რობინ უილიამსი

რობინ უილიამსი
დაბადებაშ ჯოხო	რობინ მაკლორინ უილიამსი
დაბადებაშ აბანი	ჩიკაგო, ილინოისი, ააშ
დებადჷ	21 კვირკვე, 1951 (1951-07-21)
ღურჷ	მარაშინათუთა 11, 2014 (63 წანერი) მარინ-კაუნტი, კალიფორნია, ააშ
საქვარუა	არტისტი
აკოქიმინჯალაშ წანეფი	1972–2014
ოფიციალური ვებხასჷლა	robinwilliams.com

რობინ მაკლორინ უილიამსი (ინგლ. Robin McLaurin Williams; დ. 21 კვირკვე, 1951 — გ. 11 მარაშინათუთა, 2014) — ამერიკალი არტისტი დო კომიკოსი რდჷ. თიქ დუდშე ჯოხო მიპალჷ ტელესერიალით მორკი დო მინდი. ხანტურულ ფილმეფს კათაფათ აქტიურენდჷ 1980-იან წანეფშე.

თიში კინოკარიერა იკათუანს თიჯგურა გოხონარაფილჷ ფილმეფს, მუჭოთ რე: „მოსოფელი გარპიშ მეჯინათ“ (1982), „გომორძგუა, ვიეტნამი“ (1987), „ღურელი პოეტეფიშ ჯარალუა“ (1989), „გიშაკურცხინაფა“ (1990), „მაფა მაჩხომე“ (1991) დო „ნიჭიერი უილ ჰანტინგი“ (1997), ხოლო ფინანსურო წჷმოძინლქ იჸუ კინოფილმეფქ: „პოპაი“ (1980), „კაუჩა“ (1991), „ალადინი“ (1992), „მისის დაუტფაირი“ (1993), „ჯუმანჯი“ (1995), „ჩიტეფიშ ცხაური“ (1996), „სერი მუზეუმს“ (2006), დო „ბედინერი თვათვეფი“ (2006). მენაღებჷ აფჷ ოსკარი საუჯგუშო მაჟირახარისხამი არტისტიშო („ნიჭიერი უილ ჰანტინგი“, 1997). ხოლო რე ჟირი ემიშ, სუმი ორქოშ გლობუსიშ, არტისტეფიშ გილდიაშ ჟირი ჯილდოშ დო ხუთი გრემიშ მოღვენი.

[[2014][ წანაშ [✓11 მარაშნათუთა]]ს რობინ უილიამსი კალიფორნიას, მუში ჸუდეს ღურელი ძირეს. ღურაშ სამანჯელი დუდიშ ჸვილუა რდჷ.

ბიოგრაფია

რობინ მაკლორინ უილიამსიქ დებადჷ ილინოისიშ შტატიშ ნოღა ჩიკაგოს. დიამუში ლორი მაკლორინი რდჷ ჸოფილი მოდელი ახალი ორლეანიშე. მუამუში რობერტ ფიცჯერალდ უილიამსი რდჷ Ford Motor Company-იშ ართ-ართი ხემანჯღვერი. დიდაშ განშე თიში დიდი-დიდი ბაბუ ანსელმ მაკლორინი რდჷ მისისიპიშ სენატორი დო გუბერნატორი. უილიამსიშ გენეალოგია აკოდირთუდჷ ინგლისურ, უელსურ, ირლანდიურ, შოტლანდიურ, გერმანულ დო ფრანგულ ბირჯღეფშე. მირდჷ ოეპისკოპოსე ეკლესიაშ წესის მეჯინათ. მირდჷ მიჩიგანს, ბლუმფილდ-ჰილზის, სოდეთ დეტროიტიშ სკოლას გურაფლენდჷნ, გვიანო კალიფორნიას გურაფლენდჷ რედვუდიშ უმაღალაშ სკოლას. სკოლაშ თებაშ უკული აბარჷ კლერმონტიშ კოლეჯის პოლიტოლიგიაშ სპეციალობათ. უკული, გურაფა გაგინძორჷ ჯულიარდიშ სკოლას, სოდეთ დრამატულ ხელუანუას დეპაპაჯვარჷ. ჸუნდჷ ჟირი ჯიმაჸონერი: ტოდი დო მაკლორინი.

ფილმოგრაფია

წანა		მარგალურო	ოდაბადური ჯოხოდვალა	როლი
1977	ფ	შემილებჷნო ბღოლუენ, სოიშა სათოლოს გივახვილუქინ?	Can I Do It 'Till I Need Glasses?	ადვოკატი, კოჩი ნაჭუეფუ კიბირით
1987	ფ	გომორძგუა, ვიეტნამი	Good Morning, Vietnam	ედრიენ კრონაუერი
1989	ფ	ღურელი პოეტეფიშ ჯარალუა	Dead Poets Society	ჯონ კიტინგი
1991	ფ	კაუჩა	Hook	პიტერ პენი
1993	ფ	მისის დაუტფაირი	Mrs. Doubtfire	დენიელ ჰილარდი
1994	ფ	რდა ადამიერი	Being Human	ჰექტორი
1995	ფ	ჯუმანჯი	Jumanji	ალან პერიში
1996	ფ	ჩიტეფიშ ცხაური	The Birdcage	არმან გოლდმანი
1996	ფ	ჰამლეტი	Hamlet	ოზრიკი
1997	ს	მაჸალეეფი	Friends	ტომასი
1997	ფ	ნიჭიერი უილ ჰანტინგი	Good Will Hunting	შონ მაგუაირი
1998	ფ	სოჸურე მეპუნთ ორცებეფს	What Dreams May Come	კრის ნილსენი
2002	ფ	ინსომნია	Insomnia	უოლტერ ფინჩი
2006	ფ	სერი მუზეუმს	Night at the Museum	თეოდორ რუზველტი
2009	ფ	სერი მუზეუმს: სმითსონიშ ლჷმა	Night at the Museum: Battle of the Smithsonian	თეოდორ რუზველტი
2013	ფ	მოინალეეფიშ უნჩაში	The Butler	დუაიტ ეიზენჰაუერი
2014	ფ	სერი მუზეუმს: ოსაფულეშ ფულირი	Night at the Museum: Night at the Museum: Secret of the Tomb	თეოდორ რუზველტი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „რობინ უილიამსი“ ვიკიოწკარუეს.
• ოფიციალური საიტი Archived 2016-10-06 ვებ-ხასჷლას Wayback Machine.
• რობინ უილიამსი — კინოფილმეფიშ ინტერნეტ მუნაჩემეფიშ ბაზას (ინგლისური)
• რობინ უილიამსი — Find a Grave-ს
• რობინ უილიამსი TCM-იშ კინოფილმეფიშ მუნაჩემეფიშ ბაზას