პატრიკ ბლეკეტი

პატრიკ ბლეკეტი
	პატრიკ ბლეკეტი
	ინგლ. Patrick Blackett
დაბადებაშ თარიღი:	18 გერგობათუთა, 1897
დაბადებაშ აბანი:	ლონდონი, ინგლისი
ღურაშ თარიღი:	კვირკვე 13, 1974 (76 წანერი)
ღურაშ აბანი:	ლონდონი, ინგლისი
მენოღალობა:	გოართოიანაფილი ომაფე
ომენცარე სფერო:	ფიზიკა
სამუშაშ აბანი :	ომაფე კოლეჯი; ბირკბეკი, ლონდონიშ უნივერსიტეტი; მანჩესტერიშ უნივერსიტეტი; ლონდონიშ იმპერიული კოლეჯი
ალმა-მატერი:	კემბრიჯიშ უნივერსიტეტი
ომენცარე ხემანჯღვერი:	ერნესტ რეზერფორდი
ჯოხოშინელი მოგურაფეეფი:	რობერტ ოპენჰაიმერი; რობერტო სალმერონი
ჯილდოეფი დო პრემიეფი:	ომაფე მენდალი (1940); ნობელიშ პრემია ფიზიკაშ დარგის (1948); დალტონიშ მენდალი (1948); კოპლიშ მენდალი (1956); ომაფე ჯარალუაშ მაკათური (1933); მენცარობეფიშ ერუანული აკადემიაშ მაკათური (1966)

პატრიკ მეინარდ სტიუარტ ბლეკეტი, ბარონი ბლეკეტი (ინგლ. Patrick Maynard Stuart Blackett, Baron Blackett; დ. 18 გერგობათუთა, 1897, ლონდონი, ინგლისი — ღ. 13 კვირკვე, 1974, ლონდონი, ინგლისი) — ინგლისარი ფიზიკოსი. თიში რკვიებეფი უმოსო ორხველუდჷ კონდენსაციურ კამერეფს, კოსმოსური ჩხორიეფს, პალეომაგნეტიზმის. ჸათე რკვიებეფიშ გეშათ მიპალუ ნობელიშ პრემია ფიზიკაშ დარგის 1948 წანას. პატრიკ ბლეკეტი რდჷ მაართა მენცარი ნამუქჷთ დანტკიცჷ ნამდა რადიოაქტივობას შეულებჷ გჷმოჭანაფა ქიმიური ელემენტეფიშ ბირთვული ტრანსმუტაციაშ. მაჟირა მოსოფელიშ ლჷმაშ ბორჯის, ბლეკეტიქ მიშეღჷ დიდი თია ოურდუმე სტრატეგიაშ დო ოპერაციული რკვიებეფიშ გოვითარაფაშა.

დებადჷ ლონდონს. გურაფულენდჷ ბრიტანეთიშ ოზუღე ნძალეფიშ კოლეჯის. მონაწილენდჷ მაართა მოსოფელიშ ლჷმას. უღუდჷ ლეიტენანტიშ ჩინი. 1919 წანას ბლეკეტიქ ოურდუმე კარიერა ქიმიოტუ დო გურაფა გაგინძორჷ კემბრიჯიშ უნივერსიტეტის. გურაფაშ თებაშ უკული მუშენდჷ კავენდიშიშ ლაბორატორიას, ექსპერიმენტულ ფიზიკოსო. ბლეკეტი 1924-1925 წანეფს მუშენდჷ გეტინგენიშ უნივერსიტეტის. 1933-1937 წანეფს რდჷ ბირკბეკიშ ფიზიკაშ პროფესორი. 1937 წანას ბლეკეტიქ გინილჷ მანჩესტერიშ უნივერსიტეტიშა, სოდეთ დარსხუ რკვიებეფიშ საირქიანო ლაბორატორია. 1953 წანას ბლეკეტიქ გიშაგორილქ იჸუ ლონდონიშ იმპერიული კოლეჯიშ ფიზიკაშ დეპარტამენტიშ მადუდეთ. პატრიკ ბლეკეტი 1965-1970 წანეფს რდჷ ლონდონიშ ომაფე ჯარალუაშ პრეზიდენტი.

რესურსეფი ინტერნეტის