მეჰმედ I

	მეჰმედ I
	;
ოსმალეთიშ სულთანი
პოსტის გერინაშ ბორჯი
	5 კვირკვე, 1413 – 26 მესი, 1421
წიმოხონი	ბაიაზიდ I
მონძე	მურად II
ნაღურა	26 მესი, 1421 (34-35 წანერი); ბურსა, ოსმალეთიშ იმპერია
ნთხორუ აბანი	წვანე სასაფლა, ბურსა, თურქეთი
მუმა	ბაიაზიდ I
ნანა	დევლეთ ხათუნი
ალმასქუ	ემინე ხათუნი; შაჰზადე ხათუნი; კუმრუ ხათუნი
სქუალეფი	მურად II; სელჩუკ-ხათუნი; მუსტაფა ჩელები
რელიგია	სუნიზმი
ხეშმოჭარუა

მეჰმედ I ჩელები (ოსმ. محمد اول, დ. დოხოლაფირო 1386/7 — ღ. 26 მესი, 1421) — ოსმალეთიშ იმპერიაშ სულთანი 1413-1421 წანეფს, ოსმანეფიშ დინასტიაშ წჷმმარინაფალი.

1402 წანას ანატოლიაშა მიშაჭკირილი თემურლენგიქ ანკარაშ ლჷმას დამარცხჷ მეჰმედიშ მუმა ბაიაზიდ ილდირიმი. უკულ თემურლენგიქ ოსმალეთიშ იმპერია გურთუ ბაიაზიდიშ სუმი ქომოლსქუას: მეჰმედის ომართალო გეგნაჩჷ ამასიაქ, ისას ბურსაქ დო სულეიმანს რუმელიაქ. 1404-1405 წანეფს მეჰმედიქ ისას ორჯგინჷ დო ბურსა ქიდეკინჷ. უკულ, თიქ ხოლო ართი ჯიმას მუსას, ქუდავალჷ ლესქერუა სულეიმანიშ მეხჷ. 1410 წანას მუსაქ სულეიმანი დამარცხჷ, მარა მეჰმედის ვედემორჩილჷ დო ედირნეს, დუდი სულთანო გეგმაცხადჷ. უკულ, მუსაქ ქიდიჭყჷ ოურდუმე ექსპედიცია რუმელიაშ რსულას ეიოჭოფალო. მეჰმედიქ, ბიზანტიაშ იმპერატორიშ მანუელ II პალეოლოგოსი-შ ალარინათ, 1413 წანას, ჩამურლუშ ბურჯაფის, მუსა დამარცხჷ. გომორძგუაშ უკულ თიქ დუდი გეგმაცხადჷ ანატოლიაშ დო რუმელიაშ სულთანო. ჸათაშ გეთუ უმაფობაშ ხანაქ ოსმალეთის.

მართუალაშ გოძვენას, მეჰმედიქ, ბალკანეთის, ვლახეთი ვასალო გინაშქუ (1416), ქიდეკინჷ ალბანეთიშ შანულამი ნორთი (1417) დო მანწყუ ლესქერობეფი უნგრეთის. ანატოლიას, მეჰმედიქ ეფექტურო ქიდეკინჷ ბჟადალი პროვინციეფი, ქიდიჸუნუ კარამანიშ სათარო (კონიას), 1416 წანას დამარცხჷ ბედრედინ მაჰმუდიშ რელიგიური ხასიათიშ არჸება. მარა მეჰმედიშ არძა წჷმოჭყაფაქ წჷმოძინელქ ვეჸუ. 1416 წანას, ოსმალეფქ დიჭყეს ოზუღე ოურდუმე კამპანია ვენეციაშ რესპუბლიკაშ მეხჷ. გელიბოლუშ გოხოლუას ვენეციარეფქ კონწარო დამარცხეს ოსმალეფიშ ფლოტი.

მეჰმედიქ ღურუ 1421 წანაშ 26 მესის, 35 წანერქ. თიში მონძე რდჷ უნჩაში ქომოლსქუა მურად II.

ქოძირით თაშნეშე

ლიტერატურა

ენციკლოპედია ბრიტანიკა