მიკრონეზიაშ ფედერაციული შტატეფი

მიკრონეზიაშ ფედერაციულ შტატეფი
მიკრონეზიაშ ფედერაციულ შტატეფი ინგლ. Federated States of Micronesia
	დევიზი: Peace, Unity, Liberty (თინჩალა, ართალა, დუდიშულა)
	ჰიმნი: „მიკრონეზიაშ პატრიოტეფი“; ;
	{{{link alias-s}}} ორენი
ნანანოღა	პალიკირი; 7°21′ ოორ. გ. 151°36′ ელ. გ. /
უკაბეტაშ ნოღა	უენო
ოფიციალური ნინა(ეფი)	ინგლისური; ჩუუკური; კოსრაეული; პონპეური; იაპური;
რელიგია	95.3% ქირსიანი 52.6% კათოლიკე; 41.7% პროტესტანტი; 1.0% შხვა ქირსიანეფი; ; ; 4.1% ოკათე რელიგიეფი ; 0.6% აკა ვარი / შხვა ; (2016)
თარობა	ფედერალურ ასამბლეაშე ზოხოროინელ რესპუბლიკა უპარტიე დემოკრატიათ
ფართობი
მახორობა
ედპ (ჸუპ)	2015 ფასებათ
აგი (2022)	0.634 (135-ა)
ვალუტა	ააშ დოლარი (USD)
ბორჯიშ ორტყაფუ	UTC+10 დო UTC+11
ქიანაშ კოდი	FM
Internet TLD	.fm
ოტელეფონე კოდი	+691
	მიკრონეზიაშ ფედერაციულ შტატეფიშ ინტერაქტიულ რუკა

ათე ხასჷლა რე რჩქალ ოკიანეთის მადვალუ კოკ სახენწჷფოშ გეშა. გეოგრაფიულ რეგიონიშ გეშა, სოდე თე კოკ სახენწჷფო იდვალუაფჷნ, ქძ. მიკრონეზია.

მიკრონეზიაშ ფედერაციულ შტატეფი (ინგლ. Federated States of Micronesia, აბრევიატურა FSM) ვარ-და უბრალეთ მიკრონეზია — კოკ სახენწჷფო ოკიანეთიშ რეგიონ მიკრონეზიას. ფედერაციაშ აკოდგინალუაშა მიშმურს კაროლინაშ კოკეფიშ (პალაუშ მოხ) უმენტაშობა დო აკმოდირთუ ოთხ შტატშე — ბჟადალშე ბჟაეიოლშა: იაპი, ჩუუკი, პონპეი დო კოსრაე, ნამუეფჷთ იკენა რჩქალ ოკიანეშ ბჟადალს, ეკვატორიშ ოორუეშე მეხოლაფირო 2700 კილომეტრიშ სიგჷნძას. ართო ეჭოფილ, შტატეფ იკათუანა მეხოლაფირო 607 კოკის, ნამუეფიშ ართამ ფართობ მეხოლაფირო რე 702კმ².

ედომუშამ კოკ სახენწჷფო იდვალუაფუ რჩქალ ოკიანეშ ოორუეშე გეჸვენჯიშორო: ინდონეზიაშ დო პაპუა-ახალ გვიენაშ ოორუე-ბჟაეიოლშე, გუამიშ დო მარიანაშ კოკეფიშ ობჟათეშე, ნაურუშ დო მარშალიშ კოკეფიშ ბჟადალშე, პალაუშ დო ფილიპინეფიშ ბჟაეიოლშე, ავსტრალიაშ ოორუეშე მეხოლაფირო 2,900 კილომეტრიშ მეძენას, იაპონიაშ ობჟათე-ბჟაეიოლშე — 3,400 კილომეტრის დო ჰავაიშ კოკეფიშ ჰონოლულუშ ობჟათე-ბჟადალშე — 4,000 მეძენას.

ქიანაშ ედომუშამ სქირონაშ ფართობ ელაზჷმაფათ მორჩილ რე, მარა თიშ ტერიტორიულ წყარეფ რჩქალ ოკიანეშ დახე 3 მილიონ კმ²-ის იკენს, ნამუთ ქიანას მოსოფელიშ სიკაბეტათ მა-14 ექსკლუზიურ ეკონომიკურ ზონათ გჷნმართინუანს.^[4]^[5] ქიანაშ ნანანოღა რე პალიკირი, ნამუთ პონპეიშ კოკის იდვალუაფუ, უკაბეტაშ ნოღა — უენო, კოკ მუნიციპალიტეტ ჩუუკიშ ლაგუნას.

