რობერტ ოპენჰაიმერი

ვიკიპედია-შე
ნავიგაციაზე გადასვლა ძიებაზე გადასვლა
რობერტ ოპენჰაიმერი
ინგლ. J. Robert Oppenheimer
JROppenheimer-LosAlamos.jpg
დაბადებაშ თარიღი:

22 პირელი, 1904

დაბადებაშ აბანი:

ნიუ-იორკი, ააშ

ღურაშ თარიღი:

ფურთუთა 18, 1967 (62 წანერი)

ღურაშ აბანი:

პრინსტონი, ნიუ-ჯერსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

თეორიული ფიზიკა

სამუშაშ აბანი :

კალიფორნიაშ უნივერსიტეტი (ბერკლი)
კალიფორნიაშ ტექნოლოგიაშ ინსტიტუტი
მანჰეტენიშ პროექტი

ალმა-მატერი:

ჰარვარდიშ უნივერსიტეტი
კემბრიჯიშ უნივერსიტეტი
გეტინგენიშ უნივერსიტეტი

ომენცარე ხემანჯღვერი:

მაქს ბორნი

ჯოხოშინელი მოგურაფეეფი:

დევიდ ბომი
რობერტ კრისტი
სიდნი დანკოვი
უილის იუჯინ ლემბი
ფილიპ მორისონი
ჰაროლდ ლუისი
მელბა ფილიპსი
ჰარტლანდ სნაიდერი
ჯორჯ მაიკლ ვოლკოვი

ჯილდოეფი დო პრემიეფი:

რიხტმაიერიშ მემორიალური პრემია (1947)
ენრიკო ფერმიშ პრემია (1963)

ხეშმოჭარუა:

J Robert Oppenheimer signature.svg

ჯულიუს რობერტ ოპენჰაიმერი (ინგლ. Julius Robert Oppenheimer; დ. 22 პირელი, 1904, ნიუ-იორკი, ააშ — ღ. 18 ფურთუთა, 1967, პრინსტონი, ნიუ-ჯერსი, ააშ) — ამერიკალი ფიზიკოსი-თეორიტიკოსი, შინელი რე მუჭოთ ატომური ანჯარიშ მუმა. მაჟირა მოსოფელიშ ლჷმაშ ბორჯის ოპენჰაიმერი რდჷ ლოს-ალამოსიშ ლაბორატორიაშ დირექტორი დო მანჰეტენიშ პროექტიშ ართ-ართი თარი მაკათური. გურაფულენდჷ ჰარვარდიშ უნივერსიტეტიშ კოლეჯის. უკულ გურაფა გაგინძორჷ კემბრიჯიშ უნივერსიტეტის. 1926 წანას კემბრიჯი ქიდიტუ დო ოგურაფშა გეტინგენიშ უნივერსიტეტიშა გეგნორთჷ, სოდეთ გურაფულენდჷ შინელი გერმანალი ფიზიკოსიშ მაქს ბორნიშ ხემანჯღვერობათ. გეტინგენიშ უნივერსიტეტის ოპენჰაიმერქ გეჩინებაფუ გიშარჩქინელი ფიზიკოსეფი: უერნერ ჰეიზენბერგი, პასკუალ იორდანი, ვოლფგანგ პაული, პოლ დირაკი, ენრიკო ფერმი დო ედვარდ ტელერი. 1927 წანას ოპენჰაიმერქ თხილუ ოდოქტორე დისერტაცია გეტინგენიშ უნივერსიტეტის. გურაფაშ თებაშ უკულ ამერიკაშა დირთჷ დო მუშენდჷ დიო კალიფორნიაშ ტექნოლოგიაშ ინსტიტუტის დო უკულ ჰარვარდიშ უნივერსიტეტის. კალიფორნიაშ ტექნოლოგიაშ ინსტიტუტის მუშობაშ ბორჯის გეჩინებაფუ ლაინუს პოლინგი. ართ პერიოდის ოპენჰაიმერქ იმუშუ ციურიხიშ ფედერალური ტექნოლოგიეფიშ ინსტიტუტის ხოლო, სოდეთ ვოლფგანგ პაულიწკჷმა მუშენდჷ. ოპენჰაიმერი რდჷ კალიფორნიაშ უნივერსიტეტიშ (ბერკლი) ასოცირებული პროფესორი დო უკულ პროფესორი. ოპენჰაიმერიშ ომენცარე ინტერესეფიშ სფერო რდჷ: თეორიული ასტრონომია, ბირთვული ფიზიკა, სპექტროსკოპია, კვანტური თეორია, კვანტური ელექტროდინამიკა დო შხვა. რობერტ ოპენჰაიმერი 1942 წანაშე რდჷ მანჰეტენიშ პროექტიშ მაკათური. ოპენჰაიმერი მონაწილენდჷ ატომური ანჯარიშ ტესტირაფაშ პროცესის 1945 წანაშ 16 კვირკვეს, ნიუ-მექსიკოს. მანჰეტენიშ პროექტიშ უკულ ოპენჰაიმერი მუშენდჷ მენცარული რკვიებეფიშ ცენტრის დო რდჷ თიში დირექტორი.

ლიტერატურა[რედაქტირაფა | წყუშ რედაქტირაფა]

  • Kelly, Cynthia C. (2006). Oppenheimer and the Manhattan Project: Insights into J. Robert Oppenheimer, "Father of the Atomic Bomb". Hackensack, New Jersey: World Scientific.

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.