სუბრაჰმანიან ჩანდრასეკარი

ვიკიპედია-შე
ნავიგაციაზე გადასვლა ძიებაზე გადასვლა
სუბრაჰმანიან ჩანდრასეკარი
Subrahmanyan Chandrasekhar
Subrahmanyan Chandrasekhar.gif
დაბადებაშ თარიღი:

19 გჷმათუთა, 1910

დაბადებაშ აბანი:

ლაჰორი, პენჯაბი, ბრიტანეთიშ ინდოეთი (ასეიან პენჯაბიშ პროვინცია, პაკისტანი)

ღურაშ თარიღი:

მარაშინათუთა 21, 1995 (84 წანერი)

ღურაშ აბანი:

ჩიკაგო, ილინოისი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტროფიზიკა, მათემატიკა

სამუშაშ აბანი :

ჩიკაგოშ უნივერსიტეტი
იერკიზიშ ობსერვატორია
კემბრიჯიშ უნივერსიტეტი

ალმა-მატერი:

მადრასიშ უნივერსიტეტი
ტრინიტი-კოლეჯი (კემბრიჯი)

ომენცარე ხემანჯღვერი:

რალფ ფაულერი
ართურ ედინგტონი

ჯოხოშინელი მოგურაფეეფი:

დონალდ ედვარდ ოსტერბროკი
როლანდ უინსტონი
ჯერემი ოსტრაიკერი
ჯერომი კრისტიანი
იოუსეფ სობოუტი
ართურ კოუდი
სურინდარ კუმარ ტრეჰანი

ჯილდოეფი დო პრემიეფი:

ადამსიშ პრემია (1948)
ნობელიშ პრემია ფიზიკას (1983)
კოპლიშ მენდალი (1984)
მენცარობაშ ერუანული მენდალი (1966)
ომაფე მენდალი (1962)
პადმა ვიბჰუშანი (1968)
ჰაინემანიშ პრემია (1974)

ხეშმოჭარუა:

Subrahmanyan Chandrasekhar signature.png

სუბრაჰმანიან ჩანდრასეკარი (ტამილ. சுப்பிரமணியன் சந்திரசேகர், ჰინდი सुब्रह्मण्यन्् चंद्रशेखर, ინგლ. Subrahmanyan Chandrasekhar, დ. 19 გჷმათუთა, 1910, ლაჰორი, პენჯაბი, ბრიტანეთიშ ინდოეთი (ასეიან პენჯაბიშ პროვინცია, პაკისტანი) — ღ. 21 მარაშინათუთა, 1995, ჩიკაგო, ილინოისი, ააშ) — ამერიკალი ასტროფიზიკოსი დო მათემატიკოსი, ნობელიშ პრემიაშ ლაურეატი ფიზიკას, უილიამ ალფრედ ფაულერიწკჷმა ართო (1983). სუბრაჰმანიან ჩანდრასეკარი უმოსო გურაფულენდჷ მურიცხეფიშ სტრუქტურას, ჩე ჯუჯეფს, მურიცხეფიშ დინამიკას, სტოქასტიკურ პროცესეფს, წყარბადიშ იონეფიშ კვანტურ თეორიას, ჰიდროდინამიკურ დო ჰიდრომაგნეტიკურ სტაბილურობას, ტურბულენტობას, იაკობიშ ელიფსოიდეფს, ფარდობითობას, უჩა რხვილეფიშ მათემატიკურ თეორიეფს, მურიცხეფიშ ევოლუციას დო შხვეფს. ჩანდრასეკარქ ოძირუ ნამდა, ჩე ჯუჯაშ მასა ვეშილებედჷ ქორდუკო ბჟაშ მასაშ 1.44-შა მეტი (ჩანდრასეკარიშ ლიმიტი).

ბიოგრაფია[რედაქტირაფა | წყუშ რედაქტირაფა]

სუბრაჰმანიან ჩანდრასეკარქ დებადჷ 1910 წანაშ 19 გჷმათუთას, ლაჰორს, პენჯაბის, ბრიტანეთიშ ინდოეთის, (ასეიან პენჯაბიშ პროვინცია), ტამილეფიშ ფანიას. გურაფულენდჷ მადრასიშ უნივერსიტეტის. მადრასიშ უნივერსიტეტიშ უკულ ინდოეთიშ თარობაშ სტიპენდიათ, გურაფა გაგინძორჷ ინგლისის, ტრინიტი-კოლეჯის (კემბრიჯი), სოდეთ თხილუ ოდოქტორე დისერტაცია რალფ ფაულერიშ დო ართურ ედინგტონიშ ხემანჯღვერობათ. გურაფაშ თებაშ უკულ გინორთჷ ამერიკაშა სოდეთ მუშენდჷ ჩიკაგოშ უნივერსიტეტის დო იერკიზიშ ობსერვატორიას. ჩანდრასეკარი 1941 წანაშე ჩიკაგოშ უნივერსიტეტიშ ასოცირებული პროფესორი რე, ჟირ წანაშ უკულ პროფესორი. მაჟირა მოსოფელიშ ლჷმაშ ბორჯის ჩანდრასეკარი მუშენდჷ ბალისტიკურ ლაბორატორიას. რდჷ ნობელიშ პრემიაშ, ჰუმბოლდტიშ პრემიაშ, ადამსიშ პრემიაშ დო შხვადოშხვა ორგანიზაციეფიშ პრემიეფიშ ლაურეატი. ღურჷ 1995 წანაშ 21 მარაშინათუთას, 84 წანერქ, ჩიკაგოს, ილინოისის.

ლიტერატურა[რედაქტირაფა | წყუშ რედაქტირაფა]

  • Srinivasan, G., ed. (1997). From White Dwarfs to Black Holes: The Legacy of S. Chandrasekhar. Chicago: The University of Chicago Press.
  • Venkataraman, G. (1992). Chandrasekhar and His Limit. Hyderabad, India: Universities Press.
  • Ramnath, Radhika, ed. (2012). S. Chandrasekhar: Man of Science. Harpercollins.

რესურსეფი ინტერნეტის[რედაქტირაფა | წყუშ რედაქტირაფა]