ონეგიშ ტობა
ონეგიშ ტობა (რუს. Оне́жское о́зеро, ფინ. Ääninen, Äänisjärvi; ვეპს. Änine, Änižjärv) — ტობა რუსეთიშ ოორუე-ბჟადალს, კარელიაშ რესპუბლიკაშ, ლენინგრადიშ ოლქიშ დო ვოლოგდაშ ოლქიშ ტერიტორიეფს. ტობა ორხველჷ ბალტიაშ ზუღაშ აუზის დო თინა სიდიდათ რე მაჟირა ტობა ევროპას, ლადოგიშ ტობაშ უკული. ონეგიშ ტობაშ ფართობი 9,700 კვ.კმ. რე დო ფართობით დოხოლაფირო ლიბანიშ სახენწჷფოშ მადიდა რე. ონეგიშ ტობაშ მაქსიმალური სიგირძა რე 245 კმ. დო მაქსიმალური სიგანა 91.6 კმ. ტობაშ ოშქაშე სიტომბა 30 მ. რე დო მაქსიმალური სიტომბა 127 მ. ტობა იდვალუაფჷ ზუღაშ დონეშე 33 მეტრაშ სიმაღალას. ტობას ინმაკათუ დოხოლაფირო 50 წყარმალუ დო გიშმურს წყარმალუ სვირი. ონეგიშ ტობას 1650 კოკი რე. კიჟიშ კოკის იდვალუაფჷ 89 ეკლესია-მონასტერიშ კომპლექსი. კომპლექსი იკათუანს იუნესკოშ მოსოფელიშ მონძალაშ ობიექტეფს (კიჟი პოგოსტი). ონეგიშ ტობაშ წყარპიჯის იდვალუაფჷ ნოღეფი: კონდოპოგა, მედვეჟიეგორსკი, პეტროზავოდსკი, პინდუში დო პოვენეცი. ონეგიშ ტობას გიშმურს ჩე ზუღა-ბალტიაშ არხი, ნამუთ ართიანს მითმიორსხუანს ონეგიშ ტობას დო ჩე ზუღას.