ცისანა (ჩანარი)

ცისანა, კესანე (ლათ. Myosotis) — ართ-, ჟირ- ვარ-და ანდაწანიანი ოდიარე ჩანარეფიშ გვარი უჩა ბედინერიშობურეფიშ ფანიაშე. უღჷ მორჩილი ლენი ფერიშ (ოშა-გოშათ ჩე) პეულეფი.

გვარს 50-შახ (შხვა მუნაჩემეფით 80-შახ) გვარობა რე. ჩანს ევრაზიაშ ზჷმიერ ორტყაფუს, თაშნეშე ტროპიკულ აფრიკაშ გვალეფს, ავსტრალიას, ახალ ზელანდიას, მორჩილი ნორთი — ამერიკას. საქორთუოს ჩანს 15 გვარობა. ირდჷ ჭყენჭყის, ლამე დო დაორებულ აბანეფს, ტყაშ პიჯის, ბართვონეფს, დოლოეფს. კანკალე გვარობა ჟვერი რე, ანდა — დეკორატიული. საქორთუოშ სუბალპურ დო ალპურ დოლოეფს ფართოთ ჩანს ალპური ცისანა (ლათ. Myosotis alpestris).

ლიტერატურა

• ქორთული სხუნუეფიშ ენციკლოპედია, ტ. 5, ხს. 477, ქართი, 1980 წანა.

ვიკიოწკარუეს^? რე ხასჷლა თემაშენ:

ცისანა (ჩანარი)