რუხიშ ლჷმეფი

რუხიშ მაართა ლჷმაქ მოხვადჷ 1779 წანას ქორთული (იმერეთი , ოდიში , გურია ) დო ბჟადალ კავკაციას თურქეფიშ აკნანწყუა კოალიციეფი შქას.

ლჷმაშენ ისტორიას ბრელი მუთა არაგადე, წყუეფი ჭიჭე რე დო ეკონიაშა ვენდებე. მაგალთო, ოდიშის ცჷმილ კავკაციაშ კათეფიშ სიას ჩინებული რე ალანეფი დო ყივჩაყეფი , ნამუეფით თე ბორჯიშო ისტორიაშე ბრელხანიშ ეშალაფირი რდეს. ოეგებიეთ შილებე ირაგადუასინ, ნამდა კავკაციარეფიშ კოალიციას აწოჸუნდეს აფხაზეფი დო თინემს მომაჸვენჯო გეთხოზჷდეს ჯიქეფი , ჩერქეზეფი , ბალყარელეფი დო ყირიმიშ თათარეფი . თე ჯარიშ უნჩაშო აფხაზეთიშ თარეფი, შერვაშიძეეფი რენა შინელი. დაშკუმალარი რე, კოალიციას ჭიჭე მუდანობათ თურქეფიშ თიაშ მიშაღალა ხოლო.

ბჟადალ-კავკაციური კოალიციაშ აფხაზეთშე ეჸარებაშ ამბექ ოდიშიშ თარი კაცია II დადიანს ქუმურთჷ დო ვარინ, იმერეთიშ მაფა სოლომონ I-ს ქოთხუ მოხვარა დო თიქით იმერეთი დო გურიას შაყარელი ჯარით ოდიშშა გინილჷ. ჯარეფქ ართიანს რუხიშ ჯიხაშ გოხოლუას ქეიაზადეს და ზისხირამ ლჷმაქ ქორთუეფიშ გომორძგუათ გეთუ. გომორძგვილეფს ნტებულეფიშ თელი არტილერიაქ ქასკიდეს.

რუხიშ 1 - ლი ლჷმაშე აფჷ ჭარილი მა-18 ოშწანურაშ ჯოხოშინელი ქორთუ პოეტის, ბესარიონ გაბაშვილს (ბესიკი) პოემა "რუხის ბრძოლა". კლასიკოს ქორთუ მაჭარალიშ, ნიკო ლორთქიფანიძეშ თხობელუა "რაინდები" ხოლო თე ამბეს გართანს.

რუხიშ მა-2-ა ლჷმაქ მოხვადუ 1855 წანას, რუსეთ-თურქეთიშ ლჷმაშ ბორჯის, სოდეთ თურქეფს ვამარიებეს რუსული ჯარ დო ქორთული მილიციაშა, თეშ გურშენ ინგირწყარს თუდო ქუდაჸუნეს დო სანარმანიოწკჷმა გინილეს, მუ ბორჯისჷთ მეჭიშაფილი რუსეფი დო ქორთუეფს ხოლო მერის მარა მალას თელი ომარგალე ქუდატებაფეს.

რესურსეფი ინტერნეტის

ლჷმეფი სამარგალოს ქორთ. '
რუხის ბრძოლა (ბესიკი, პოემა)^{[ღურელი რსხილი]}
რუხიშ ჯიხა ქორთ. '

გჷმორინაფილი ლიტერატურა

საქართველოს ისტორიის ნარკვევები, ტ. 4, თბ., 1973;
ჩხატარაიშვილი ქ., ქსე, ტ. 8, გვ. 519, თბ., 1984