მანჩესტერ იუნაიტედი (ოკუჩხბურთე კლუბი)

ვიკიპედიაშე
მანჩესტერ იუნაიტედი
Manchester United
ედომუშამი ჯოხო Manchester United Football Club
კუნტა ჯოხო The Red Devils (ჭითა ეშმაკეფი)
დირსხუ 1878, Newton Heath LYR F.C.-ის სახელით
სტადიონი ოლდ ტრაფორდი (მანჩესტერი, ინგლისი)

(ნტირა: 74 879 მაჯინე)
პრეზიდენტი ამერიკაშ აკოართაფილი შტატეფიშ შილა ჯოელ გლეიზერი
ამერიკაშ აკოართაფილი შტატეფიშ შილა აბრაამ გლეიზერი
კაპიტანი ანტონიო ვალენსი
ლიგა პრემიერ ლიგა
2022-2023 მა-3 აბანი
ჯინჯიერი ფორმა
რეზერვიშ ფორმა
მასუმა ფორმა
უეინ რუნი

მანჩესტერ იუნაიტედი (ინგლ. Manchester United) – ოკუჩხბურთე კლუბი, ნამუთ ლაჸაფენს ოლდ ტრაფორდიშ სტადიონს. კლუბიქ დირსხუ 1878 წანას ნოღა მანჩესტერიშ საგანოს — ოლდ ტრაფორდის, (ოგრაფე დიდი მანჩესტერი) მუჭოთ, „ნიუტონ ჰიტი“. 1902 წანას კლუბის გიოდვეს „მანჩესტერ იუნაიტედი“ დო ოლაჸაფშა გინორთჷ სტადიონ ოლდ ტრაფორდიშა.

„იუნაიტედი“ ინგლისიშ დო ევროპაშ მასშტაბით ართ-ართი არძაშე ტიტულამი კლუბი რე. ჸოფილ მაწვრთალქ სერ ალექს ფერგიუსონქ, ნამუქჷთ „იუნაიტედშა“ 1986 წანაშ გერგობათუთას მორთჷნ, ბუნას მაგებაფუ 24 დიდი ტიტული.[1][2] პრემერლიგაშ დორსხუაფაშ 1992 უკული „მანჩესტერქ“ რეკორდული მუდანობაშ, 12 ჩემპიონიშ ტიტული მიპალუ. გვალო ინგლისიშ ჩემპიონქ კლუბიქ 19-შა იჸუ. „მანჩესტერ იუნაიტედის“ ხოლო 11-შა აფუ მოგებული ოკუჩხბურთე ასოციაციაშ თასი, მუთ რეკორდული მაძირაფალი რდჷ 2015 წანაშახ, უკული ლონდონიშ „არსენალქ“ ტიტული 12-შა მიგჷ.[3]

1968 წანას „მანჩესტერ იუნაიტედიქ“, მეტ ბასბიშ ხემანჯღვერობათ იჸუ მაართა ინგლისურ კლუბიქ, ნამუქჷთ მაართათ ევროპაშ ჩემპიონეფიშ თასი მიპალუ, დამარცხჷ ფინალს ლისაბონიშ „ბენფიკა“, ანგარიშით 4-1. მაჟირაშა კლუბიქ ანალოგიურ წჷმოძინას მიოჭირინუ 1999 წანას, მასუმაშა 2007-2008 წანაშ სეზონს.

1958 წანაშ 6 ფურთუთას, ,იუნხენს ბუნაშ ფურინჯიქ მაჸუნუ ავიაკატასტროფას, დოღურჷ 8 მაკუჩხბურთექ დო კლუბიშ პერსონალიშ დიდი ნორთიქ.

„იუნაიტედი“ მოსოფელიშ უმდინდარაში დო არძაშე პოპულარული კლუბი რე.[4][5][6] 2012 წანაშ კვირკვეს ფორბსიშე გჷმობჟინაფილი მუნაჩამეფით „იუნაიტედი” $2.23 მილიარდო რე აკოფასებული დო მოსოფელს არძაშე ძვირასღირებულ სპორტულ კლუბო იკოროცხუ.[7] 1964–65 წანეფიშ სეზონიშ უკული (2 სეზონიშ მეტი) ინგლისიშ მასშტაბით კლუბიშ მატჩეფს ოშქაშე დოჭიშაფა რდჷ არძაშეე მაღალი დო ოკლუბე მატჩეფს შქას ამდღა ხოლო მაართა რე.

„მანჩესტერ იუნაიტედი“ ხოლო რე მოსოფელიშ არძაშე უდიდარაში კლუბი დო G14–იშ დჷმარსხუაფალი.

ბუნაშ თარი მაწვრთალიშ პოზიცია 2014 წანაშ მოსოფელიშ ჩემპიონატიშ უკული დეკინჷ ლუის ვან გაალქ.

ისტორია[რედაქტირაფა | წყუშ რედაქტირაფა]

ორდული წანაფი[რედაქტირაფა | წყუშ რედაქტირაფა]

„ნიუტონ ჰითი“ 1892 წანას
„მანჩესტერიშ“ პოზიცია ინგლისიშ ჩემპიონატის 1892-93-შე 2014-15 წანეფშახ

კლუბიქ დირსხუ 1878 წანას, მუჭოთ Newton Heath L&YR F.C. მუთ შანენს: „ლანკაშირიშ დო იორკშირიშ რკინაშარაშ ოკუჩხბურთე კლუბი“[8][9].[10] თინა ქიმინეს შინელი რკინაშარაშ ღოზის მომუშებუ მუშეფქ ნიუტონ ჰიტიშ დეპოს. ბუნაშ ფორმა რდჷ წვანე ოსარეეფი დო ორქოშფერი ხეფურჩეფი. თინეფი დუდშე ლაჸაფენდეს ვართ თეფერი მონწყილი მინდორს, ნამუთ ნორთ როუდის (North Road) იდვალუაფუდ. ათე მოედანს ბუნა 15 წანაშ გოძვენას ლაჸაფენდჷ, უკული ბენკ სტრიტიშა გინორთჷ კლეიტონწკჷმა ხოლოს 1893 წანას.

1892 წანას ბუნაქ გინირთჷ ოკუჩხბურთე ლიგაშ მაკათურო დო ჭიე-ჭიეთ დეთხიუ რკინაშარას, გინირთჷ დუდიშულ კომპანიათ, დარინუ კლუბიშ მელამოსე, ჯოხოშე დეთხინუ L&YR დო უბრალეთ ოკუჩხბურთე კლუბი „ნიუტონ ჰიტიქ“ იჸუ Newton Heath F.C.

ჭიჭე ხანიშ უკული, 1902 წანას კლუბი ფინანსური რცეიაბაშ შარას გერდჷ, თიშენ ნამდა 2 500 გირვანქა სტერლინგი ვალქ დაშაყარჷ. მუსხირენ ხანიშ უკული ბენკ სტრიტის დვალირი მოედანი დოკილეს ქოთ[11].

აკორღვაფაშ დო გოუქვაფაშ ოწოხოლე კლუბის თარი ინვესტიციეფი გახორციელუ ჯ.ჰ. დეივისიქ[12], ნამუთ რდჷ მანჩესტერიშ ლუდოხაშუეფიშ მუმართვალი დირექტორი. არსებენს ლეგენდა, ნამდა ბუნაშ კაპიტანი ჰარი სტაფორდი, ოსერანუანდ მუში სანბერნარიშ ჯიშის, მიარე ჯილდოშ მუმაგებ ჯოღორს. თიქ შოშეს მოხვალამირო აუხვადჷ დეივისის, ნამუსჷთ ჯოღორქ ძალამს მეწონჷ დო სტაფორდის მიარზუ ქიმეჸიდუკო თის. ბუნაშ კაპიტანქ ჯოღორი ვაგჷმოჩჷ, მარა შეალებუ დეივისიშ დოჸუნაფაქ კლუბიშა ინვესტიცია ქინუდვალუდკონ დო ქოჸოფედუკო ბუნაშ დუდმახვენჯინ.

ახალი მინჯეშ ხეშა გინულაშ უკული ორდულ სტადიას, კლუბიშ მამართვალეფიშ აკოხვალამას გინოჭყორდჷ ბუნას დათირჷკო ჯოხოქჷნ, მუთ იჸიდჷ ბუნაშ ახალი რინაშ დაჭყაფური. მანჩესტერ სენტრალი დო მანჩესტერ სელტიკი რდჷ საეგებიო გიოდვალარეფი, მარა ლუის როკაქ, ახალ იტალიარ ემიგრანტიქ თქუ: „მუშენ ვადუძახუთ ჩქინ დუდს „მანჩესტერ იუნაიტედის“?“. მერზიებული ჯოხო ართხონარო იხვამილეს დო კლუბის „მანჩესტერ იუნაიტედიქ“ ოფიციალურო გიადუ 1902 წანაშ 26 პირელს. დეივისიქ ხოლო თანჯმეწონილო მიჩქინუ კლუბიშ ფერეფიშ თირუა დო წვანე დო ორქოშფერიშ მანგიორო, კლუბიშ ფერეფო ისხუნეს ჭითა დო ჩე.

