პოლ პოგბა

ვიკიპედია-შე
Jump to navigation Jump to search

პოლ ლაბილ პოგბა (დ. 15 მელახი, 1993) — გვინეური გორჩქინაშ ფრანგი მობურთე, ინგლისიშ პრემიერლიგაშ კლუბ „მანჩესტერ იუნაიტედიშ“ ოშქაშემათხილე. ლაჸაფი შეულებუ მუჭოთ ობიჯალე ოშქაშემათხილეშ, ხოლო — მიმანტებელი ოშქაშემათხილე პოზიციეფს.[1]

პოგბაქ იჸუ არძაშე ძვიროღირებულ მობურთექ მოსოფელს. 2016 წანას „იუვენტუსიქ“ ორეკორდე 105 მილიონი ევროშ მანგიორშა გიმოჩჷ პოგბა, ჸოფილ კლუბის - „მანჩესტერ იუნაიტედის“.

კუჩხბურთიშ ლაჸაფიი დიჭყჷ პარიზის, ოკუჩხბურთე კლუბ „როისი-ენ-ბრის“ დო „ტორსის“. უკული გინორთჷ პროფესიონალურ კლუბ „ლე ავრის“ 2007 წანას. ჟირი წანაშ უკული გინორთჷ ინგლისიშ პრემიერ ლიგაშ კლუბ „მანჩესტერ იუნაიტედიშა“, სოდეთ რდჷ სუმი სეზონი. მანჩესტერული კლუბიშ ჯინჯიერი მიშადგინალას ოკათუდჷ შქვითი მატჩის. 2012 წანაშ კვირკვეს დიტუ „მანჩესტერ იუნაიტედი“ დო გინორთჷ სერია A-შ კლუბ „იუვენტუსიშა“.

ოლუბე კარიერა[რედაქტირაფა | წყუშ რედაქტირაფა]

მანჩესტერ იუნაიტედი[რედაქტირაფა | წყუშ რედაქტირაფა]

პოგბაშ დებიუტიქ „მანჩესტერ იუნაიტედის“ 2012 წანაში 31 ღურთუთას იჸუ პრემიერ ლიგაშ მატჩის „სტოკ სიტიწკჷმა“, სოდეთ 72 წუნს ხავიერ ერნანდესი თირუ. ევროპული დებიუტი 2012 წანაშ 15 მელახის ევროპაშ ლიგაშ გოლაჸაფინს ბილბაოშ „ატლეტიკწკჷმა“ აკოხვალამას აჸუ, სოდეთ თიში ბუნაქ ანგარიშით 2-1 დემარცხჷ, ჟირი მატჩიშ მინაძინას 5-3 დო გისალჷ ევროპაშ ლიგაშ ნირზის.

იუვენტუსი[რედაქტირაფა | წყუშ რედაქტირაფა]

2012 წანაშ 3 კვირკვეს სერ ალექს ფერგიუსონქ დადასურჷ, ნამდა „მანჩესტერ იუნაიტედი“ ვაგუხანგირძელენდჷ პოგბას კონტრაქტის დო დიტენდჷ კლუბის. თი წანაში 27 კვირკვეს ტურინიშ იუვენტუსიქ გაცხადჷ, ნამდა პოლიქ ომედიცინე გამორსება მიკილჷ დო ჩერიცხჷ ტურინულ კლუბის. ოფიციალურო, 3 მარაშინათუთას, კონტრაქტიქ 4 წანათ გეფორმჷ. პოგბაშ დებიუტიქ „იუვენტუსის“, 1 მარაშინათუთას, „ბენფიკაშ“ აწმარენჯო იჸუ, თიქ 78 წუნს ანდრეა პირლო თირუ. პოლქ იუვენტუსიშ ოსარეთ მაართათ გოლი ნაპოლიშ აწმარენჯო 2012 წანაში 20 გიმათუთას მითიღჷ. პოგბა ტურინელ გურმოჭვეეფს ახალ გეძინელსახელი უღუდჷ — „ბრუოკუჩხა“ - (იტალ. il polpo).

მანჩესტერ იუნაიტედი[რედაქტირაფა | წყუშ რედაქტირაფა]

2016 წანაში 8 მარაშინათუთას, პოლ პოგბაქ ოფიციალურო დირთჷ მუში ჸოფილ კლუბის დო იყუ არძაშე ძვიროღირებული მობურთელქ მოსოფელს. იუვენტუსის ვაულამუდჷ დო ვაკოდჷ პოლიშ გჷმოჩამა, თიშენ ნამდა თინა ართ-ართ ნასკვი ფიგურო მიოჩქუდესჷ კლუბის იუვენტუსიქ დათმჷ ორეკორდე 105 მილიონი ევროშ მანგიორო, მუ ფარასჷთ 5 მილიონი ევრო მიაძინუ თიში ჯგირი ლაჸაფიშ მოხვალამას.

ონარკებრ კარიერა[რედაქტირაფა | წყუშ რედაქტირაფა]

საფრანგეთიშ ერუანულ ნაკორობას პოგბაშ დებიუტიქ 2013 წანაშ 22 მელახის იჸუ, საქორთუოშ აწმარენჯო, სოდეთი თიქი მატჩი ჯინჯიერო აკოდგინალუას დიჭყჷ დო უთირუო ილაჸაფჷ, თიში ნაკორობაქ 3-1 გიმორძგჷ.


მეჭირინაფეფი[რედაქტირაფა | წყუშ რედაქტირაფა]

ოკლუბე

იუვენტუსი


რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Paul Pogba“, transfermarkt. (ინგლისური) 
პოლ პოგბა
Zarya-MU (8).jpg
1.86
ოლაჸაფე
პოზიცია
ოშქაშემათხილე
ნომერი6