მოლდოვაშ პრეზიდენტი

მოლდოვაშ პრეზიდენტი — მოლდოვაშ სახენწჷფოშ მადუდე, ნამუსჷთ პარლამენტი ფორილი კალიშრღვაფათ გიშმაგორუნს 4 წანაშ ხანით. მოლდოვაშ პრეზიდენტო შილებე გიშაგორილქ იჸუას მოლდოვაშ მენოღალექ, ნამუსჷთ გიშაგორუეფიშ დღაშო 40 წანერი რდჷ დო მინიმუმ 10 წანა ოხორანდჷ მოლდოვაშ ტერიტორიას. გიშაგორილო იკოროცხუ თი კანდიდატი, ნამუქჷთ მიღჷ დეპუტატეფიშ ხონარეფიშ 3/5. თუ ხონარეფიშ ოხვილურ მუდანობაქ ვაშაყარინ ნამუთინ კანდიდატის-და, ინწკჷმა ინწყუაფჷ მაჟირა ტური მაართა ჟირ აბანშა გიშულირჷ კანდიდატის შქას. თუ მაჟირა ტურს ხოლო ვაგჷშეგორინ პრეზიდენტიქ-და, ინწკჷმა მოქიმინჯე პრეზიდენტი დუთმარინუანს ახალი პარლამენტიშ გიშაგორუეფიშ თარიღის.

მოლდოვაშ პრეზიდენტეფიშ ერკებული

	ჯოხო	ნებაგოქუნელობაშ დოჭყაფა	ნებაგოქუნელობაშ თება
1.	მირჩა სნეგური	3 ეკენია 1990	15 ღურთუთა 1997
2.	პეტრე ლუჩინსკი	15 ღურთუთა 1997	7 პირელი 2001
3.	ვლადიმერ ვორონინი	7 პირელი 2001	11 ეკენია 2009
4.	მიხაი გიმპუ	11 ეკენია 2009	28 ქირსეთუთა 2010
5.	ვლად ფილატი	28 ქირსეთუთა 2009	30 ქირსეთუთა 2010
6.	მარიან ლუპუ	30 ქირსეთუთა 2010	23 მელახი 2012
7.	ნიკოლაე ტიმოფტი	23 მელახი 2012	23 ქირსეთუთა 2016
8.	იგორ დოდონი	23 ქირსეთუთა 2016	24 ქირსეთუთა 2020
9.	მაია სანდუ	24 ქირსეთუთა 2020	ასეშახ