ტომას გრემი

ვიკიპედია-შე
ნავიგაციაზე გადასვლა ძიებაზე გადასვლა
ტომას გრემი
ინგლ. Thomas Graham
Thomas Graham Litho.JPG
ტომას გრემი 1856 წანას
დაბადებაშ თარიღი:

21 ქირსეთუთა, 1805

დაბადებაშ აბანი:

გლაზგო, შოტლანდია

ღურაშ თარიღი:

ეკენია 16, 1869 (63 წანერი)

ღურაშ აბანი:

ლონდონი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ქიმია

სამუშაშ აბანი :

ლონდონიშ უნივერსიტეტი

ალმა-მატერი:

ედინბურგიშ უნივერსიტეტი

ჯილდოეფი დო პრემიეფი:

ომაფე მენდალი (1838, 1850)
კოპლიშ მენდალი (1862)

ხეშმოჭარუა:

Thomas Graham (chemist) signature.png

ტომას გრემი (ინგლ. Thomas Graham; დ. 21 ქირსეთუთა, 1805, გლაზგო, შოტლანდია — ღ. 16 ეკენია, 1869, ლონდონი, ინგლისი) — შოტლანდიარი ქიმიკოსი, კოლოიდეფიშ ქიმიაშ ართ-ართი დუმარსხუაფალი. გრემიქ მიშეღჷ დიდი მენცარული კონტრიბუცია დიალიზიშ დო აირეფიშ დიფუზიაშ რკვიებაშა.

ბიოგრაფია[რედაქტირაფა | წყუშ რედაქტირაფა]

ტომას გრემიქ დებადჷ 1805 წანაშ 21 ქირსეთუთას, შოტლანდიაშ ნოღა გლაზგოს. გრემი გურაფულენდჷ გლაზგოშ უნივერსიტეტის, სოდეთ დეინტერესჷ ქიმიათ. გლაზგოშ უნივერსიტეტიშ უკულ ტომას გრემიქ გურაფა გაგინძორჷ ედინბურგიშ უნივერსიტეტის. გურაფაშ თებაშ უკულ გრემი მუშენდჷ გლაზგოშ უნივერსიტეტის. 1830 წანას გრემიქ მუშობა ქიდიჭყჷ ანდერსონიშ მედიცინაშ სკოლას. მალას გრემიქ ოცხოვრებშა დო ომუშებუშა ლონდონშა გეგნორთჷ. ჸათაქ გრემი მუშენდჷ ლონდონიშ უნივერსიტეტის. 1841 წანას ლონდონს რინაშ ბორჯის, გრემიქ დარსხუ ლონდონიშ ქიმიაშ ჯარალუა დო 1841-1843 წანეფს რდჷ თიში მაართა პრეზიდენტი. 1828 წანაშე გრემი რდჷ ედინბურგიშ ომაფე ჯარალუაშ საპატიო მაკათური. ტომას გრემი რდჷ ლონდონიშ ომაფე ჯარალუაშ დო შვედეთიშ მენცარობეფიშ ომაფე აკადემიაშ მაკათური. 1837 დო 1863 წანეფს ლონდონიშ ომაფე ჯარალუაქ გრემის გინოჩჷ ომაფე მენდალი. 1862 წანას გრემიქ მიპალუ კოპლიშ მენდალი. გრემიქ ღურუ 1869 წანაშ 16 ეკენიას, ლონდონს. ნთხორილი რე გლაზგოშ ოხვამეშ სასაფლას.

მენცარული რკვიებეფი[რედაქტირაფა | წყუშ რედაქტირაფა]

ტომას გრემი გურაფულენდჷ აირეფს დო აკიმუშუ აირეფიშ გეშა ჟირი ფორმულაცია ("გრემიშ კანონეფი"). ართი ორხველუდჷ აირეფიშ დიფუზიას დო მაჟია ეფუზიას. გრემიქ მიშეღჷ დიდი თია დიალიზიშ გოვითარაფაშა. გრემიქ კოლოიდეფიშ რკვიებაშ ბორჯის, აკეთჷ კოლოიდეფიშ დო კრისტალოიდეფიშ გორთუალა დიალიზერიშ ტექნოლოგიაშ გიმორინაფათ. ჸათე ტექნოლოგია რდჷ ასეიან მედიცინას გიმორინაფილი ჭაჭაშ დიალიზიშ აპარატეფიშ ადრეიან ვერსია. ტომას გრემიშ კოლოიდეფიშ გეშათ რკვიებეფს, გიარსხუ კოლოიდეფიშ ქიმიაშ გოვითარაფაქ.

გიშნაგორა პუბლიკაციეფი[რედაქტირაფა | წყუშ რედაქტირაფა]

  • On the Law of Diffusion of Gases (1833)

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]