პლეისტოცენი

ვიკიპედიაშე
სისტემა გჷნნართი იარუსი ხანი, მლნ წანაშ კინოხ
ნაანთხალი ჰოლოცენი 0—0,0117
პლეისტოცენი გვიანი 0,0117—0,126
შქა 0,126—0,781
კალაბრიული 0,781—1,806
გელაზური 1,806—2,588
ნეოგენი პლიოცენი პიაჩენცური უმოსი

პლეისტოცენი (სიმბოლო PS[1]; ინგლ. Pleistocene ჯვ. ბერძენ. πλεῖστος – მიარემუდანობამი დო καινός – ახალი, ალმახანური) — დიხაუჩაშ ისტორიაშ ნაანთხალი პერიოდიშ შქა ეპოქა, ნამუქჷთ დიჭყჷ 2,588 მლნ. წანაშ უწმოხ დო ითუ 11,7 ვთშ. წანაშ უწმოხ. თე ეპოქას თირანს ჰოლოცენი და წიმი უწორუანს პლიოცენი. 1839 წანას ტერმინი „პლეისტოცენი“ მენცარობაშა მიშეღჷ ინგლისარ გეოლოგიქ ჩარლზ ლაიელქ, ნამუქჷთ კოკი სიცილიას რკუეფიშ შედეგას გჷმალინ ფენა, სოდეთ იჩუალუდჷ მოლუსკეფიშ ფაუნაშ დოხოლაფირო 70%. თექ გონშხვავუ ეშინელი ფენეფი პლიოცენური ეპოქაშე, ნამუსჷთ ლაიელი თეიშახ მიორხველანდჷ არძოშე ახალნორდი ნანთხორა ფენეფს. მოგვიანაფათ, ლაიელქ პლეისტოცენი გეგშართჷ ზოხორინელ ეპოქათ, ნამუსჷთ პოსტპლიოცენური გიოდჷ. დიო ხოლო XX ოშწანურას ტერმინი პლეისტოცენი შხირ შვანს წჷმარინუანდჷ ნაანთხალი პერიოდიშ ვარდა ანთროპოგენიშ სინონიმს. პლეისტოცენი რე ნაანთხალი პერიოდიშ მაართა ეპოქა ვარდა კაინოზოური ბუნაშ მა-6 ეპოქა. პლეისტოცენი არსებულო ჸინუამი ეპოქა რე. არქეოლოგიური თოლონჭაფუთ, დოხოლაფირო უხვადუ ჯვეში ქუაშ ხანას, თაშ გედვალირი პალეოლითის.

ჯიშთური ოფორუეშ მაქსიმალური დონე ოორუე პოლუსიშ ოფირჩას

საქორთუოს კორელაციაშ სქემა ირთუ სუმ სტადიათ: ჟილენი პლეისტოცენი, შქა პლეისტოცენი, გიმენი პლეისტოცენი. ოერეფოშქაშე სტანდარტული კლასიფიკაციიაშ მეჯინათ, პლეისტოცენი ირთუ ოთხ სტადიათ: ჟილენი პლეისტოცენი, შქა პლეისტოცენი, გიმენი პლეისტოცენი, ჯელასიანი, ნამუთ გიშერკუ ობჟათე ევროპას. თეშ მოხ, ოერეფოშქაშე კლასიფიკაციას შხირ შვანს უღჷ შხვა რეგიონული გიმენნორთეფი.

მამონტიშ რეკონსტრუქცია ედომუშამი ზჷმათ

პლეისტოცენს დიხაუჩა გოჸინუაშ ფაზაშა უკვე მიშულირი რდჷ. დუმახასიათაფალი რე ჸინუამი პერიოდიშ გეჸვენჯობათ ელაზჷმაფილო ტიბუ გოჸინუაფონიშით თირაფა. პლეისტოცენი აკმოდირთუ გოჸინჩუაშ ოთხი პერიოდიშე, ნამუშეთ მაართა დო კლასიკური რე გიუნცური გოჸინუა (1,2-1,0 მლნ. წანაშ კინოხ). გიუნცური არგილაფაქ ითუ გიუნც-მინდელური დოტიბაფათ (1,0-0,76 მლნ. წანაშ კინოხ), ნამ ბორჯისჷთ სქირონაშქა, უჩა დო ბერინგიშ ზუღეფს იძირებედჷ ტრანსგრესიეფი.

უკული ქჷდოდირთჷ მინდელური გოჸინუაქ (დოხოლ. 790-580 მლნ. წანაშ კინოხ), ნამუსჷთ გოჸინუაშ უმოსი რთული ხასიათი უღუდჷ. თის მაჸუნ რისული გოჸინუაქ, ნამუქჷთ ვიურმული გოჸინუათ ითუ.

ალმახანური გეოლოგიაშ დო პალეოგეგრაფიაშ გჷშაჩინებელი რე უნიფიცირაფილი ქრონოსტრატიგრაფიული სკალეფიშ თება დო პლეისტოცენური ნოლექეფიშ გლობალური კორელაცია; თაშნეშე პალეოგეოგრაფიული რეკონსტრუქციეფიშ აკოქიმინუა.

რესურსეფი ინტერნეტის[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

  • Гляциологический словарь. - Л.: Гидрометеоиздат, 1984.

სქოლიო[რედაქტირაფა | წყუშ რედაქტირაფა]

  1. Geologic Age Symbol Font (StratagemAge). USGS. კითხირიშ თარიღი: 2011-06-22.