მოსკოვიშ დიდი სათარო (რუს. Великое Княжество Московское) — ფეოდალური სახენწჷფო რუსეთის. სათაროქ გიჭყჷ XIV ოშწანურაშ შქა წანეფს მოსკოვიშ სათაროშ გომანგარაშ შედეგო. 1276 წანაშე, მოსკოვიშ თარი რდჷ დანიელ ალექსანდრეშ სქი. მოსკოვიშ დიდი სათაროშ გოჭყანიარაფა გჷმიჭანუ თიში მოხუჯური დვალუაქ ოვაჭარე ოკართუშარას, ხეუანობაშ, ვაჭარობაშ დო დიხასაქვარუაშ გოვითარაფაქ დორხველ სათაროს, მოსკოვიშ თარეფიშ ჭკვერული პოლიტიკაქ. ივანე I კალიტაქ მონღოლ-თათარეფიშ ყაენიშ ნდობა მიპალჷ დო 1328 წანას, ვლადიმირიშ დიდი თარო გჷნირთჷ. 1380 წელს, დიმიტრი ივანეშ სქი დონარქ გჷნირთჷ. 1380 წანას, დიმიტრი ივანეშ სქი დონარქ დუდი ქეგედგჷ ოართერუსულ ნძალეფს თათარეფიშ სააწმარენჯო ბურჯაფის (კულიკოვიშ ბურჯაფი). XIV-XV ოშწანურეფიშ ფარდის მოსკოვიშ დიდი სათაროქ ჭიეჭიეთ გიძინჷ (1392 წანას ქიმკირსხჷ ნიჟნი-ნოვგოროდი). XV ოშწანურაშ II ნორთის, მოსკოვიშ დიდი სათაროს ხანგჷნძე დინოხიანი ფეოდალური ლჷმა მიშჷ, ნამუთ ვასილი II ვასილიშ სქიშ (1524-1462) გომორჯგუათ ითუ. თე ბორჯის მოსკოვიშ დიდი სათაროშ ტეროტორია აკმადგინანდჷ 430 ვთშ. კმ², მახორობა — 3 მლნ. ადამიერს. XV ოშწანურაშ II ნორთის მოსკოვიშ დიდი სათარო ართოიანი რუსეთიშ სახენწჷფოშ თარი ბირთვო გჷნირთჷ.
.png){kind=small}
