ფინარეფი

ვიკიპედია-შე
გეგნორთი: ნავიგაცია, გორუა

ფინარეფიერი, ფინეთიშ თარი მახორობა (4,65 მლნ). მასქერული ჯოხო "სუომალაისეტ" (ფინ.suomalaiset). თაშნეშე ოხორანა ააშ-ს —300 000, შვედეთის — 300 000, კანადას — 50 000-შე უმოსი, რუსეთის — 34,1 ვითოში, ნორვეგიას — 20 ვითოში, ესტონეთის — 16,6 ვითოში, უკრაინას დო ყაზახეთის— ვითოშ-ვითოშშახ. რაგადანა ფინურ ნინაშა. ჭარალუა ლათინური ანბანით. მორწუმეეფიშ უმენტაშობა ლუთერანეფი რენა, რე მართლმადიდებელეფიშ დიდი მუდანობა ხოლო.

ფინარი კათაშ წჷმოულობა ჯვეში ბალტიურ-ფინური ტომეფიშ ჩქ.წ.ეე-შახ მაჟირა ვითოშწანურას თეხანური ფინეთიშ ტერიტორიაშა მიშაჭკირუა დო კვიდრი მახორობაშ საამეფიშ ოორუეშა გინორაჸუა დო ნორთობურ ასიმილაციას მითმიარსხუ. უკვე მა-7 ოშწანურას ფინარეფი ფინეთ-კარელიაშ ტერიტორიაშ უდიდაშ ნორთის იკენდეს. ფინარ ერქ გჷმიქიმინჷ ჟირ თარი ტომიშ — სუომიშ დო ჰიამეშ ესვარუათ, ნამუსჷთ მოგვიანაფათ კარელეფქ ხოლო ქჷგიაძინეს.

რესურსეფი ინტერნეტის[რედაქტირაფა | წყუშ რედაქტირაფა]