სხუნუეფიშ ოკუპაციაშ დღა
სხუნუეფიშ ოკუპაციაშ დღა ეიშინუაფუ საქორთუოს ირ წანაშ 25 ფურთუთას 2011 წანაშე[1].
ისტორია
[რედაქტირაფა | წყუშ რედაქტირაფა]1921 წანაშს 15 ფურთუთას საქორთუოშა ჭითა არმიაშ ნორთეფქ გემიშეჭკირეს, ქჷდიჭყჷ სხუნუეფიშ რუსეთ-საქორთუოშ ლჷმაქ. 25 ფურთუთას ჭითა არმიაშ დჷნორთეფქ ქართი გეჭოფეს დო ქიანას კომუნისტური მართუალა გაჭყეს, გეგმიქიმინჷ საქორთუოშ სხუნუეფიშ სოციალისტური რესპუბლიკაქ. საქორთუოშ სხუნუეფიშ რესპუბლიკაშ გჷმოქიმინუაშ ინიციატორი რდჷ ფილიპე მახარაძე, ნამუქჷთ ჭითა არმიაშით საქორთუოშ დოჸუნაფაშ უკული საქორთუოშ სსრ-იშ ცენტრალური ემაჸონაფალი კომიტეტიშ (ცეკ-იშ) მადუდეთ გჷნირთჷ, ოკათე კომისარეფიშ სხუნუშ დო უკული მოლენკავკაციაშ სოციალისტური ფედერაციული სხუნუეფიშ რესპუბლიკაშ ცენტრალური ემაჸონაფალი კომიტეტიშ მადუდეშ პოსტეფი[2].
თეხანობა
[რედაქტირაფა | წყუშ რედაქტირაფა]
საქორთუოშ პარლამენტიქ კანონი „საქორთუოშ სხუნუეფიშ ოკუპაციაშ გეშა“ მიღჷ 2010 წანაშ 21 კვირკვეს[3] (მოხუჯე 87 დეპუტატი 110-შე[4]). ოკუპაციაშ დღაქ მაართათ ეიშანჷ 2011 წანაშ 25 ფურთუთას. თე დღას საქორთუოს გიმე დიკინუაფუ არძა სახენწჷფო შილა დო იცხადებუ წუთიერი შურუბუმობა[5]. საქორთუოშ მოხ, ოკუპაციაშ დღა ეიშინუაფუ ლატვიას დო მოლდოვას (ინიციატივა ივარეს)[6].
2006 წანაშე ქართის ქიმინჯენს სხუნუეფიშ ოკუპაციაშ მუზეუმი. მუზეუმს თხილერი რე ზოხორინელი საქორთუოშ ბოლშევიკური რუსეთიშით ოკუპაცია-ანექსიაშ (1921 წანაშ ფურთუთა-მელახი) დო ანტისაოკუპაციე, ერუანულ-გჷმადუდიშულარი ყარაფიშ (1921-1990) ისტორიაშ მაძირაფალი შანულამი დოკუმენტური დო ფოტომასალა, თაშნეშე, ეშანილი ყარაფიშ თოლოძირე მოღალეეფიშ მემორიალური ნიფთეფი დო თინეფიშ მოღალობაწკჷმა მერსხილი მასალა[7].
თაშნეშე ქოძირით
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Парламент Грузии утвердил День советской оккупации, lenta.ru, 21 კვირკვე 2010
- ↑ 25 февраля — День советской оккупации Грузии, newsgeorgia.ru, 25 ფურთუთა 2011
- ↑ კანონი საქართველოს საბჭოთა ოკუპაციის შესახებ
- ↑ День советской оккупации появился в Грузии, rian.ru, 21 июля 2010
- ↑ Грузия отмечает «День советской оккупации», bbc.co.uk, 25 февраля 2011. Аудио 00:08:33
- ↑ В Грузии будут отмечать День советской оккупации, kommersant.ru, 21 июля 2010
- ↑ საბჭოთა ოკუპაციის მუზეუმი