მუხვიშობურეფი

ვიკიპედია-შე
Jump to navigation Jump to search
მუხვიშობურეფი
ევროპული მუხვი
მენცარული კლასიფიკაცია
ომაფე: ჩხოლარეფი
ტიპი: ქორდიანეფი
კლასი: ძუძუშმაწუალეფი
ფანია: მუხვიშობურეფი
ლათინური ჯოხო
Talpidae
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს


მუხვიშობურეფი (Talpidae) — ძუძუშმაწუალეფიშ ფანია ჭანდჭკომეფიშ რანწკიშე. გოფაჩილილი რე ევროპას, აზიას დო ოორუე ამერიკას. მუხვიშობურეფიშ ფანიას 4 გიმენფანია რე. ჩხოლარს გვაგვა, მოგჷრძე (20 სმ-შახ) რსხული უღუ. ჸუჯიშ ქერენჭი ვაუღუ. თოლეფი უგუვითარე ვარდა ფორილი რე დაცხით. წოხოლენი ბორკეფი კუნტა რე, ფიარიშობური, უკახალენ მალობათ ფართე ტიანეფი, ჭყანიერი გჷრძე ჭყვალეფით ითებუ. რსხული ფორილი რე შხირი, კუნტა დო ღვაღვა ბოწოწით, ნამუსჷთ ბუჟუჟო ვაუღუ. ფერო რჩქვანელობურო უჩა, რუმე ვარდა მოჭუბურიშფერე რე.

მუხვიშობურეფი ჯგირო რენა მერჩქვანელი დიხაშ რინას. ჯგირო აფჷნა გოვითარაფილი შურაფა დო მეკოწაწაფა. ჸოფილ სსრრ-იშ ტერიტორიას გოფაჩილი რე ევროპული ანუ რჩქვანელობური მუნჩქვი (Talpa europaea) დო შორიშიან ბჟაეიოლიშ მუხვი (Mogera robusta). რჩქვანელობური მუხვი საქორთუოს მიარე აბანს მუთმოფხვადჷნა. ხენა ტყალეფს, დოლოეფს, ორტვინეფს, ბაღეფს, გვალეფს. ოგვაჯეს იკეთენა აფუღუს, 30 სმ სიტომბეს. წანმოწანაშა ართშა იმიარებჷნა. მაკობა 40 დშახ იგჷნძორებუ. ხანს 1-9 უფონდიკე ერჩქის. მარგე ჩხოლარი რე, მუთმოჯილიგუნს მანე ჭანდეფს. მორჩილ გავალს მითმიორინუანს ბაღ-ორტვინობას დო ოცალუეფს, თიშ გეშა, ნამჷ-და დიხას თხორჷნა დო ჩანარიშ ჯინჯეფიშ სისტემას ნხცალჷნა.