ტიალინგ კუპმანსი

ვიკიპედიაშე
ტიალინგ კუპმანსი
ნიდერლ. Tjalling Koopmans
დაბადებაშ თარიღი:

28 მარაშინათუთა, 1910

დაბადებაშ აბანი:

გრაველანდი, ნიდერლანდეფი

ღურაშ თარიღი:

ფურთუთა 26, 1985 (74 წანერი)

ღურაშ აბანი:

ნიუ-ჰეივენი, კონექტიკუტი, ააშ

მენოღალობა:

ნიდერლანდეფიშ შილა ნიდერლანდეფი
ამერიკაშ აკოართაფილი შტატეფიშ შილა ააშ

ომენცარე სფერო:

ეკონომიკა
ფიზიკა

სამუშაშ აბანი :

იელიშ უნივერსიტეტი
ჩიკაგოშ უნივერსიტეტი

ალმა-მატერი:

უტრეხტიშ უნივერსიტეტი
ლეიდენიშ უნივერსიტეტი

ომენცარე ხემანჯღვერი:

ჰენდრიკ ანტონი კრამერსი
იან ტინბერგენი

ჯოხოშინელი მოგურაფეეფი:

კარლ კრისტი
სტენლი რეიტერი
როლფ მანტელი
გილერმო კალვო

ჯილდოეფი დო პრემიეფი:

ნობელიშ პრემია ეკონომიკაშ დარგის (1975)

ტიალინგ ჩარლზ კუპმანსი (ნიდერლ. Tjalling Charles Koopmans; დ. 28 მარაშინათუთა, 1910, გრაველანდი, ნიდერლანდეფი — ღ. 26 ფურთუთა, 1985, ნიუ-ჰეივენი, კონექტიკუტი, ააშ) — ნიდერლანდარი-ამერიკალი მათემატიკოსი დო ეკონომისტი, რესურსეფიშ ოპტიმალური გორთუალაშ თეორიაშ რკვიებაშ გეშა გინოჩეს ნობელიშ პრემია ეკონომიკაშ დარგის 1975 წანას (ლეონიდ კანტოროვიჩიწკჷმა ართო).

ბიოგრაფია[რედაქტირაფა | წყუშ რედაქტირაფა]

ტიალინგ კუპმანსიქ დებადჷ 1910 წანაშ 28 მარაშინათუთას, ნიდერლანდეფიშ ოფუტე გრაველანდის. გურაფულენდჷ მათემატიკას უტრეხტიშ უნივერსიტეტის. 1930 წანას, კუპმანსიქ მათემატიკაშ გურაფა მიოტუ დო დიჭყჷ თეორიული ფიზიკაშ დოგურაფა. 1933 წანას გეჩინებაფუ შინელი ეკონომისტი, ნობელიშ პრემიაშ ლაურეატი იან ტინბერგენი, მიდართჷ ამსტერდამიშა დო დიჭყჷ მათემატიკური ეკონომიკაშ გურაფა ტინბერგენიშ ხემანჯღვერობათ. 1936 წანას კუპმანსიქ მიპალუ მენცარობაშ დოქტორიშ ხარისხი ლეიდენიშ უნივერსიტეტის. 1940 წანას კუპმანსიქ მიდართჷ ამერიკაშა. ართ პერიოდის იმუშუ დიო ვაშინგტონს დო უკულ ჩიკაგოს. რდჷ ეკონომიკაშ რკვიებაშ კაულესიშ კომისიაშ კონსულტანტი. კაულესიშ კომისია აფილირებული რდჷ ჩიკაგოშ უნივერსიტეტიწჷმა. 1948 წანაშე კუპმანსი რდჷ კაულესიშ კომისიაშ დირექტორი. 1948 წანაშე ტიალინგ კუპმანსი რდჷ ამერიკაშ სტატისტიკაშ აკადემიაშ მაკათური დო 1950 წანაშე ნიდერლანდეფიშ მენცარობეფიშ დო ხელუანობეფიშ აკადემიაშ მაკათური-კორესპონდენტი. 1950-იან წანეფს კაულესიშ კომისიაქ ომუშებუშა იელიშ უნივერსიტეტიშა გეგნორთჷ დო კუპმანსიქ ხოლო კარიერა იელიშ უნივერსიტეტის გაგინძორჷ. ტიალინგ კუპმანსიქ ღურუ 1985 წანაშ 26 ფურთუთას, 74 წანერქ, კონექტიკუტიშ ნოღა ნიუ-ჰეივენს. კვანტურ ქიმიას რე კუპმანსიშ ჯოხონობაშ კუპმანსიშ თეორემა.

გიშნაგორა პუბლიკაციეფი[რედაქტირაფა | წყუშ რედაქტირაფა]

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: