ 1092 წანაშ 19 გერგობათუთას. ართი ვერსიათ თინა მოწამალუ აბასიანეფიშ ხალიფაქ ალ-მუკთადიქ. მაჟირა ვერსიათ მელიქ-შაჰი მოწამალეს ნიზამ ალ-მულქიშ ალმარენჯეფქ.

ლიტერატურა