ყარაყორუმი
|
ყარაყორუმი | ||
|---|---|---|
 ჩოგორი
| ||
|
კოორდინატეფი: / | ||
| ორენი |  პაკისტანი ჩინეთი ინდოეთი |
|
| ფართობი | 77 154 | |
| სიმაღალა | 8614 | |
| სიგჷრძა | 476 | |
| სიგანა | 466 | |
| ქჷნდჷრი | ჩოგორი | |
|
 |
||
ყარაყორუმი (ჩინ. 喀喇昆仑山脉; ურდ./არაბ. سلسلہ کوہ قراقرم; ჰინ. काराकोरम; თურქ. უჩაქუა გვალეფი) — გვალეფიშ სისტემა ცენტრალურ აზიას. პაკისტანიშ, ჩინეთიშ დო ინდოეთიშ ტერიტორიეფს. ყარაყორუმი ჰიმალაიშ გვალეფიშ უკული, სიმაღალათ მაჟირა გვალეფიშ სისტემა რე დიხაუჩას. ყარაყორუმი ინდიშ დო ტარიმიშ ღანჩოეფიშ წყარგჷმართუ რე.
ორთაშობური პიჯალეფი
[რედაქტირაფა | წყუშ რედაქტირაფა]ყარაყორუმიშ სიგჷრძა დოხოლაფირო 500 კილომეტრი რე. ჩანგჩენმოშ დო პანგონგიშ ქჷნდჷრეფწკჷმა ართო — 800 კმ. სიგანა — 150-კმ-შე 250 კმ-შახ. ყარაყორუმი მუსხირენი პარალელური ქჷნდჷრეფშე აკმოდირთჷ. ყარაყორუმიშ ოშქაშე სიმაღალა დოხოლაფირო 6000 მეტრი რე, მაქსიმალური - 8611 (ჩოგორი, სიმაღალათ მაჟირა რე ევერესტიშ უკული). ხოლო სუმი კონკაშ სიმაღალა 8000 მეტრაშ უმოსი რე, ხოლო ბრუო კონკაში - 7500 მეტრის. მიარე ჸალაიბონი 4600-4800 მ სიმაღალას იდვალუაფჷ.
ყარაყორუმი წჷმარინუანს ალპური დახუჭუჭუაშ დიდ ანტიკლინორიუმს, ნამუშ ლირული ზონა აკოგაფილი რე გნაისეფით, კრისტალური ფიქალეფით, გრანიტეფით დო მარმარილოთ. ოორუე-ბჟაეიოლ ზონა - ჟილენი პალეოზოური დო მეზოზოური კარბონატული დო დიხაჭაბუშ ქანეფით, ობჟათე-ბჟადალი ზონა - ვულკანოგენური დონოლექი ქანეფით.
ყარაყორუმიშ დინოხურიშეფშე ეიოშინალი რე მოლიბდენიშ, ორქოშ, წურწუფაშ ობადეეფი.
ჰეერი გვერდოტიოზიში რე, კვათირო კონტინენტური. ობჟათე კართეს გიოხე ინდოეთიშ ოკიანეშ მუსონიშ გოლინა. ყარაყორუმს ჰეერიშ ოშქაშე წანმოწანური ტემპერატურეფი უარჸოფითი რე. მაღალგვალამ ღოზის ნოლექეფი თირიშ სახეთ მოურს. წორობორჯული გოჸინუაშ ფართობი რე დოხოლაფირო 17,8 ვთშ. კვ.კმ. ჯიშთეფშე ეიოშინალი რე : სიაჩენი, ბალტორო დო ჰისპარი.
თირიშ ხურგა ობჯათე კართეს 4700 მ სიმაღალას გიმურს, ოორუე კართეს - 5900 მ-ის. ცენტრალური ნორთიშ გვალეფოშქაშე ქვიბიეფს აფხვადჷნა წყითე ტობეფი.
რესურსეფი ინტერნეტის
[რედაქტირაფა | წყუშ რედაქტირაფა]