დინორეშა გინულა

უნგრეთი

რსხილეფიშ რედაქტირაფა
ვიკიპედიაშე
უნგრ. Magyarország
უნგრეთი
უნგრეთიშ
ჰიმნი: უნგრ. „Himnusz“[1]
(მარგ. „ჰიმნი“)
უნგრეთიშ ორენი
ნანანოღა
(დო უკაბეტაშ ნოღა) 		ბუდაპეშტი

47°26′ ოორ. გ. 19°15′ ელ. გ. / 

ოფიციალურ ნინა(ეფი) უნგრული
რელიგია  (2022)[2]
თარობა უნიტარული საპარლამენტო რესპუბლიკა
 -  პრეზიდენტი თამაშ შუიოკი
 -  პრემიერ-მინისტრი პეტერ მადიარი
ფართობი
 -  გვალო 93,030 კმ2 (108-ო)
 -  წყარი (%) 3.7
მახორობა
 -  2024 ფასებათ 9,603,634[3] (95-ა)
ედპ (ჸუპ) 2025 ფასებათ
 -  გვალო $469.647 მილიარდი[4] (53-ა)
 -  ართ მახორუშე $49,147[4] (43-ა)
აგი (2023) 0.870 (46-ა)
ვალუტა ფორინტი (HUF)
ბორჯიშ ორტყაფუ UTC+1
 -  ზარხულიშ (DST) +2 (UTC)
ქიანაშ კოდი HU
Internet TLD .hu
ოტელეფონე კოდი +36

უნგრეთი (უნგრ. Magyarországⓘ) — ზუღაშ კარშა გიშალიშ უღვენ სახენწჷფო ცენტრალურ ევროპას.[5] ქიანაშ ტერიოტრიაშ იკათუანს შქა დუნაიშ რზენიშ უმენტაშობას, ოორუეშე უხურგანს სლოვაკეთი, ოორუე-ბჟაეიოლშე — უკრაინა, ბჟაეიოლშე დო ობჟათე-ბჟაეიოლშე — რუმინეთი, ობჟათეშე — სერბეთი, ბჟადალშე — ავსტრია, ობჟათე-ბჟადალშე — ხორვატია დო სლოვენია. უნგრეთი იდვალუაფუ წყარმალუ დუნაიშ გოყორს დო თიშ ტერიტორიას უმენტაშო რე თოლუჭირინაფუ რზენეფი. ქიანაშ მხორობა 9.6 მილიონ ადამიერს აკმადგინანს, ნამუეფიშ უმენტაშობა ეთნიკურო უნგრალეფ (მადიარეფ) რენა, თაშნეშე ოხორანს შანულამ ჩაჩან უჭიჭაშობა. უნგრულ რე ოფიციალურ ნინა დო ართ-ართ რე ევროპას, ნამუთ ვა რე ინდოევროპულ ფანიაშ ნორთინ.[6] ბუდაპეშტი — ქიანაშ ნანანოღა დო უკაბეტაშ ნოღა, შანულამ კულტურულ დო ეკონომიკურ ცენტრი.[7][8]

Map
უნგრეთიშ რუკა

უნგრეთიშ სახენწფოშ გჷმოქიმინუაშახ თეხანურ უნგრეთიშ ტერიტორიას შხვადოშხვა კათა ოხორანდჷ, თინეფს შქას კელტეფი, რომაალეფი, ჰუნეფი, გერმანალ კათეფი, ავარეფი დო სლავეფი. უნგრეთიშ სახენწჷფობურობას გაჭყაფურ უღჷ უნგრეთიშ სათაროშე, ნამუჷთ დარსხუეს IX ოშწანურაშ დალიას ალმოშიქ დო თიშ ქომოლსქუა არპადიქ შქა დუნიაშ რზენიშ დოჸუნაფათ.[9][10] 1000 წანას ხვისტა დეკჷ მაფა იშტვან I-ქ დო მუშ ომაფე ქირსიანულ ომაფეთ გჷნართინუ. შქაოშწანურეფიშ უნგრეთიშ ომაფე რდჷ ევროპულ სახენწჷფო, ნამუქჷთ მუშ კონკას მიოჭირინჷ გვიან შქაოშწანურეფს.[11]

