წყარალა
წყარალა თაშნეშე წყარმოსოფუა — წყარიშ დონეშ უცბაშიანი ძინა, გოპიჯაფილი რე გემანტირე ჭვემეფით ვარდა თირიშ ინტენსიური ნდღულაფათ. წყარმოსოფუა ძნელოპროგნოზირაფონი მოლინა რე.
წყარმალუეფიშ წყარალა
[რედაქტირაფა | წყუშ რედაქტირაფა]წყარმალუეფიშ წყარალა ოთხი ტიპიშ რე, ნამუთ ართიანშე გომაჟირაფაშ სიშხირეთ, მასშტაბით დო მერინაფილი ზარალიშ მუდანობათ იშხვავებჷნა. თენეფი რე:
უშანულამო წყარალა დჷმახასიათაფალი რე ვეშ წყარმალუეფშო, 5-10 წანმოწანაშე ართშა უჩქჷ. წყარალაშ ბორჯის იფორუ წყარმალუშ გოხოლუაშ ტერიტორიაშ 1/10, ვეგმიჭანუანს შანულამ მატერიალურ ზარალს დო ვარღვიენს რინაშ რჩქვანელობურვ რიტმის.
შანულამი წყარალა დჷმახასიათაფალი რე მუჭოთ ვეშ, თაშნეშე გვალაშ წყარმალუეფშო, 20-25 წანმოწანაშე ართშა უჩქჷ. წყარალაშ ბორჯის იფორუ წყარმალუშ ლეხერიშ შანულამი ნორთი. გჷმიჭანუანს არსებით მატერიალურ ზარალს, მახორობაშ გორკვიაფილ ნორთიშ ევაკუაციას დო რინაშ რჩქვანელობურ რიტმიშ თირუას.
მასშტაბური წყარალა იკენს წყარმალუშ ედომუშამ ღანჩოს, 50-100 წანმოწანაშე ართშა უჩქჷ. შხირ შვანს დახე ედომუშამო იდორუ წყარმალუშ გოხოლუაშ ტერიტორია, დოხორელი პუნქტეფი. გჷმიჭანუანს დიდ მატერიალურ ზარალს, ძალამო თირანს ადამიერიშ ჸოფა-რინაშ დო სამეურნო საქვარუას, თხულენს მახორობაშ და მატერიალური ფასეულობეფიშ ევაკუაციას.
კატასტროფული წყარალა — იზმახებუ ქვერსემი ტერიტორიეფი, ედომუშამო, პარალიზებული რე ადამიერიშ საქვარუა. იკენს მიარე წყარმალუშ ღანჩოს, 100-200 წანმოწანაშე ართშა ვარდა უმოს მერკეთ უჩქჷ. თეჯგურა წყარალა გჷმიჭანუანს ადამიერიშ ჭყვიდას, უდიდაშ მატერიალურ ზარალს.
თაშნეშე ქოძირით
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- O'Connor, Jim E. and John E. Costa. (2004). The World's Largest Floods, Past and Present: Their Causes and Magnitudes [Circular 1254]. ვაშინგტონი: U.S. Department of the Interior, U.S. Geological Survey.
- Thompson, M.T. (1964). Historical Floods in New England [Geological Survey Water-Supply Paper 1779-M]. Washington, D.C.:[United States Government Printing Office.
- Powell, W. Gabe. 2009. Identifying Land Use/Land Cover (LULC) Using National Agriculture Imagery Program (NAIP) Data as a Hydrologic Model Input for Local Flood Plain Management. Applied Research Project. Texas State University–San Marcos Archived 2012-03-05 ვებ-ხასჷლას Wayback Machine.
რესურსეფი ინტერნეტის
[რედაქტირაფა | წყუშ რედაქტირაფა]- Flood Risk Management Research Consortium
- International Flood Initiative
- UN-CECAR Archived 2011-12-30 ვებ-ხასჷლას Wayback Machine.
| ||||||||||||||||||||