დინორეშა გინულა

უილიამ ჰანტერ მაკ-კრი

ვიკიპედიაშე
უილიამ ჰანტერ მაკ-კრი
ინგლ. William Hunter McCrea
დაბადებაშ თარიღი:

13 ქირსეთუთა, 1904

დაბადებაშ აბანი:

დუბლინი, ირლანდია

ღურაშ თარიღი:

პირელი 25, 1999 (94 წანერი)

ღურაშ აბანი:

ლუისი, სასექსი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ასტრონომია, მათემატიკა

სამუშაშ აბანი :

ედინბურგიშ უნივერსიტეტი
ლონდონიშ იმპერიული კოლეჯი
სასექსიშ უნივერსიტეტი

ალმა-მატერი:

ტრინიტი-კოლეჯი (კემბრიჯი)

ომენცარე ხემანჯღვერი:

რალფ ჰოვარდ ფაულერი

ჯილდოეფი დო პრემიეფი:

კეიტიშ მენდალი (1939)
ლონდონიშ ომაფე ჯარალუაშ მაკათური (1952)
ასტრონომიაშ ომაფე ჯარალუაშ ორქოშ მენდალი (1976)
რაინდი-ბაკალავრი (1985)

უილიამ ჰანტერ მაკ-კრი (ინგლ. Sir William Hunter McCrea; დ. 13 ქირსეთუთა, 1904, დუბლინი, ირლანდია — ღ. 25 პირელი, 1999, ლუისი, სასექსი, ინგლისი) — ინგლისარი ასტრონომი დო მათემატიკოსი.

ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]

უილიამ ჰანტერ მაკ-კრი გურაფულენდჷ მათემატიკას კემბრიჯიშ ტრინიტი-კოლეჯის, სოდეთ თხილუ ოდოქტორე დისერტაცია 1929 წანას რალფ ჰოვარდ ფაულერიშ ხემანჯღვერობათ. გურაფაშ თებაშ უკული 1930 წანას მაკ-კრიქ მუშობა ქიდიჭყჷ ედინბურგიშ უნივერსიტეტის, მათემატიკაშ ლექტორო. 1932 წანას მაკ-კრიქ ომუშებუშა გინილჷ ლონდონიშ იმპერიულ კოლეჯიშა. 1936 წანაშე მაკ-კრი რდჷ ბელფასტიშ ქუინსიშ უნივერსიტეტიშ მათემატიკაშ პროფესორი დო მათემატიკაშ დეპარტამენტიშ მადუდე. 1944 წანაშე მაკ-კრი რე ჰოლოვეიშ ომაფე კოლეჯიშ მათემატიკაშ პროფესორი. 1965 წანას მაკ-კრიქ დარსხუ ასტრონომიული ცენტრი სასექსიშ უნივერსიტეტის. უილიამ მაკ-კრი რდჷ შხვადოშხვა პრემიეფიშ დო ჯილდოეფიშ ლაურეატი. რდჷ ლონდონიშ ომაფე ჯარალუაშ მაკათური.

უილიამ ჰანტერ მაკ-კრიქ წჷმარინუ კონცეფცია ბჟაშ აკოდგინალუაშ გეშა, ნამუშ მეჯინათ ბჟაშ ¾ წყარბადი რდჷ დო ¼ ჰელიუმი. აკოდგინალუაშ ართი პროცენტი შხვადოშხვა ელემენტეფი. ადრეიან წანეფს მენცარეფი ფიქრენდენს ნამდა ბჯაშ თარი კომპონენტი რკინა რდჷ.

1964 წანას მაკ-კრიქ წჷმარინუ მასეფიშ ტრანსფერიშ მექანიზმიშ თეორია ცაშფერი სტრაგლერეფიშ სტრუქტურაშ ეიონწყჷმალო.

რესურსეფი ინტერნეტის[რედაქტირაფა | წყუშ რედაქტირაფა]