განწეხანიშ ოსმალეთიშ ლჷმეფიშ უკული, 1526 წანას უნგრეთიშ ჯარქ დემარცხჷ მოჰაჩიშ ბურჯაფის დო 1541 წანას ნანანოღა ბუდა გეჭოფეს ოსმალეფქ, ნამუშით დიჭყჷ 150 წანაშე უმოს ხანიშ განწეობაქ, მუჟანსჷთ ქიანა დორთილ რდჷ სუმ ნორთო:უნგრეთიშ ომაფე (ჰაბსბურგეფიშ ართგური), ოსმალეთიშ უნგრეთი დო გვერდო დუდიშულ ტრანსილვანიაშ სათარო. ოსმალეფქ აღიარეს ოსმალთიშ უნგრეთიშ დინაფა 1699 წანაშ კარლოვიციშ ზეთ. უნგრეთიშ უმენტაშ ნორთიქ აკიდგინჷ დო XVIII ოშწანურაშ დაჭყაფუს ჰაბსბურგეფიშ გამაგალაშა გეგნორთჷ.

ზოხორინალაშ ლჷმეფქ ჰაბსბურგეფიშ მეხჷ, 1703–1711 დო 1848–1849 წანეფს, გჷმიჭანუ კომპრომისი, ნამუშით 1867 წანას დირსხჷ ავსტრია-უნგრეთიშ იმპერიაქ, ნამუქჷთ XX ოშწანურაშ დაჭყაფუს ჸონიერ ჟისახენწჷფოთ გჷნირთუ.[12] პირველი მოსოფელიშ ლჷმაშ უკული ავსტრია-უნგრეთიქ აკოციუ დო გემაჸვენჯი 1920 წანაშ ტრიანონიშ ზეთ დიდგინჷ უნგრეთიშ ასეიანი ხურგეფქ, ნამუშ შედეგო მედინჷ ისტორიული ტერიტორიეფიშ 71%-ქ, ეკონომიკაშ უმენტაშობაქ, მახორობაშ 58%-ქ დო ეთნიკურო უნგრალეფიშ 32%-ქ.[13][14][15]

ლჷმაშ შედეგეფშე გიშულაშის, უნგრეთიქ გჷნიღჷ ბიჭიკეფი ლჷმეფიშ ორდოიან განწეხანს, ნამუეფიშ საბოლა რდჷ რეგენტი გამაგე მიკლოშ ჰორტიშ ნაციონალ-კონსერვატიული რეჟიმი. მაჟირა მოსოფელიშ ლჷმაშის უნგრეთიქ ქაკათჷ ფაშისტური სახენწჷფოეფიშ ალიანსის, ნამუქჷთ შანულამი ღამაკი დო გავალი მიორინუ.[16][17] ქიანა ოკუპირებული რდჷ სხუნუეფიშ რსხუშით, ნამუქჷთ გაჭყჷ უნგრეთიშ ოკათე რესპუბლიკა მუჭოთ სატელიტური სახენწჷფო. 1956 წანაშ უმწუძინუ რევოლუციაშ შედეგო უნგრეთიქ ელაზჷმაფათ დუდიშულო გჷნირთუ, მარა ქუდოსქიდჷ სოციალისტური კარეშ რეპრესირებულ მაკათურო. 1989 წანაშ რევოლუციეფიშ შედეგო უნგრეთიქ თინჩალას გეგნორთჷ დემოკრატიული საპარლამენტო რესპუბლიკაშა.[18] 2004 წანას, ევროპაშ რსხუშ მაკათურო გჷნრითუ, 2007 წანაშე — შენგენიშ ზონას.

უნგრეთი რე მაღალმიშნაველამი ქიანა, საარძო ჭყანთხილუათ დო უფასე შქაფონი გონათუათ.[19][20] უნგრეთის ქვერსემი განწეობაშ ისტორია უღჷ ხელუანობაშა, მუსიკაშა, ლიტერატურაშა, სპორტიშა, მენცარობაშა დო ტექნიკაშა მიშნაღელ თიაშჸურე.[21][22][23][24] ქიანა რე პოპულარული ტურისტული მეკონჭაფუ ევროპას, ნამუსჷთ 2019 წანას 24,5 მილიონი შხვაშ თური ტურისტიქ ესურჷნ.[25] უნგრეთი ანდა ერეფოშქაშე ორგანიზაციაშ მაკათური რე, თინეფს შქას: ევროპაშ სხუნუ, ევროპაშ რსხუ, ნატო, გოერო, მოსოფელიშ ჭყანთხილუაშ ორგანიზაცია, მოსოფელიშ ვაჭრუაშ ორგანიზაცია, მოსოფელიშ ბანკი, აზიაშ ინფრასტრუქტურაშ საინვესტიციო ბანკი დო ვიშეგრადიშ ბუნა.[26]

