დინორეშა გინულა

ოგიუსტენ პირამის დეკანდოლი

ვიკიპედიაშე
ოგიუსტენ პირამის დეკანდოლი
ფრანგ. Augustin Pyramus de Candolle
დაბადებაშ თარიღი:

4 ფურთუთა, 1778

დაბადებაშ აბანი:

ჟენევა, ჟენევაშ კანტონი

ღურაშ თარიღი:

ეკენია 9, 1841 (63 წანერი)

ღურაშ აბანი:

ჟენევა, შვეიცარია

მენოღალობა:

შვეიცარიაშ შილა შვეიცარია

ომენცარე სფერო:

ბოტანიკა, აგრონომია, ფიტოგეოგრაფია

სამუშაშ აბანი :

მონპელიეშ უნივერსიტეტი
ჟენევაშ უნივერსიტეტი

ალმა-მატერი:

პარიზიშ უნივერსიტეტი

ჯოხოშინელი მოგურაფეეფი:

ჟან-ლუი ბერლანდიე

ჯილდოეფი დო პრემიეფი:

ომაფე მენდალი (1833)

ოგიუსტენ პირამის დეკანდოლი (ფრანგ. Augustin Pyramus de Candolle; დ. 4 ფურთუთა, 1778, ჟენევა, ჟენევაშ კანტონი — ღ. 9 ეკენია, 1841, ჟენევა, შვეიცარია) — შვეიცარიალი ბოტანიკოსი, ჩანარეფიშ ახალი კლასიფიკაციაშ სისტემაშ დუმარსხუაფალი. დეკანდოლიქ ბოტანიკაშა მიშეღჷ "ორთაშობური ლჷმა"-შ იდეა, ნამუქჷთ უკული დიდი გოლინა მახვამილუ ჩარლზ დარვინიშ ორთაშობური სელექციაშ პრინციპეფშო. ჩანარეფიშ ფურცელეფიშ რკვიებაშ ბორჯის, დეკანდოლიქ წჷმარინუ ჩანარეფიშ დინახალენი ბიოლოგიური საათიშ არსებობაშ იდეა, ნამ იდეაშ დუდშე მენცარეფს ვაჯერდეს, მარა უკულიან პერიოდეფს, შხვადოშხვა ექსპერიმენტეფიშ გიმორინაფათ დენტკიცჷნ დეკანდოლიშ იდეაქ.

ოგიუსტენ პირამის დეკანდოლი გურაფულენდჷ ჟენევაშ კოლეჯის, ჟან-პიერ ვოშეშ ხემანჯღვერობათ. 1798 წანას დეკანდოლიქ ოცხოვრებშა პარიზიშა გეგნორთჷ. პარიზის დეკანდოლიქ გეჩინებაფუ გიშარჩქინელი ბიოლოგეფი ჟორჟ კიუვიე დო ჟან ბატისტ ლამარკი. 1804 წანას დეკანდოლიქ მიპალუ მედიცინაშ დოქტორიშ ხარისხი პარიზიშ უნივერსიტეტიშ მედიცინაშ ფაკულტეტიშე. 1807 წანას დეკანდოლიქ მუშობა ქიდიჭყჷ მონპელიეშ უნივერსიტეტის, ბოტანიკაშ პროფესორო. ჸათაქ იმუშუ 1816 წანაშა. 1816 წანას დეკანდოლიქ კინ ჟენევაშა დირთჷ დო თექ ცხოვრენდჷ დო მუშენდჷ ღურაშახ. დეკანდოლი რდჷ შხვადოშხვა მენცარული პუბლიკაციეფიშ დო წინგეფიშ ავტორი. 1827 წანაშე დეკანდოლი რდჷ ნიდერლანდეფიშ ომაფე ინსტიტუტიშ ასოცირებული მაკათური. 1833 წანას ლონდონიშ ომაფე ჯარალუაქ დეკანდოლის, მენცარული რკვიებეფიშ გეშა გინოჩჷ პრესტიჟული ჯილდო ომაფე მენდალი. 1841 წანას დეკანდოლიქ გინირთჷ ამერიკაშ ფილოსოფიური ჯარალუაშ მაკათურო. ღურუ 1841 წანაშ 9 ეკენიას, ჟენევას.

გიშნაგორა პუბლიკაციეფი[რედაქტირაფა | წყუშ რედაქტირაფა]

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]