ცოლიკოური

ცოლიკოური (სინ.: ცოლიკაური, ობჩური ცოლიკოური, მელქოშ ცოლიკოური, კობახიძეშ ცოლიკოური დო შხვა) — ქორთული ჩეჸურზენამი ბინეხიშ ჯიში. ორხველჷ იმერეთიშ ბინეხიშ ჯიშეფიშ ბუნას. საგვიანო პერიოდიშ რე.

ცოლიკოურიშ ტიანი, მარაშინათუთა

იმერეთიშ მოხ გოფაჩილი რე რაჭა-ლეჩხუმს, გურიას, სამარგალოს, აჭარას დო აფხაზეთის. ფართობიშ მეჯინათ, რქაწითელიშ უკული საქორთუოს მაჟირა აბანი უკებჷ. ცოლიკოური გიშეგორუაფჷ მაღალი ომეურნე-ტექნოლოგიური მახასიათაფალეფით. ცოლიკოურშე იკეთებუ ევროპული დო იმერული ტრადიციული წესით დჷთმიდგუმუაფჷ მაღალხარისხიანი სუფრაშ დო ორთაშობურო გვერდო გემუანი ღვინეფი, ნამუეფსჷთ ახასიათენს ღილე ჭაშფერი, დიდი რსხული, ალკოჰოლიშ დო ბჟელაშ ნორმალური ღვენა, ხაფაჩუა დო მაღალი გემური მაძირაფალეფი, ჯიში საგვიანო მონდინაფაშ პერიოდიშ რე ჸურზენი გჷმათუთაშ მაჟირა ნორთის მონდიდჷ. ჸურზენის წვენს ჭაფურია აკმადგინანს 20,0-25,0%-ს, ბჟელა - 7,5-9,5 გ/ლ-ს. ცოლიკოურშე იკეთებჷ აბანობური ჯოხოშ ღვინეფი „სვირი“ (ციცქაწკჷმა ართო) დო „ტვიში“.

ცოლიკოური გიშეგორუაფჷ ხვეიანმოსალათ, ღვინიშ მაღალი ხარისხით, სოკოამ ლახარეფშოთ გამრზეობათ, ელმოლშოთ ჯგირი მენწყუაფათ.

ცოლიკოური ოხერეჭე ჯიშიშ რე, ნამუშე აკეთენა აბანობური დო ევროპული ტიპიშ სუფრაშ დო ორთაშობურო გვერდოგემუან ღვინეფს. ცოლიკოურს, მუჭოთ უჯვეშაშ ქორთულ ჯიშსს, მიარე ვარიაცია დო კლონი უღუ. ჩინებული რე თ. ჯ. ობჩური ცოლიკოური დო ბაზალეთური ცოლიკოური, ნამუეფჷთ მენცარეფიშ არზით შხვადოშხვა ჯიშეფი რე.

თაშნეშე ქოძირით

• ქორთული ბინეხიშ ჯიშეფი

ლიტერატურა

• გოცირიძე ვ., ქორთული სხუნუეფიშ ენციკლოპედია, ტ. 11, ხს. 240, ქართი, 1987 წანა.
• Pierre Galet, „Dictionnaire encyclopédique des cépages“, 1, Hachette Livre, 2000, 2-0123633-18

რესურსეფი ინტერნეტის

• საქორთუოს გოფაჩილი დო პერსპექტიული ბინეხიშ ჩეჸურზენამი ოღვინე ჯიშეფი Archived 2016-12-24 ვებ-ხასჷლას Wayback Machine.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.