ოტო ფრიც მაიერჰოფი

ოტო ფრიც მაიერჰოფი
	ოტო ფრიც მაიერჰოფი
	გერმ. Otto Fritz Meyerhof
დაბადებაშ თარიღი:	12 პირელი, 1884
დაბადებაშ აბანი:	ჰანოვერი, პრუსიაშ ომაფე, გერმანიაშ იმპერია
ღურაშ თარიღი:	გჷმათუთა 6, 1951 (67 წანერი)
ღურაშ აბანი:	ფილადელფია, პენსილვანია, ააშ
მენოღალობა:	გერმანია; ააშ
ომენცარე სფერო:	ბიოქიმია
სამუშაშ აბანი :	კილიშ უნივერსიტეტი
ალმა-მატერი:	სტრასბურგიშ უნივერსიტეტი; ჰაიდელბერგიშ უნივერსიტეტი; ბერლინიშ უნივერსიტეტი
ჯილდოეფი დო პრემიეფი:	ნობელიშ პრემია ფიზიოლოგიაშ დო მედიცინაშ დარგის (1922); ლონდონიშ ომაფე ჯარალუაშ მაკათური

ოტო ფრიც მაიერჰოფი (გერმ. Otto Fritz Meyerhof; დ. 12 პირელი, 1884, ჰანოვერი, პრუსიაშ ომაფე, გერმანიაშ იმპერია — ღ. 6 გჷმათუთა, 1951, ფილადელფია, პენსილვანია, ააშ) — გერმანალი მედიკოსი დო ბიოქიმიკოსი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1922 წანას.

ბიოგრაფია

ოტო ფრიც მაიერჰოფიქ დებადჷ ჰანოვერს, 1884 წანაშ 12 პირელს, გერმანალი ურიეფიშ ფანიას. მაიერჰოფი გურაფულენდჷ სტრასბურგიშ, ჰაიდელბერგიშ დო ბერლინიშ უნივერსიტეტეფს. გურაფაშ თებაშ უკული მუშენდჷ კილიშ უნივერსიტეტის. 1918 წანაშე რდჷ კილიშ უნივერსიტეტიშ პროფესორი. 1922 წანას მიპალუ ნობელიშ პრემია კუნთეფიშ მეტაბოლიზმიშ, გიშაკერზაფილო გლიკოლიზიშ მენცარული რკვიებაშ გეშა. მაიერჰოფიქ პრემია მიპალუ ბრიტანალი ფიზიოლოგი არჩიბალდ ჰილიწკჷმა ართო. 1929-1938 წანეფს მაიერჰოფი რდჷ ომედიცინე რკვიებეფიშ კაიზერ ვილჰელმიშ ინსტიტუტიშ დირექტორი. გერმანიაშ თარობაშა ნაცისტეფიშ მულაშ უკულ, მაიერჰოფიქ ოცხოვრებშა დო ომუშებუშა ამერიკაშა მიდართჷ დო მუშობა ქიდიჭყჷ პენსილვანიაშ უნივერსიტეტიშ პროფესორო. ოტო ფრიც მაიერჰოფიქ ღურუ ფილადელფიას, 1951 წანას, 67 წანერქ.

რესურსეფი ინტერნეტის