ეტიმოლოგია

[რედაქტირაფა | წყუშ რედაქტირაფა]
ჯინჯიერ სტატია: უნგრეთიშ ეტიმოლოგია

ჯოხოდვალა „Hungary“-ს რინელ ასო „H“, საეგებიოთ, ჰუნეფწკჷმა ისტორიულ ასოციაციაშე მოურს, ნამუეფჷთ უნგრეთიშ ტერიტორიას ავარეფიშ მოულაშა ოხორანდეს.[27] ზიტყვაშ დოსქილადირ ნორთ მოურს ბიზანტიურ ბერძენულიშ ლათინიზებულ ფორმაშე — Oungroi (Οὔγγροι). თე ბერძენულ ჯოხოდვალა, შილებე ნასხებუ ორდას ჯვეშ სლავურ ფორმაშე ągrinŭ, ნამუთ მუშჸურეშე ოღურ-თურქულ ზიტყვა „ონოღურშე“ ('ვით ოღურულ [თური]') (Onogur) მოურს.[28] ათე კოლექტიურ ჯოხოდვალა უჯოხოდეს თი თურეფშა, ნამუეფქჷთ მოგვიანეთ ბულგარულ თურულ კონფედერაციას ქაკათესჷნ; თინეფ გამაგენდეს უნგრეთიშ ბჟაეიოლ ნორთის ავარეფიშ უკული.[29][30] ისტორიკოს პიტერ ბენჯამინ გოლდენი თაშნეშე ითოლწონენს არპად ბერტაშ ვერსიას, ნამუშ მეჯინათ ჯოხოდვალა მოურს ხაზარულ-თურქულ ზიტყვაშე ongar: oŋ — მორძგვი, oŋar- — გაუჯგუშება / გიშათინუა, oŋaru — მორძგვიშე. თე თეორიაშ მეჯინათ, „ონღარ“ შანენს „მარძგვან სუას“. თენა მიოწურუანს თი იდეაშა, ნამჷ-და უნგრალეფიშ (მადიარეფიშ) რსხუ ქიანაშ დოჸუნალაშახ, ხაზარეფიშ ოურდუმე ნძალეფიშ „მარძგვან სუას“ (ბჟადალ ნორთის) წუმარინუანდჷ.[31]

უნგრეთიშ ენდონიმი (დორხველ ჯოხოდვალა) რე Magyarország (მადიარორსაგ), ნამუთ ჟირ კომპონენტშე აკმოდირთჷ: Magyar — „უნგრალი“ (მადიარ) დო Ország — „ქიანა“ (ორსაგ). ზიტყვა „Magyar“, ნამუთ ქიანაშ მახორობაშა მიოწურუანს, ბრელო უმოს ზუსტას ოძირანს გოთანჯილ ბჟაეიოლურ ნინეფს, მუნერით რე თურქული, სპარსული დო შხვა. თე ნინეფს ქიანას უძახუნა Magyaristan-ს, ნამუთ აიწორო შანენს „მადიარეფიშ დიხას“ ვარ-და „მადიარეფიშ ქიანას“. ზიტყვა „მადიარი“ მოურს შქვითი თარ უნგრულ გვერდო-გეგია თურეფშე ართ-ართიშ, თარ თურიშ ჯოხოდვალაშე. ზუსტად თე თურქ გინირთჷ ლიდერო დო მუშ ჯოხოდვალა ედომუშამ ერს დო ქიანას გილუსქიდუ.

ისტორია

[რედაქტირაფა | წყუშ რედაქტირაფა]
ჯინჯიერ სტატია: უნგრეთიშ ისტორია

895 წანაშახ

[რედაქტირაფა | წყუშ რედაქტირაფა]
ჯინჯიერ სტატიეფი: უნგრეთიშ პრეისტორია დო უნგრულ მითოლოგია
რომაულ პროვინციეფ დო ბარბაროსულ კათეფ კარპატეფიშ ღანჩოს დო თიშ გოხოლუაშ ტერიტორიას, ჩქინ წანეფიშეჭარუაშ II ოშწანურას.

