ლათინოამერიკალეფი

ვიკიპედია-შე
Jump to navigation Jump to search
ლათინურამერიკული ქიანეფი (წვანე) ამერიკაშ კონტინენტის

ლათინოამერიკალეფი (ესპ. Latinoamericanos, პორტ. latino-americano)) — საართო ჯოხო ესპანურ- დო პორტუგალიურნინამ კათეფშო, ნამუთ ოხორანა ალმახანური ლათინურ ამერიკაშ ტერიტორიას დო თაშნეშე ფართეთ რენა წჷმორინელი ააშ-ს, ესპანეთის, კანადას, პორტუგალიას, იტალიას, გოართოიანაფილ ომაფეს დო შხვა ქიანეფს, ეკონომიკური დო პოლიტიკური ემიგრაციაშ გეშა. თიშ გეშა ნამჷ-და, ფრანგული ნინა რომანულ ნინეფშა მიშმურსჷ, ლათინოამერიკალეფს ორხველჷნა კარიბეფიშ ფრანგულნინამი კათეფი (ჰაიტიარეფი, გვიანარეფი, მარტინიკარეფი, გვადელუპარეფი, თაშნეშე წჷმოულობათ დომინიკარეფი დო გრენადარეფი), მარა უმოს ოორუე სიფართეშე მახორუ ფრანკოკანადარეფი, თაშნეშე ლუაიზიანაშ ინგლისურნინამი ორენით ასმილირაფილი კაჟუნეფიშ უმენტაშობა რჩქვანელობურო ლათინამერიკალეფო ვეკოროცხჷნა.

მუდანობა[რედაქტირაფა | წყუშ რედაქტირაფა]

ლათინამერიკალეფიშ ედომუშამი მუდანობა — დოხოლაფირო 600 მილიონი ადამიერი. უშხუაში ლათინოამერიკალი კათეფი: ბრაზილიარეფი — მეხოლაფირო 190 მლნ. ადმ. (2008 წანაშ ფასებათ) დო მექსიკარეფი — მეხოლაფირო 150 მლნ. ადმ. (2008 წანაშ ფასებათ). თინეფს ეკოჸუნა კოლუმბიარეფი (45 მლნ) დო არგენტინალეფი (40 მლნ). გიშაკერზაფილო გიშმერთუ ააშ-იშ ლათინოამერიკალეფიშ შხუ ემიგრაციული ბუნა, ნამუთ ააშ-იშ მახორობაშ 15%-შე უმოსის ვარდა 45 მლნ. ადამიერს აკმადგინანა (2007).

ფართეთ გოფაჩილი ოჩიებე ოდაბადე ამერიკული ნინეფი, ნამუთ ოძირანს ტერიტორიეფს 21-ა ოშწანურაშ მეჯინათ: კეჩუა, გუარანი, აიმარა, ნაუატლი, მაიური ნინეფი, მაპუჩე

გალერეა[რედაქტირაფა | წყუშ რედაქტირაფა]

თაშნეშე ქოძირით[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]