ოორუე გვერდოსფერო

ვიკიპედიაშე
ოორუე გვერდოსფერო გიშართილი რე მოჸვინთალო ფერით.
ოორუე გვერდოსფერო. მოჩქუ ოორუე პოლუსშე.

ოორუე გვერდოსფერო (ინგლისურნინამ ლიტერატურას: ოორუე ჰემისფერო) — დიხაუჩაშ ნორთი, ნამუთ ეკვატორიშ ოორუეშე იფაჩუ. თიშ აკოდგინალუას რე სქირონაშ დიდ ნორთი; თეშ მოხ, ოორუე გვერდოსფეროს ოხორანს მოსოფელიშ მახორობაშ 90%. არქტიკა მუჭოთ ფართე რეგიონი ოორუე პოლარული წირეშ ოორუეშე რე. ზოთონჯის კლიმატი რგილი რე, ზარხული ჩხურუ უჩქჷ. ატმოსფერული ნოლექეფი უმენტაშო თირიშ სახეთ რე წჷმორინაფილი. ოორუე პოლარულ წირეშ დო ოორუე ტროპიკიშ შქას იფაჩუ ოორუეშ ზომიერი ზონა. თე კუნთხუეფს ზარხულსზოთონჯს კლიმატური თირაფეფი ზომიერი რე. მარა ზომიერ ორტყაფუეფშო დჷმახასიათაფალი რე უმოსო ვაპროგნოზირებაფონი ტაროსი რე.

ტროპიკულ რეგიონეფს, მუჭოთ წესინ, ედომუშამ წანმოწანაშ გოძვენას სინჩხე რე, ზარხულიშ თუთეფს შხირი რეა ჭვემა, ზოთონჯი სისქირეთ გიშეგორუაფუ. კორიოლისიშ ნძალაშ გეშა ოორუე გვერდოსფეროს დაბალი წნევაშ ზონეფი დო წალიკონეფი დახე ირ თუთას ყარენს კვარჩხან კუნთხუს, თ.გ. სათიშ კოპულიშ სააწმარენჯოთ. ოორუე გვერდოსფეროშ ცენტრის იდვალუფუ ოორუე პოლუსი, ნამუთ დიხაუჩაშ რთაფაშ წჷმოძირაფონი ლირე კვათჷნს დიხაუჩაშ ჟინპიჯის.

ოორუე გვერდოსფეროს ინორე ედომუშამო ოორუე დო ცენტრალური ამერიკა დო ევროპა, ობჟათე ამერიკაშ ოორუე ნორთი, აფრიკაშ დო აზიაშ დიდ ნორთი.

თაშნეშე ქოძირით[რედაქტირაფა | წყუშ რედაქტირაფა]