რომიშ იმპერიაქ ჯვ. წ. 16–15 წანეფს ალპეფიშ დო დუნაიშ ბჟადალშე მადვალუ ტერიტორია ქჷდიჸუნუ. ზუსტად დუნაიქ გინირთჷ იმპერიაშ ოორუე-ბჟაეიოლ ხურგათ.[32] ჯვ. წ. 14 წანას, პანონია — კარპატიშ ღანჩოშ ბჟადალ ნორთი, ნამუთ ამდღანერ უნგრეთიშ ბჟადალ ტერიტორიეფს იკათუანსჷნ — იმპერატორ ავგუსტუსიქ მუშ ავტობიოგრაფიულ ნაჭარას „ღორონთიერ ავგუსტუსიშ საქვარეფი“ რომიშ იმპერიაშ ნორთო აღიარჷ.[32] პანონიაშ ობჟათე-ბჟაეიოლშე, ჯვ. წ. 6 წანას, რომიშ პროვინცია მეზიაქ გიჭყჷ.[32] თე ტერიტორიეფ რომიშო სტრატეგიულ ბუფერს წჷმარინუანდეს ბარბაროსულ ოქიანუწკჷმა. წყარმალუ ტისაშ ბჟაეიოლშე მადვალუ ტერიტორიაქ რომიშ პროვინცია დაკიაშ ნორთო 106 წანას გინირთჷ (ამდღანერ ბჟაეიოლ უნგრეთიშ ნორთი). თე რეგიონ რომიშ გამაგალაშ თუდო 271 წანაშა სქიდუდჷ, სოიშახ იმპერატორ ავრელიანექ ჯარეფიშ გიშაჸონაფა ვეგნოჭყვიდჷნ.[33]

235 წანაშე რომიშ იმპერია კაჭულ ბორჯის გიშმეშჷ, ნამუთ გჷმოჭანაფილ რდჷ არყებეფით, აწორინეფით დო იმპერატორეფიშ უწაია თირუათ. ბჟადალ რომიშ იმპერიაქ მა-5 ოშწანურას ქუდანთხჷ გერმანულ თურეფიშ მიგრაციაშ დო კარპეფიშ გენჭირათ.[33] თე ბორჯის ცენტრალურ ევროპას ჰუნეფიშ იმპერიათ (დხლ. 370–469) დოჭყაფილ, ანდა დუმაჸუნაფალქ მინაკათჷ. ჰუნეფიშ იმპერიაშ არძაშე ჸონიერ გამაგე რდჷ ატილა (434–453), ნამუქჷთ მოგვიანეთ უნგრულ მითოლოგიაშ ცენტრალურ ფიგურათ გინირთჷ.[34] ჰუნეფიშ იმპერიაშ აკოცჷმაშ უკული, ბჟაეიოლ გერმანულ თურქ — გეპიდეფქ, ნამუეფჷთ ჰუნეფიშ ვასალეფ რდესჷნ, კარპატიშ ღანჩოს მუნეფიშ ომაფე ქჷდარსხუეს.[35] შხვა ბუნეფი, ნამუეფქჷთ მიგრაციაშ ბორჯის კარპატიშ ღანჩოშა მორთესჷნ, რდეს: გოთეფი, ვანდალეფი, ლომბარდეფ დო სლავეფი.[33]

560-იან წანეფს, ავარეფქ ქჷდარსხუეს ავარეფიშ სახანო, სახენწჷფო, ნამუთ რეგიონს ჟირ ოშწანურაშე უმოს ხანს დომინირენდჷნ. ფრანკეფქ კარლოს დიდიშ ხემანჯღვერალათ 790-იან წანეფს მუსხირენ ლესქერუაშ შედეგო ავარეფ დამარცხეს.[36] 804-შე 829 წანაშა, ბულგარეთიშ პირველ იმპერიაქ დუნაიშ ბჟაეიოლშე მადვალუ დიხეფ ქიდიჸუნუ დო აბანობურ სლავურ ტომეფიშ დო ავარეფიშ ნოსქილედეფიშ გამაგალა ქიდიჭყჷ.[37] მა-9 ოშწანურაშ შქა წანეფს, დუნაიშ ბჟადალშე, ფრანკეფიშ პანონიაშ მარკაშ ნორთის გიჭყჷ ბალატონიშ სათაროქ, ნამუთ თაშნეშე ჩინებულ რე მუჭოთ თუდოლენ პანონია.[38]

გეოგრაფია

[რედაქტირაფა | წყუშ რედაქტირაფა]

ქიანა იდვალუაფუ ბჟაეიოლ ევროპას. ომძღჷ ქიანეფი: ავსტრია, სლოვაკეთი, უკრაინა, რუმინეთი, სერბეთი, ხორვატია, სლოვენია.

