მულატი

ვიკიპედიაშე

მულატეფი — ევროპეიდულ დო ნეგროიდულ რასეფს შქას ესვარილი ფანიეფშე გიშნაველი კათა. მულატეფი ლათინურ ამერიკაშ დო კარიბიშ ღანჩოშ ქიანეფიშ მახორობაშ შანულამ ნორთის წჷმარინუანა (დომინიკარეფიშ რესპუბლიკა — 73%, კუბა — 51%, ბრაზილია — 38%), თაშნეშე აფრიკაშ კანკალე ქიანას (ოარ, ნამიბია). თე ზიტყვაქ მაართაშე ესპანურ დოკუმენტეფს XVI ოშწანურას გორჩქინდჷ დო მეხოლაფირო ესპანური ვარა პორტუგალიური წჷმოულობაშ რე. ზიტყვა mulato:-შ წჷმოულობაშ ჟირ ვერსია არსებენს, თინეფშე მაართაშ მეჯინათ, თე ზიტყვა წჷმარინუანს გინორთელ არაბულ ზიტყვას მუვალლად, ნამუთ იშანუაფუდჷ ვაწიმინდეზისხირამი არაბეფი; მაჟირა ვერსიაშ მეჯინათ, mulato მოურს ესპანურ ზიტყვაშე mulo — ჯორი, ნამუთ ვახვალე ვირიშ დო ცხენიშ გამნაჭყანეფი იშინუაფუდჷ, თაშნეშე არძონერი ჰიბრიდული გვარობა ხოლო.

მულატი ხუან დე პარეხა, ხანტუ დიეგო ველასკესი ( 1650).

რსებენს თიჯგურა ტერმინეფი, მუჭოთ რე კვარტერონი, ანუ ნამუსჷთ უღუ 1/4 ნეგროიდული ზისხირი, ოქტორონი — 1/8 ნეგროიდული ზისხირი. თეშ მოხ (ბირცხეფს — ნეგროიდულ ზისხირიშ წილი) — მიულატრი (1/2), მიუსტიფი (1/8), გრიფფი (3/4), მარაბუ (7/8), მუსტი (1/8) დო მუსტაფინო (1/16). ბოლო ჟირი — აკანურ იამაიკური ჯოხოდვალა რე. ასე თე ტერმინეფი გიშმურს გიმორინაფაშე ვარდა ვეგმირინაუფუნა.

ლიტერატურა[რედაქტირაფა | წყუშ რედაქტირაფა]

  • McNeil, Daniel (2010). Sex and Race in the Black Atlantic: Mulatto Devils and Multiracial Messiahs. Routledge. 
  • Sweet, Frank W. (2005). Legal History of the Color Line: The Rise and Triumph of the One-Drop Rule. Backintime Publishing. 
  • Tenzer, Lawrence Raymond (1997). The Forgotten Cause of the Civil War: A New Look at the Slavery Issue. Scholars' Pub. House. 
  • Talty, Stephan (2003). Mulatto America: At the Crossroads of Black and White Culture: A Social History. HarperCollins Publishers Inc.. 
  • Gatewood, Willard B. (1990). Aristocrats of Color: The Black Elite, 1880-1920. Indiana University Press. 

რესურსეფი ინტერნეტის[რედაქტირაფა | წყუშ რედაქტირაფა]


თაშნეშე ქოძირით[რედაქტირაფა | წყუშ რედაქტირაფა]

რასეფიშ ესვარუა ესპანურ დო პორტუგალიურ კოლონიეფს
დაფა: ქძ.  სხუნ.  რედ.
ნეგრეფი
——
ევროპალეფი
——
ევროპალეფი
——
ინდიარეფი
——
ნეგრეფი
მულატი კრეოლი მეტისი სამბო