ტყაიაშ ჯეგე გერგიშ ოხვამე
| ტყაიაშ ჯეგე გერგიშ ოხვამე | |
| ქორთ. ტყაიის წმინდა გიორგის ეკლესია | |
ტყაიაშ წიმინდე გერგიშ ოხვამე | |
| გეოგრაფიული კოორდინატეფი | / |
| რელიგიური ორხველობა |  საქორთუოშ მართლმადიდებელი ოხვამე |
| ქიანა |  საქორთუო |
| აკანი | სამარგალო-ჟიმოლენი შონეშ აკანი |
| მუნიციპალიტეტი | ზუგდიდი |
| ოფუტე | ტყაია |
| ოშურიელე სტატუსი | მოქიმინჯე |
| ითარიღებუ | 1910-1912 წწ. |
ტყაიაშ ჯეგე გერგიშ ჯოხოდვაალშ ოხვამე — ოხვამე საქორთუოს, ზუგდიდიშ მუნიციპალიტეტიშ ოფუტე ტყაიას.
ოხიდაშ ისტორია
[რედაქტირაფა | წყუშ რედაქტირაფა]ოფუტე ტყაია ზუგდიდიშ მუნიციპალიტეტიშ ართ-ართი სქვამი ოფუტე რე, ნამუთ ზუდგიდშე 17 კილომეტრიშ გოძვენას წყარმალუ ინგირწყარიშ კვარჩხანი წყარპიჯის იდვალუაფუ. ოფუტეშ ასეიანი ტერიტორია დადიანეფიშ მართუალობაშ ბორჯის, ედომუშამო ტყათ ჸოფე ფორილი დო თარეფიშ საჸოროფო ომაჯინე აბანს წჷმარინუანდჷ. მითმიოწურუანა ოფუტეშ ჯოხოდვალათ თაჸურეშე მოურსია — „ტყაია“ მარგალურო ტყალამ აბანს შანენს. უკული დადიანეფს თე აბანეფი ჩიქოვანეფშო დუჩინჷნა, ნამუეფიშ გამნარყეფი ამდღა ხოლო ოხორანა ოფუტეს.
ულირი ოშწანურაშ მაართა წანეფს, ოფუტეშ მახორუ სიმონ ბეჟანაშ სქი ჩიქოვანქ, ნამუსჷთ გამნარყიქ ვემიაჩჷნ, დორხველი ოხორუე მამულონი გეგნუხვამუ არხო მოჯგირეს — ბარდღა კადირბაშ აქი ჩიქოვანს, ნამუსჷთ სამსონიშ დჷნაჩინაშ მეჯინათ ნაჩუქერი აბანს აკუგაფუდუკო ოკო ჯეგე გერგიშ ჯოხოდვალაშ ოხვამე. ბარდღა ჩიქოვანს მონდომება ვადურკებჷ დო 1910-1912 წანეფს აკაგჷ ოხვამე. კიდალეფიშ აკაგაფალო ანგურეფი კინე თექ, აბანს გეგშაჭჷ, თანაქიშ ორთვალი (ოხვამერი მარანში) სტამბოლიშე მიღეს. ოხვამექ აკიგჷ 1910–1912, სოდე დჷნაჩინაშ მეჯინათ, სიმონ ჩიქოვანი დო თიში ჩილი ოხვამეს დასაფულეს.
ოხიდაშ დღახუ ეიშანუაფუ გერგობას.
რესურსეფი ინტერნეტის
[რედაქტირაფა | წყუშ რედაქტირაფა]- ზუგდიდიშ დო ცეშიშ ეპარქიაშ ოფიციალური ვებ-ხასჷლა Archived 2014-09-03 ვებ-ხასჷლას Wayback Machine.