  • ფართობი - 93.030 კვ.კმ.
  • ორთა: უდიდაში ტობა — ბალატონი, უდიდაში წყარმალუეფი — დუნაი დო ტისა. უმაღალაში კონკა — კეკეში (1,015 მ).

სახენწჷფო

[რედაქტირაფა | წყუშ რედაქტირაფა]
  • სახენწჷფოშ მადუდური: პრეზიდენტი ლასლო შოლიომი.
  • თარობაშ დუდმახვენჯი: პრემიერ-მინისტრი.
  • კანონიშდუმადვალუ ორგანო: ართპალატამი პარლამენტი — სახენწჷფო კათუა (386 მაკათური).
  • ადმინისტრაციული დორთუალა: 19 ოლქი, 20 ონოღე ტერიტორია დო ნანანოღა, ნანანოღას გჷშაკერძაფილი სტატუსი უღჷ.

დემოგრაფია

[რედაქტირაფა | წყუშ რედაქტირაფა]

რესურსეფი ინტერნეტის

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]
  1. ↑ The Story Behind the Hungarian National Anthem. Jules S. Vállay. კითხირიშ თარიღი: 8 May 2017.
  2. ↑ A népesség vallás, felekezet és nemek szerint: népszámlálások 1930, 1949, 2001, 2011, 2022 (XLSX file). Hungarian Central Statistical Office (26 September 2023).
  3. ↑ 2022 Hungarian census. Hungarian Central Statistical Office (KSH) (7 December 2023). კითხირიშ თარიღი: 26 October 2024.
  4. 1 2 World Economic Outlook Database, October 2024 Edition. (Hungary). International Monetary Fund (22 October 2024). კითხირიშ თარიღი: 26 October 2024.
  5. ↑ The Fundamental Law of Hungary. Hungarian State. კითხირიშ თარიღი: 8 May 2017.
  6. ↑ Hungary | History, Map, Flag, Population, Currency, & Facts | Britannica (en) (2024-12-22). კითხირიშ თარიღი: 2024-12-24.
  7. ↑ Hungary - Rivers, Plains, Soils | Britannica (en) (2024-12-22). კითხირიშ თარიღი: 2024-12-24.
  8. ↑ Péter, László. Budapest.
  9. ↑ Hungary in the Carpathian Basin. Lajos Gubcsi (6 June 2017). კითხირიშ თარიღი: 6 June 2017.
  10. ↑ (1982) Acta Orientalia Academiae Scientiarum Hungaricae. Magyar Tudományos Akadémia (Hungarian Academy of Sciences), ხს. 419. 
  11. ↑ Kristó Gyula – Barta János – Gergely Jenő: Magyarország története előidőktől 2000-ig (History of Hungary from the prehistory to 2000), Pannonica Kiadó, Budapest, 2002, ISBN 963-9252-56-5, p. 687, pp. 37, pp. 113 ("Magyarország a 12. század második felére jelentős európai tényezővé, középhatalommá vált"/"By the 12th century Hungary became an important European constituent, became a middle power", "A Nyugat részévé vált Magyarország ... /Hungary became part of the West"), pp. 616–644
  12. ↑ "Austria-Hungary, HISTORICAL EMPIRE, EUROPE". Encyclopædia Britannica. 6 June 2017. https://www.britannica.com/place/Austria-Hungaryაკითხულია: 6 June 2017.
  13. ↑ Richard C. Frucht (31 December 2004). Eastern Europe: An Introduction to the People, Lands, and Culture. ABC-CLIO, ხს. 360. ISBN 978-1-57607-800-6. 
  14. ↑ "Trianon, Treaty of". The Columbia Encyclopedia. 2009. http://www.encyclopedia.com/doc/1E1-TrianonTr.html.
  15. ↑ Text of the Treaty, Treaty of Peace Between The Allied and Associated Powers and Hungary And Protocol and Declaration, Signed at Trianon June 4, 1920. კითხირიშ თარიღი: 10 June 2009.
  16. ↑ Hungary: The Unwilling Satellite Archived 16 February 2007 ვებ-ხასჷლას Wayback Machine. John F. Montgomery, Hungary: The Unwilling Satellite. Devin-Adair Company, New York, 1947. Reprint: Simon Publications, 2002.
  17. ↑ Thomas, The Royal Hungarian Army in World War II, pg. 11
