მორდია (ფილმი)

ვიკიპედია-შე
Jump to navigation Jump to search
The Godfather
მორდია
220px
რეჟისორი:

ფრენსის ფორდ კოპოლა

სცენარიშ ავტორი:

მარიო პიუზო, ფრენსის ფორდ კოპოლა

ნახანდი:

თარგი:ირსხუაფუ

თარ როლეფს:

მარლონ ბრანდო
ალ პაჩინო
ჯეიმზ კაანი
რობერტ დიუვალი
დაიანა კიტონი

კომპოზიტორი:

ნინო როტა
კარმინ კოპოლა

მონტაჟი:

ვილიამს ჰ. რეინოლდსი
პიტერ ზინერი

ხანტუ:

კათრინ მარტინი

ქიანა

ააშ

ნინა:

ინგლისური

მუშნალი:

$ 286 მლნ

გეჸვენჯი:

მორდია II

კინოგიდიშ პროფილი

IMDb პროფილი


„მორდია“ (ინგლ. The Godfather) — 1972 წანაშ ფრენსის ფორდ კოპოლაშ ოსკარიშ მაღვენჯი ფილმი, ნამუთ გინოღალირი რე 1969 წანაშ ათე ჯოხოდვალაშ, მარიო პიუზოშ წინგიშ მეჯინათ. ფილმის თარი როლეფს არსულენს მარლონ ბრანდო დო ალ პაჩინო. მოთხობილი რე კორლეონეშ კრიმინალური ფანიაშე. „მორდია“ მიჩქუ ართ-ართ არძაშე ფარსაკი დო გოლუამი ფილმო მოსოფელი კინოს[1][2]. ამერიკული კინოშ ინსტიტუტიშე მერჩქინელი მაჟირა საუჯგუშო ფილმო ამერიკულ კინოს[3]; ხოლო მაჟირა აკანი უკინებუ კინოფილმეფიშ ინტერნეტ-მუნაჩამეფიშ ბაზაშ (IMDb) ვერსიათ[4].

გიშულაშ უკული, ფილმი 1975 წანაშა ისქილიდუანდჷ არძა ბორჯიშ არძაშე მიშნაველამი ფილმიშ სტატუსის, სოიშახ თიში რეკორდი ფილმიქ „კირტეეფიქ“ ვადახუ[5]. „მორდიაქ“ მიგჷ სუმი ოსკარი, — საუჯგუშო სურათიშ, საუჯგუშო არტისტი კოჩიშო (ბრანდო) დო საუჯგუშო ადაპტირებული სცენარიშ კატეგორიეფს, დო უღჷ შხვა კატეგორიას ოსკარიშ ნომინაცია მიღჷ. ფილმის მაჸუნუ ჟირი გოგინძორაფაქ: „მორდია II“ (1974) დო „მორდია III“ (1990).

სიუჟეტი[რედაქტირაფა | წყუშ რედაქტირაფა]

მოქიმინჯალა 1945-55 წანეფს მეურს. დონ ვიტო კორლეონე ნიუ-იორკიშ სიცილიურ მაფიას ხემანჯღვერენს. თინა ოთხინს ცირასქუას. ათე ბორჯის მაჟირა მოსოფელიშ ლჷმაშე ირთუ თიში ბოში მაიკლი. მაიკლი ლჷმაშ გერგეზი დო ფანიაშ ფეკალა რე, მარა თის ვაკო მაფიაშ საქვარეფს ჩარიება. დონ კორლეონე, ნამუთ ტრადიციეფიშ ართგური რენ, მუში ტერიტორიას ნარკოტიკეფიშ გოფაჩუაშ აწმარენჯი რე, მუთ ხეს ვარზენს მაფიაშ შხვა კლანეფიშ გაამა-კათას. ათე უმურაგადუობაშ ოსხირს წუმოჭყაფილი ნტერობა ბორჯიშ გოძვენას უმოსო დო უმოსო იდჷრფებუ. აწმარენჯეფი დონ კორლეონეშა გენთხაფას ონწყუნა. კორლეონე გინასქიდუ, მარა დანძალებური რე კუნტახანურო საქვარეფს დეთხიასჷნ. ფანიაშ გინოსქილადა კითხირიშ შანიშ გიმე გედირთუ. მაიკლი მუშ დუდშა ეჭოფუნს ფანიაშ მართუას დო საქვარეფიშ მაჯღვერუა, თინა ათეშო ჸვილუასით ღოლამას. მაიკლი ჸვილუაშ გეშა იტალიას დიტყობუ დო თექ დეგურგინებუ. იტალიას მაიკლიშ გენთხაფას თიში ალმასქუა ეკიბირებუ. მაიკლი ირთუ იტალიას დო საბოლათ მიშაბუნუ მაფიაშ საქვარუეფს.

როლეფს[რედაქტირაფა | წყუშ რედაქტირაფა]

  • მარლონ ბრანდო - დონ ვიტო კორლეონე
  • ალ პაჩინო - მაიკლ კორლეონე
  • ჯეიმზ კაანი - სანტინო კორლეონე
  • რობერტ დიუვალი - ტომ ჰეიგენი
  • დაიან კიტონი - ქეი ადამსი
  • ჯონ კაზალე - ფრედო კორლეონე
  • ტალია შირი - კონი კორლეონე
  • რიჩარდ ს. კასტელანო - პიტ კლემენცა
  • აბე ვიგოდა - სალ ტესიო
  • ალ ლეტიერი - ვირჯილ სოლოცო
  • გაიან რუსო - კარლო რიჩი
  • სტერლინგ ჰეიდენი - კაპიტანი მკ'ლასკი
  • ლენი მონტანა - ლუკა ბრაზი
  • რიჩარდ სონტე - ემელიო ბარცინი
  • ალ მარტინო - ჯონი ფონტეინი
  • ჯონ მარლი - ჯეკ ვოლთსი
  • ალექს როსო - მო გრინი
  • მორგან კინგი - კარმელა კორლეონე
  • ჯონ მარტინო - პოლი გატო
  • ვიქტორ რენდინა - ფილიპ ტატალია
  • სიმონეტა სტეფანელი - აპოლონია ვიტელი-კორლეონე
  • ლაუს გუსი - დონ სალუჩი
  • ტომ როსქი - როსო ლამპონი
  • ჯო სპინელი - ვილი კისი
  • რიჩარდ ბრაითი - ალ ნერი
  • ჯული გრეგი - სანდრა კორლეონე

ჯილდოეფი[რედაქტირაფა | წყუშ რედაქტირაფა]

ოსკარი

ორქოშ გლობუსი

BAFTA

ქოძირით ხოლო[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]