ქიანაშ ოთხ შტატშე ირი ართ ვარ-და მუზმარენ თარ ვულკანურ კოკის იდვალუაფუ დო კოსრაეშ მოხ თინეფშე არძა ანდა გალენურ ატოლს იკათუანს. დუდიშულ ობჟათე-ბჟადალიშ კოკეფ მიკრონეზიაშ უმოს ფართო რეგიონს, კაროლინაშ კოკეფიშ ნორთის ისვალუაფუ, ნამუთ ვითოშობათ მორჩილ კოკშე აკმოდირთუ დო მუზმარენ ქიანას შქას რე დორთილი. ტერმინ „მიკრონეზია“ შილებე ოწაწჷდას მიკრონეზიაშ ფედერაციულ შტატეფს ვარ-და ედომუშამ რეგიონს.

მიკრონეზიაშ ფედერაციულ შტატეფი რდჷ რჩქალ ოკიანეშ კოკეფიშ მინჯორ ტერიტორიაშ (TTPI) ნორთი, ნამუთ გოეროშ მინჯორ ტერიტორია რდჷ დო ააშ 1947 წანაშე 1994 წანაშახ გამაგენდჷ. 1979 წანაშ 10 მესის, კოკეფქ რატიფიცირება გუკეთეს კონსტიტუციურ თარობას დო უკულ სუვერენულ სახენწჷფოეფო გჷნირთეს 1986 წანაშ 3 გერგობათუთას, ზოხორინალაშ მოპალუაშ უკული - ააშ-წკჷმა დუდიშლ ასოციაციაშ კომპაქტიშ ფარგანეფს. შხვა მეძობელ კოკ ართულეფქ (თაშნეშე TTPI-იშ ჸოფირ მაკათურეფქ) თაშნეშე გაჭყეს კონსტიტუციურ თარობა დო გჷნირტეს მარშალიშ კოკეფიშ რესპუბლიკათ დო პალაუშ რესპუბლიკათ. მიკრონეზიაშ ფედერაციულ შტატეფს ურჷ აბან გოეროს დო 1983 წანაშე რე რჩქალ ოკიანეშ წორომაჸალობაშ მაკათური.

რესურსეფი ინტერნეტის

თარობა

ართამ ინფორმაცია

მიკრონეზიაშ ფედერაციულ შტატეფი. The World Factbook. ცენტრალური ოთოლორე სააგენტო.
Fმიკრონეზიაშ ფედერაციულ შტატეფი UCB Libraries GovPubs-შე
მიკრონეზია BBC News-შე
Jane's Federated States of Micronesia Home Page Archived March 24, 2005, ვებ-ხასჷლას Wayback Machine.
Trust Territory of the Pacific Archives at the University of Hawaii
Pacific Islands Legal Information Institute - Federated States of Micronesia
Nature.org - Micronesia environmental conservation
myMicronesia.com Online resource center about the islands of Micronesia. Provides free listings and links to all Micronesian businesses, as well as civic, cultural, health and educational organizations.
Habele.org - Outer Islands Information about the remote islands and atolls outside the four state capitals of Micronesia from an educational nonprofit.
Development Forecasts for Federated States of Micronesia

მასმედია

The Kaselehlie Press Archived September 15, 2022, ვებ-ხასჷლას Wayback Machine. – The Kaselehlie Press is a Pohnpei-based newspaper that covers stories throughout the FSM.
Pohnpei (Spanish)

რუკეფი

ვიკიმედია-ატლასი: მიკრონეზიაშ ფედერაციული შტატეფი — გეოგრაფიული დო ისტორიული რუკეფი
Nan Madol islet complex Provides computer based reconstruction of the main islets and features

შარალუა

ტაროსი

სქოლიო

↑ Summary Analysis of Key Indicators: from the FSM 2010 Census of Population and Housing. Palikir: Division of Statistics, Office of SBOC, ხს. 8.
↑ Religions in Federated States Of Micronesia | PEW-GRF. კითხირიშ თარიღი: August 2, 2020.
↑ NA – FSM Statistics. კითხირიშ თარიღი: June 10, 2020.
↑ “Drops in the ocean: France's marine territories“, January 13, 2016. კითხირიშ თარიღი: January 28, 2021.
↑ Micronesia (Federated States of). seaaroundus.org. კითხირიშ თარიღი: March 3, 2023.

[1] Summary Analysis of Key Indicators: from the FSM 2010 Census of Population and Housing. Palikir: Division of Statistics, Office of SBOC, ხს. 8.

[2] Religions in Federated States Of Micronesia | PEW-GRF. კითხირიშ თარიღი: August 2, 2020.

[3] NA – FSM Statistics. კითხირიშ თარიღი: June 10, 2020.

[4] “Drops in the ocean: France's marine territories“, January 13, 2016. კითხირიშ თარიღი: January 28, 2021.

[5] Micronesia (Federated States of). seaaroundus.org. კითხირიშ თარიღი: March 3, 2023.

[1]

[2]

[3]

[4]

[5]