ნიაგარა (წყარმალუ)
| ნიაგარა | |
|---|---|
წყარმალუ ნიაგარა, სატელიტიშ ფოტო, 2001 წანაშ ეკენია. წყარმალუ ნიაგარა გიშმურს ერიშ ტობაშე (ობჟათეშე, ფოტოშ თუდონი აბანი) დო ინმაკათუ ონტარიოშ ტობას (ოორუე). წყარმალუ მეურს გრანდ-აილენდიშ მუკი-მუკი, უკულ აფორმირენს ნიაგარაშ წყარგელაფუს დო უკულ იჭიფარებუ დო მიშმურს ნიაგარაშ ლეხერიშა. სურათის იძირე ჟირი ჰიდროელექტრო რეზერვუარი ხოლო, ლეხერიშე გიშულაშ უკულ, წყარმალუშ გოფართინაფაშახ. ფოტოს, შორიშ კვარჩხანშე იძირე უელენდიშ არხი ხოლო. | |
| დოხასიათაფა | |
| სიგჷრძა | 58 კმ |
| ღანჩოშ ფართობი | 684,000 კმ² |
| წყარიშ ნადუ | |
| ოდუდე | ერი |
| ინაკათუ | ონტარიო |
| ქიანეფი დო ნოღეფი | |
| ქიანეფი |  ააშ კანადა
|
| შტატი/პროვინცია | ნიუ-იორკი ონტარიო |
ნიაგარა (ინგლ. Niagara River; ფრანგ. rivière Niagara) რე წყარმალუ ნამუთ გიშმურს ერიშ ტობაშე დო ინმაკათუ ონტარიოშ ტობას. წყარმალუ აფორმირენს ამერიკა-კანადაშ სახენწჷფო ხურგის ააშ-იშ ნიუ-იორკიშ შტატიშ დო კანადაშ ონტარიოშ პროვინციაშ შქას. წყარმალუ ნიაგარაშ (ნამუსჷთ მინჩა საროტის ხოლო უძახუნა) სიგინძა რე 58 კმ. ღანჩოშ ფართობი 684,000 კვ.კმ. წყარმალუს იდვალუაფუ ნიაგარაშ წყარგელაფუ. ჟირი უდიდაში კოკი რე: გრანდ-აილენდი დო ნეივი-აილენდი. წყარმალუს რე შხვა ჭიჭე კოკეფი ხოლო. წყარმალუს რე ეგაფილი ჟირი ჰიდროკომპლექსი: სერ-ადამ-ბეკი, ნამუთ იდვალუაფჷ კანადაშ ტერიტორიას დო მაჟირა - რობერტ მოზესიშ ნიაგარაშ კაშხალი, ნამუთ იდვალუაფჷ ამერიკაშ ტერიტორიას. წყარმალუშ წყარპიჯის იდვალუაფჷ ნოღეფი: ბუფალო, ფორტ-ერი, გრანდ-აილენდი, ნიაგარა-ფოლსი, პორტერი, ქუინსტონი, ვიტფილდი დო შხვეფი.
რესურსეფი ინტერნეტის
[რედაქტირაფა | წყუშ რედაქტირაფა]
- Views of the Niagara River Niagara Falls Public Library (Ontario)
- Digital Images of the Islands of the Niagara River Niagara Falls Public Library (Ontario)
- Buffalo Niagara Riverkeeper
- Niagara Falls The Islands A History of the Niagara River Islands
- "Niagara River" from The Canadian Encyclopedia.