მისისიპი

ვიკიპედიაშე
მისისიპი
Mississippi River
მისისიპი
მისისიპი
დოხასიათაფა
სიგჷრძა 3 766 კმ
ღანჩოშ ფართობი 2 981 076 კმ²
წყარიშ ხარჯი 86 791 მ³/წმ
წყარიშ ნადუ
ოდუდე აიტასკა
 • ორენი აიტასკაშ ოშტატე პარკი, კლირუოტერი
 • სიმაღალა 450 მ
 • კოორდინატეფი

47°14′23″ ოორ. გ. 95°12′27″ ბჟად. გ. / 

აკაკათაფუ მექსიკაშ ჸუჯი
 • ორენი პილოტ-ტაუნი, პლაკინი
 • სიმაღალა 0 მ
 • კოორდინატეფი

კოორდინატეფი:29°09′04″ ოორ. გ. 89°15′12″ ბჟად. გ. / 29°09′04″ ოორ. გ. 89°15′12″ ბჟად. გ. / 

იდვალუაფუ
ქიანეფი ამერიკაშ აკოართაფილი შტატეფიშ შილა ააშ
ნოღეფი მინეაპოლისი, სენტ-პოლი, ლა-კროსი, კვად-სიტიზი, სენტ-ლუისი, მემფისი, ბატონ-რუჟი, ახალი ორლეანი

მისისიპი (ინგლ. Mississippi) — წყარმალუ ააშ-ს, ართ-ართი უდიდაში წყარმალუ მოსოფელს. თიში სიგჷრძა 3 734 კმ. ღანჩოშ ფართობი — 2 981 076 კმ².

მისისიპის ოდუდე უღუ მინესოტაშ შტატის (ნ. მინეაპოლისი, ნ. სენტ-პოლი), კანადაწკჷმა ხურგაშ გოხოლუას დო მეურს ააშ-იშ შქაგურს. მიკმურს ვისკონსინიშ, აივოვაშ (ნ. დანევპორტი), ილინოისიშ, მისურიშ (ნ. სენტ-ლუისი), კენტუკიშ, ტენესიშ (ნ. მემფისი), არკანზასიშ დო მისისიპიშ შტატეფს. წყარმალუშ ბოლო იდვალუაფუ ლუიზიანაშ (ნ. ბატონ-რუჟი) შტატის, ნიუ-ორლეანიშ ობჟათეშე დო ინაკათუ მექსიკაშ ჸუჯის, სოდე აკმოქიმინჷნს დიდ დო ფართე დელტას.

მისისიპის მიარე ნადუ უღუ. თიშ ღანჩო იკათუანს ააშ-იშ დიდ ნორთის. წყარმალუშ მუსხირენი შანულამი ნადუ რე წყ. მინესოტა, წყ. ვისკონსინი, წყ. ილინოისი, წყ. მისური, წყ. ოჰაიო, წყ. არკანზასი.

მისისიპი, ააშ-იშ ისტორიას, ტრანსპორტირაფაშ საშუალებაშ უდიდაშ როლს არსულენდჷ. მუჟამსჷთ ააშ-ქ ზოხორინალა გჷმაცხადჷნ, წყარმალუ მისისიპის ააშ-იშ ბჟადალი ხურგი იდვალუაფუდჷ.

მისისიპიშ ინოხვენეფს დიდ ოშქურანჯობას აკმუქიმინჷნს ქიმიკატეფი, ნამუეფით ფერმეფშე ინაკათუ წყარმალუს დდო თიშ ნადუეფს დო ნამუეფით უკული მექსიკაშ ჸუჯის იშაყარუ.

წყარმალუშ ოსხირი რე ჭვემაშ წყარი დო თირიშ ნდღულაფა. აფუნ-ზარხულს შხირი რე წყარიშ ძინა. კატასტროფული წყარალა რდჷ 1844, 1093, 1913, 1927, 1937, 1947, 1951, 1952 დო 1965 წანეფს. დაბალ მალობას აკოგაფილი რე ჰიდროტექნიკური დამბეფი, მარა კანკალეშა თინეფს ხოლო ვეშულებჷნა დოთხილუან წყარმალუწკჷმა არხოს მახორუ მახორობა წყარალაშე.

ჯოხოდვალა Mississippi აბანური ამერიკალეფიშ ნინაშა შანენს „დიდ წყარმალუს”, „წყარეფიშ მუმას”.

რესურსეფი ინტერნეტის[რედაქტირაფა | წყუშ რედაქტირაფა]


ვიკიოწკარუეს? რე ხასჷლა თემაშენ: