რალფ ჰოვარდ ფაულერი
| რალფ ჰოვარდ ფაულერი | |
| ინგლ. Ralph Howard Fowler | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 28, 1944 (55 წანერი) |
| ღურაშ აბანი: |
ტრამპინგტონი, კემბრიჯშირი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
გარეტ ბირკჰოფი |
| ჯილდოეფი დო პრემიეფი: |
რელეიშ პრემია (1913) |
.svg){kind=small}
რალფ ჰოვარდ ფაულერი (ინგლ. Sir Ralph Howard Fowler; დ. 17 ღურთუთა, 1889, როიდონი, ესექსი, ინგლისი — ღ. 28 კვირკვე, 1944, ტრამპინგტონი, კემბრიჯშირი, ინგლისი) — ინგლისარი ფიზიკოსი დო ასტრონომი.
ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]
რალფ ჰოვარდ ფაულერი გურაფულენდჷ მათემატიკას კემბრიჯიშ ტრინიტი-კოლეჯის. გურაფაშ თებაშ უკული მონაწილენდჷ მაართა მოსოფელიშ ლჷმას, სოდეთ დოჭკირეს. 1919 წანას ფაულერიქ ტრინიტი-კოლეჯიშა დირთჷ დო მუშობა ქიდიჭყჷ მათემატიკაშ ლექტორო. ჸათე პერიოდის ფაულერიქ მუში სტუდენტი პოლ დირაკიწკჷმა ართო გიმირკვიუ ჩე ჯუჯეფიშ მურიცხეფიშ სტატისტიკური მექანიკაშ პრინციპეფი. 1927 წანას ფაულერი რდჷ სოლვეშ კონფერენციეფიშ მაკათური. 1928 წანას ფაულერიქ გჷმაბჟინუ მენცარული ნახანდი ავტოელექტრონული ემისიაშ გეშა. 1931 წანას ფაულერი რდჷ მაართა მენცარი, ნამუქჷთ წჷმარინუ თერმოდინამიკაშ ნულოვანი კანონიშ ფორმულაცია. 1932 წანაშე ფაულერიქ გიშაგორილქ იჸუ კავენდიშიშ ლაბორატორიაშ თეორიული ფიზიკაშ დეპარტამენტიშ მადუდეთ. 1942 წანას ფაულერის გინოჩეს რაინდი-ბაკალავრიშ ტიტული. რალფ ჰოვარდ ფაულერი რდჷ გიშარჩქინელი მენცარეფიშ ომენცარე ხემანჯღვერი. ფაულერიშ ხემანჯღვერობათ კემბრიჯიშ უნივერსიტეტიშ 64 სტუდენტიქ თხილუ ოდოქტორე დისერტაცია. ფაულერიშ სტუდენტეფიშე სუმქ (სუბრაჰმანიან ჩანდრასეკარი, პოლ დირაკი დო ნევილ ფრენსის მოტი) მიპალუ ნობელიშ პრემია ფიზიკაშ დარგის. რალფ ჰოვარდ ფაულერიქ ღურუ 1944 წანაშ 28 კვირკვეს, 55 წანერქ. ფაულერი რე შხვადოშხვა მენცარული პუბლიკაციეფიშ დო სტატიეფიშ ავტორი.
რესურსეფი ინტერნეტის[რედაქტირაფა | წყუშ რედაქტირაფა]
- Ralph Howard Fowler Trinity College Chapel
- Durham, Ian T. (2001). Ralph Fowler (Biography).