ბუნაქ დიჭყჷ ახალი მობურთეეფიშ მოჸონაფა: მეკარე ჰარი გომერი, გვერდომათხილე დიკ დოკუორთი დო გიმანთხაფალი ჯეკ პიკენი. მარა არძშე ჯგირი ნაჸიდერქ იჸუ გვედომათხილექ ჩარლი რობერტსიქ. თიქ ბუნას, თიმწკჷმაიან ბორჯიშ ორეკორდე ფარა, 750 გირვანქაქ დუდოხოდჷ დო 1904 წანაშ პირელს გინიჸონეს „გრიმსბი ტაუნშე“. ჩარლი რობერტსიშ მოხვარათ „იუნაიტედიქ“ 1903-1904 წანეფიშ სეზონს მაჟრა დივიზიონს მასუმა აბანი დეკინჷ დო გვალო 1 ქულათ ეკასქიდჷ მაჟირა, მაართა დივიზიონშა გინმაულარ აკანშა გიშულირ ბუნას.

ბუნაქ მაართა დივიზიონშა გინულა 1905-1906 წანეფიშ სეზონს მახერხჷ, მუჟამსჷთ მაჟირა დივიზიონს მაჟირა აბანი დეკინეს. ანწიან სეზონს ბუნაქ გუხვადუ მაართა დივიზიონს დო ხვალე მაბრუო აკანშა გიშართჷ[13], 1908 წანას მუნეფიშ მაართა ინგლისიშ ჩემპიონიშ ტიტული მიპალეს.

ბასბიშ წანეეფი[რედაქტირაფა | წყუშ რედაქტირაფა]

სერ მეტ ბასბიქ მაართა, მით ბუნაშა მიჸონუნ, ვა რდჷ მობურთე, რდჷ მახვარე ჯიმი მერფი (ინგლ. Jimmy Murphy). კლუბიშ რისკიქ გამართჷ, მუშენდა, 1947, 1948 დო 1949 წანეფიშ სეზონს „მანჩესტერქ“ ჩემპიონატეფს II აბანი დეკინჷ, 1948 წანას ასოციაციაშ თასი მიგჷ.

სერ ალექს ფერგიუსონიშ ეპოქა[რედაქტირაფა | წყუშ რედაქტირაფა]

1986 წანაშ 6 გერგობათუთას „მანჩესტერ იუნაიტედიშ“ თარ მაწვართალო ალექს ფერგიუსონი დარინეს. ფერგიუსონქ ბუნა დატებაფუ კევინ მორანს, მორან უაითსაიდის, პოლ მაკგარტის. ხოლო იდეს მაიკ დაქსბერიქ, გორდონ სტრაჩანქ, ეისპერ ოლსენქ, პიტერ დევენპორტიქ, რემი მოუზესიქ, ფრენკ სტეპლტონქ. ბუნაშ აკოდგინალუას გიშარჩქინდეს პოლ ინსიქ დო ლი შარფიქ. ახალი ბუნათ ფერგიუსონქ 1990 წანაშ ასოციაციაშ თასი მიგჷ. თენა რდჷ თიში მაართა ტიტული მანჩესტერს. ათე გომორძგუაქ ქატუ ფერგიუსონს „იუნაიტედიშ“ მაწვრთალიშ პოსტი.

ართი წანაშ უკული იოჰან კრუიფიშ „ბარსელონა“ დამარცხჷ თასეფიშ თასიშ ფინალს. 1992-93 წანეფს მაართათ მიგჷ ჩემპიონიშ ტიტული. უკული იჸიდჷ ერიკ კანტონა. კანტონაშ პერიოდის, „მანჩესტერქ“ ხუთ სეზონს ოთხშა მიგჷ პრემიერლიგა. 1995 წაანას ასოციაციაშ თასიშ ფინალს ბუნაქ „ევერტონწკჷმა“ დემარცხჷ. ათეშ უკული ფერგიუსონქ კინე ახალეფს მეჩჷ შანსი.