  18. ↑ (23 October 1989) „1989. évi XXXI. törvény az Alkotmány módosításáról“ (hu). Magyar Közlöny 44 (74). 
  19. ↑ OECD (27 June 2013). „OECD Health Data: Social protection“. OECD Health Statistics (Database). DOI:10.1787/data-00544-en. 
  20. ↑ Eurydice. Compulsory Education in Europe 2013/2014. European commission. კითხირიშ თარიღი: 19 May 2014.
  21. ↑ “Hungary's Nobel Prize Winners, 13 Hungarian win Nobel Prize yet“, Hungarian Academy of Sciences. კითხირიშ თარიღი: 2 April 2022. 
  22. ↑ “Population per Gold Medal. Hungary has the second highest gold medal per capita in the world. All together it has 175 gold medal until 2016.“, medalspercapita.com. კითხირიშ თარიღი: 18 June 2017. 
  23. ↑ Hungarian literature – ”Popular poetry is the only real poetry was the opinion of Sándor Petőfi, one of the greatest Hungarian poets, whose best poems rank among the masterpieces of world literature”., Encyclopædia Britannica, 2012 edition
  24. ↑ Szalipszki, pg.12
    Refers to the country as "widely considered" to be a "home of music".
  25. ↑ STADAT – 4.5.3. The number of inbound trips to Hungary and the related expenditures by motivation (2009–). კითხირიშ თარიღი: 2022-06-02.
  26. ↑ International organizations in Hungary. Ministry of Foreign Affairs. კითხირიშ თარიღი: 20 November 2016.
  27. ↑ Hungary – Country Information: Etymology. კითხირიშ თარიღი: 6 November 2025.
  28. ↑ Benjamin Golden, Peter (2011). „Studies on the Peoples and Cultures of the Eurasian Steppes“. Editura Academiei Române. 
  29. ↑ Király, Péter (1997). A magyarok elnevezése a korai európai forrásokban (The Names of the Magyars in Early European Sources) /In: Honfoglalás és nyelvészet ("The Occupation of Our county" and Linguistics)/. Budapest: Balassi Kiadó, ხს. 266. ISBN 978-963-506-108-2. 
  30. ↑ (22 November 1990) რედ. Peter F. Sugar: A History of Hungary. Indiana University Press, ხს. 9. ISBN 978-0-253-20867-5. 
  31. ↑ Berta, Árpad. Die chasarische Benennung der Ungarn. 
  32. 1 2 3 Kershaw, Stephen P. (2013). A Brief History of The Roman Empire: Rise and Fall. London. Constable & Robinson Ltd. ISBN 978-1-78033-048-8.
  33. 1 2 3 Scarre, Chris (2012). Chronicle of the Roman Emperors: The Reign-by-Reign Record of the Rulers of Imperial Rome. London. Thames & Hudson Ltd. ISBN 978-0-500-28989-1.
  34. ↑ Kelly, Christopher (2008). Attila The Hun: Barbarian Terror and The Fall of The Roman Empire. London. The Bodley Head. ISBN 978-0-224-07676-0.
  35. ↑ Bóna, István (2001). "From Dacia to Transylvania: The Period of the Great Migrations (271–895); The Kingdom of the Gepids; The Gepids during and after the Hun Period", History of Transylvania. Hungarian Research Institute of Canada. ISBN 0-88033-479-7. 
  36. ↑ Lajos Gubcsi, Hungary in the Carpathian Basin Archived 12 March 2020 ვებ-ხასჷლას Wayback Machine. , MoD Zrínyi Media Ltd, 2011
  37. ↑ Skutsch, Carl, ed. (2005). Encyclopedia of the World's Minorities. New York: Routledge. p. 158. ISBN 1-57958-468-3.
  38. ↑ Luthar, Oto, ed. (2008). The Land Between: A History of Slovenia. Frankfurt am Main: Peter Lang GmbH. ISBN 9783631570111.
გორილი რე "https://xmf.wikipedia.org/w/index.php?title=უნგრეთი&oldid=250088"-შე