რუსეთიშ ისტორია

ვიკიპედია-შე
Jump to navigation Jump to search
რუსეთიშ ისტორია
რუსეთის გერბი
ათე სტატია რე ნორთი სერიაშე
ვოლგა ბულგარეთი
ხაზარეთი
ჯვეში სლავეფი
კიევიშ რუსეთი
რუსეთიშ სათაროეფი
ნოვგოროდიშ რესპუბლიკა
ვლადიმერიშ სათარო
მონღოლეფიშ მიშაბურსუა
მონღოლეფიშ უღუ
ლიტვაშ დიდი სათარო
მოსკოვიშ დიდი სათარო
რუსეთიშ ომაფე
რუსეთიშ იმპერია
ობორჯე თარობა
სხუნუეფიშ რუსეთი
სხუნუეფიშ რსხუ
რუსეთიშ ფედერაცია

რუსეთიშ პორტალი
  •  •  

რუსეთიშ ისტორია იჭყაფუ ბჟაეიოლიშ სლავეფშე. მაართა ბჟაეიოლ სლავური გოართიანაფა რდჷ, კიევიშ რუსეთი, ზუსტას თე პერიოდის 988 წანას ბიზანტიაშ იმპერიაშე კიევიშ რუსეთის გიფაჩჷ ქირსიანობაქ.[1] რუსული კულტურაშ გჷმოქიმინუაშე უდიდაში გოლინა იღვენუ ბიზანტიურ დო სლავურ კულტურეფქ.[2] კიევიშ რუსეთიშ დოდაღარაფაშ უკული, წჷმიქიმინჷ სათაროეფქ, თე პერიოდის ბჟაეიოლ აზიას ინძალირებუ მონღოლეთი, ნამუთ ახორციელენს ეჭოფუაფონ ლჷმეფს. მონღოლეფიშ მართუალაშ გიმე მუთმოხვადუ ედომუშამი რუსეთი.

XIII ოშწანურაშ დაჭყაფუშო, მოსკოვი ჭიჭე-ჭიჭეთ ინძალიერებუ დო თარი კულტურული ცენტრო გჷნირთჷ.[2] ახალო გჷნაჭყაფუ მოსკოვიშ დიდი სათარო ურკე მოგვიანაფათ ომაფეთ, უკული პეტრე I დიდიშ ბორჯის იმპერიათ იცხადებუ. რუსეთიშ იმპერიაშ ტერიტორიეფი ირიათო იძინანდჷ. რუსეთიშ აკოდგინალუაშა გემშართჷ ართ ბორჯის უჭყანიარაშ სახენწჷფო პოლონეთიქ, ბჟაეიოლშე იმპერიაშ ხურგეფი რჩქალ ოკიანეშახ ონჭუდჷ. ექსპანსია თაშნეშე იხორციელებუდჷ იმპერიაშ ობჟათეშე მოხურგე ტერიტორიეფსჷთ. რუსეთიშ იმპერიაშ აკოდგინალუაშა მიარე ერქ გემშართჷ, თე ტერიტორიეფს შხირას იმანჯუდჷ არყებეფი ზოხორინალაშ მოპალაფაშო. თინეფშე ეიოშინალი რე 1832 წანაშ პოლონეთიშ არყება. რუსეთი დორხველი გოვითარაფათ კინ პატონ-ჭკორალურ ქიანათ სქიდუდჷ, 1861 წანას იმპერატორ ალექსანდრე II-აშ დჷნადგინათ ყაზახეფი პატონ-ჭკოლარული უღუშე გადუდიშულუ. 1905 წანას დოჭყაფილი არყებაშ ინოშქვიდაფაშ ღანკით, იმპერატორ ნიკოლოზ II-ქ მიჭანუ მაართა დუმა, მარა არყებაქ მუჭოთ გეთუნ, მაფაქ თინა გაზნახუ. 1914 წანას დოჭყაფილ მაართა მოსოფელიშ ლჷმას რუსეთიქ აკათუ, ქიანას რსებული მონკა ვითარაფაშ გეშა 1914 წანას იხორციალეჷ სტოლიპინიშ აგრარულ რეფორმაქ.

სქოლიო[რედაქტირაფა | წყუშ რედაქტირაფა]

  1. Kievan Rus' and Mongol Periods. Sam Houston State University. კითხირიშ თარიღი: 2007-07-20.
  2. 2.0 2.1 Kievan Rus' and Mongol Periods, excerpted from Glenn E. Curtis (ed.), Russia: A Country Study, Department of the Army, 1998. ISBN 0-16-061212-8.