ფერგიუსონიშ ხემანჯღვერუათ ეკონია მატჩი „მანჩესტერ იუნაიტედიქ“ 2013 წანაშ 13 მესის ატარჷ დო „ვესტ ბრომვიჩ ალბიონწკჷმა“ 5-5 ილაჸაფუ.

ფერგიუსონიშ უკული[რედაქტირაფა | წყუშ რედაქტირაფა]

თიშ უკული, მუთ 2013 წანას ფერგიუსონქ ბუნა დიტუნ, თარ მაწვართალო „ევერტონიშ“ ჸოფილი მაწვართალი დევიდ მოიესი დარინეს. მოიესიშ ხეს „იუნაიტედიშ“ საქვარეფქ უკახალე იდჷ. ბოლო მუსხირენ წანაშ გოძვენას ბუნაქ მაართაშა ვამოხვადუ ჩემპიონეფიშ ლიგას. მოიესის სეზონ ხოლო ვათებაფუეს დო ახალ მაწვართალო ლუის ვან გაალი დარინეს, ნამუთ 2014 წანაშ მოსოფელიშ ჩემპიონატის ნიდერლანდეფიშ ნაკორობას წვართჷნდჷ დო მასუმა აბანი დეკინჷ. ვან გაალქ კლუბშა ანხელ დი მარია, რადამელ ფალკაო დო დალეი ბლინდი მიჸონჷ.

ტიტულეფი[რედაქტირაფა | წყუშ რედაქტირაფა]

აკოდგინალუა[რედაქტირაფა | წყუშ რედაქტირაფა]

ნომერი პოზიცია მოლაჸაფე1 დე ხეა •

4 ჯონსი • 5 როხო • 6 პოგბა • 7 დეპაი • 8 მატა • 9 ზლატანი • 10 რუნი • 11 მარსიალი • 12 სმოლინგი • 14 ლინგარდი • 16 კერიკი • 17 ბლინდი • 18 იანგი • 19 რაშფორდი • 20 რომერო • 21 ერერა • 22 მხითარიანი • 23 შოუ • 24 ტიმოთი • 25 ვალენსია • 27 ფელაინი • 28 შნეიდერლინი • 31 შვაინშტაიგერი • 32 ჯონსტოუნი • 36 დარმიანი •

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Stewart, Rob. “Sir Alex Ferguson successful because he was given time, says Steve Bruce“, The Daily Telegraph, Telegraph Media Group, 1 October 2009. კითხირიშ თარიღი: 11 May 2011. 
  2. Northcroft, Jonathan. “20 glorious years, 20 key decisions“, The Sunday Times, Times Newspapers, 5 November 2006. კითხირიშ თარიღი: 24 June 2010. 
  3. Manchester United win 11th FA Cup“, CBC Sports (Canadian Broadcasting Corporation), 22 May 2004. კითხირიშ თარიღი: 24 June 2010. 
  4. Gibson, Owen. “Manchester United fall behind Barcelona on Deloitte rich list“, The Guardian, Guardian News and Media, 2 March 2010. კითხირიშ თარიღი: 6 April 2010. 
  5. Cass, Bob. “United moving down south as fanbase reaches 333 million“, Daily Mail, Associated Newspapers, 15 December 2007. კითხირიშ თარიღი: 20 June 2010. 
  6. Schwartz, Peter J. (18 April 2012). Manchester United Again The World's Most Valuable Soccer Team. Forbes Magazine. კითხირიშ თარიღი: 5 May 2012.
  7. Badenhausen, Kurt. “Manchester United Tops The World's 50 Most Valuable Sports Teams“, Forbes, 16 July 2012. კითხირიშ თარიღი: 16 July 2012. 
  8. The Club. History by decade. 1878—1899. ManUtd.com. დოარქივაფილი რე ორიგინალშე 2011-08-19-ს.
  9. Manchester United: 1878-1926. The Encylopedia of British Football. Spartacus Educational. დოარქივაფილი რე ორიგინალშე 2011-08-19-ს.
  10. Barnes et al. (2001), p. 8.
  11. Murphy, Alex (2006). "1878—1915: From Newton Heath to Old Trafford.", The Official Illustrated History of Manchester United. London: Orion Publishing Group, ხს. 14. ISBN 0-75287-603-1. 
  12. Manchester United FC.. Talk Football. დოარქივაფილი რე ორიგინალშე 2011-08-19-ს.
  13. Manchester United History 1892—1976. Red11.org. დოარქივაფილი რე ორიგინალშე 2011-08-21-ს.